Tuesday, March 24, 2009

حتي السمك :(

اللي فيكم يعرف وشاف سمك الباسا اللي منتشر جدا في الاسواق المصريه في شكل
فيليه الباسا

يقرا .............

حذر د/ محمد فتحي عثمان رئيس الهيئه العامه للثروه السمكيه من
الافراط في تناول سمك الباسا التي يتم استيرادها من فيتنام

موضحا انها تعيش وتربي في المجاري ونهر الميكونج
وهو من اقزر انهار العالم حيث ترتفع به نسبة الملوثات

ورغم ذلك يتم استيرادها بكميات كبيره في في صورة سمك فيليه
ويقبل علي شرائها المواطنون

وروي خلال ندوه اقيمة بدمنهور
انه تصادف ذات مره وقوفه امام محل لبيع الاسماك

ورأي احد المواطنين يطلب شراء كميه كبيره من سمك الباسا
فحاول اعلامه ان هذه السمكه تربي في مياه المجاري الملوثه بفيتنام
وان تناولها بلا شك يسبب اضرار كثيره

وان البلطي النيلي المصري افضل منها بكثير
غير ان صاحب المحل سمعه واتهمه بمحاولة بتطفيش الزبائن




15 comments:

Foxology said...

ييييييييييييييييييع

انا كان قلبى حاسس ان فى ان واخواتها كمان فى الموضوع ده

الكيلو يا اخوانا بحداشر جنيه بس مش ممكن يكون سمك طبيعى

على قد ما انا مبسوط ان وجهة نظرى طلعت صح على قد مانا بطنى وجعااااانى :(

شكرا على المعلومة يا اينو

تحياتى :)

مهندس / على درويش said...

متشكر جدا على المعلومة الجميله دي
اللي طبعا هتفدني
وانشاء الله أقوووول لماما




شكرا
تحياتي

طـائر الليــل الحـزين said...

واللهى الواحد مبقاش عارف ياكل ايه وهو مش خايف من اللى بياكله
هنلقيها من المبيدات اللى بتخضر الاكل قبل اوانه والا من السمك اللى ملوه السوق بيه
الناس دى هتخاف على مصلحة البلد امتى بس . هيسبوها فى حالها امتى

شمس النهار said...

معقول الكلام ده ياناس تاني بيتلعب بقوت الناس الغلابه
انا قريت فوكس بيقول انه رخيص ب 11 جنيه معقول انا اول مره اسمع عنه
حرام هو توفيق عبد الحي بتاع الفراخ اللي طلعت مش فراخ رجع تاني والا ايه

حