الحقيقه البوست بتاعي مجرد خواطر جوايا كنت بتمنا اني البوست ده يكون حاجه تفرح اصلي الناس مش ناقصه
بس بجد ظاهرة انعدام الامان بقيت مخيفه جدا انا بتابع الاخبار من فتره قريبه لكن حقيقي حاسه انه جالي اكتئاب منها !!
زمان كانو بيقولو اني معني الغربه باختصار هو انعدام الامان
طيب دلوقتي احنا في بلدنا جوه حضنها ومع ذلك دايما حاسين بخوف
راح فين الامان ؟؟
لما يكون مابقاش في امان في الاكل اصلي بيموت بالبطيئ
لما يكون مابقاش في امان في الشرب اصله زي الاكل وانيل !!
لما يكون مافيش امان في الشارع
( ناس بتتخطف وناس بتموت وناس بتتسرق وناس بتتاخد اعضائها وناس في امان الله ماشيه وتلاقي اللي يغتت عليها)ا
لما يكون مافيش امان في بيتك
(مع كثرة حوادث السرقه )ا
لما يكون مافيش امان في شغلك
(تكون ماشي بما يرضي الله وتلاقي اللي مش عاجبه حالك وانك احسن منه وكيفه انك تروح ورا الشمس عشان مش يكون في غيره مع اني محدش بياخد رزق حد سبحان الله )
مافيش امان في المدرسه
( الاطفال بيعذبو ويغتصبو ويقتلو داخل المدارس !!)ا
مافيش امان حتي في الزواج
(حالات فرديه جدا لكن واضحه اوي انها مؤشر خطير جدا )ا
مافيش امان في البنوه ولا في الابوه !!
( سمعنا كتير عن ابن او ابنه قتلت ابوها او امها لو مش قتل موت فهو قتل معنوي او العكس اباء وامهات قتلو اولادهم سوء قتل مادي او معنوي )
مافيش امان في تعظيم الديانات !!ولا احترام للاانبياء !!
( اهانات للاانبياء وبدون اي سبب اهانات لمجرد التجريح ليس الا وظهور طوائف غريبه بينا يؤمنون باشياء غريبه والاغرب اننا نلقاهم بدون اي موقف )ا
حاجات كتيرررررررره اوووووي ماعدش فيها امان لو فكرتو دقيقه في الموضوع
هتلاقو حاجات كتيره اوي من اللي انا بقوله ده
لييييييييييييييه
جري ايه في الدنيا خلاها كده ؟؟؟؟؟؟؟؟؟
اسفه بجد علي البوست ده لو كان ضايق حد
وعموما انا عملت حسابي وجبت ليكم موقف كده قريته واضحكني جدا
لعل يكون تخفيف من البوست ده :)
======================
اغبي حرامي في العالم !
للغباء حدود ولكن الذي فعله احد اللصوص في ألمانيا
يرشحه للدخول في موسوعة جينس بوصفه أغبي حرامي
فقد ذكرت مصادر الشرطه في مدينة أوبرهاوزن أن اسرة
ألمانيه عادت إلي سكنها بعد قضاء عطله قصيره وصاح
أحد افراد الاسره علي سبيل المزح ( هل من احد بالمنزل )ا
وجاءت المفاجأه عندما صاح شخص غريب ( أنا هنا ) ونظر
افراد الاسره إلي بعضهم وأحاطو باللص الذي كان يعد
العدة لمغادرة المنزل وحضرت الشرطه واعتقلت اللص
من جريدة اخبار اليوم
تعليقي الشخصي
ضحك ملوش حل
فكرت كده اني مره كنت بره وراجعه البيت
ودخله الشقه المفروض اني طلما مش فيها حد وانا بفتح الباب والنور كده
اقول السلام عليكم ورحمة الله وبركاته اول لما ادخل
والقي حد بيرد عليه بيقولي وعليكم السلام ورحمة الله وبركاته اتفضل ياحج
ههههههههههههههههههههههههههههههههههههههههههههههههههههههههههههه
19 comments:
بالنسبة للأمان المفقود مش عارف ليه حسسنى بأغنية محى >> ولا حاسس بالأمان :)
عموما ده شئ طبيعى لعدم التفكير وتحكيم العقل فى اى حاجة بنقولها او بنعملها بس كدة :)
بالنسبة للحرامى بأة فده فكرنى بنكتة بلدياتنا اللى حصلت عليهم كبسة قامو استخبو فى البوكس
تحياتى وربنا يطمن الناس :)
اه صحيح معلش افتكرت حاجة مهمة
عدم الأمان أو الخوف ده ابتلاء من ربنا سبحانه وتعالى لينا علشان احنا اتخلينا عن الدين والأخلاق والدليل قوله تعالى فى سورة البقرة >> (ولنبلونكم بشئ من الخوف والجوع ونقص من الأموال والأنفس والثمرات وبشر الصابرين)
صدق الله العظيم
هههههههههههههههههههههههههههههههههههههههههههههههههههههههههههههههههههههه
بجد الموقف يضحك جدا
بس ضحكتينا بعد بجد ما حسست بالحسرة على بلادى وعلى دنيتنا ودينا
بجد حسرة ما بعدها حسرة
تحياتى
شيمو القمر
fox ...
يمكن عشان كلمات الاغنيه قريبه اوي من الموضوع
مش فاهمه يعني احنا علاقتنا ايه يعني عملنا ايه وحش ؟؟؟
وبالنسبه للاياه الكريمة
عندك حق فيها انا فكرها جدا علي فكره
ربنا يفرج كرب كل الناس
هههههههههههههههههههه
ههههههههههههههههههههههههه
النكته ماشيه اوووووووي علي موقف الحرامي
متأكده اننا عندنا من عينته كتيرررررررررر اوي في مصر سلطان في فيلم غبي منه في المطوه بتاعتنا لكن الفلوس مش بتاعتنا :))
نورتني في اول تعليق
اعترافات قلب ...
الحمد لله اني ضحكتك
بجد مش كنت عاوزه اضايق حد بكلامي
نورتي :)
كل ده يااينو عشان الناس بعدت خالص عن ربنا بعدت عن الفطره
وبالتالي كل شئ مباح
ولكن الانسان المؤمن بيرتاح قلبه بذكر الله
الا بذكر الله تطمأن القلوب
اما الحرامي ده لطيف خالص
فعلا
دنيتنا بقت غريبه
مافيهاش امان بجد
اما بالنسبه للحرامى
ف بجد تسلم دماغه:))
ماهو كان لازم يرد برضه والا كانت تبقى عيبه:))
مع كل اللي قولتيه دا ياينو
هقولك قولي ياااااااارب
ماعنديش غير التعليق الي دايما بقوله لما بسمع عن الحاجات دي كلها ان القيامه قربت
الأمان ضاع يوم مضاع الحب وضاع الضمير والخوف من ربنا
ربنا يهدى
ياااااااااااه
عندك حق
راح فين الامان
ازاى نحسه
ازاى نلاقيه
ازاى يكون عندنا امل فى بكرة وسط كل اللى احنا فيه
ازاى نعرف نبطل خوف
مفيش اى حاجة من اللى حوالينه تدينا مؤشر حلو
بجد موضوعك جميل
ومش كلامك عمره اللى هيديقنا
بالعكس ده بيفكرنا بأننا دايما فى خوف وقلق من بكرة ومن انهاردة كمان
تحيااااااااااتى
هدوووووووووووء من فضلكم
اشعر بغصة الم كما تشعرون
وقاطعت الاعلام بكل اشكاله المرئي والسمعي والمقروء
لانه انتابني نوبة اكتئاب فظيعة
ولكن ..
تذكرت ان امة محمد صلى الله عليه وسلم فيها الخير
ووشوشت نفسي بانه لا فائدة من الحسرات والاهات ونبرات الحزن ولكن لنقوم لنغير انفسنا ونغي من حولنا
لست مسئولة عن العالم لكن مسئولةعن نفسي
...............
مش عايزة اتفلسف بس انا بصبر نفسي ,,ومن حقنا نفضفض
شمس النهار ...
عند حضرتك حق
وزي مافكرنا فوكس بالايه الكريمه
من سورة البقره
(ولنبلونكم بشئ من الخوف والجوع ونقص من الأموال والأنفس والثمرات وبشر الصابرين)
صدق الله العظيم
هو ده فعلا اللي احنا بنمر بيه
ربنا يعفو عننا
نورتيني :)
blue wave ...
هو ده اللي حاسيته وخلاني اعمل البوست يادكتور
الحرامي ده مشكله لوحده :))
نورتين:)
كيارا ...
ونعم بالله:)
نورتيني :)
حاسوباتيه ...
والله ليه لالا
كل شئ جايز وكان في علامات كتير ظهرت
ربنا يعفو عننا :)
نورتيني :)
محمد غاليه ...
للاسف مهو من الحاجات اللي تخوف يامحمد
انه الضمير انعدم ومبقاش حد يفكر هو كده راضي ضميره ولا لالا
والحب بأه نادر في زمنا ده
ربنا يلطف بعبيده
تحياتي :)
طائر الليل الحزين ...
حقيقي كلامك حساه اووووووووي
ربنا قادر انه يغير حال الدنيا للاحسن
بس المهم نفتكره بالدعاء بصلح الاحوال :)
نورتيني :)
القمر الساهر ..
اولا وقبل ماانسا
اهلا بيكي لاول مره في رقة الاحساس
ثانيا والله انا جالي الاكتئاب ده وحاسه بيكي وبحاول ارجع القوقعه بتاعتي تاني واعزل نفسي علي قد مااقدر
مبقاش في حل غير اننا نفتكر ربنا سبحانه وتعالي ونحاول نطمن نفسنا بأني الجاي احسن
وسيدنا النبي صلي الله عليه وسلم عمره ماأخطاء اكيد في خير مستنينا :)
نورتيني بجد :)
Post a Comment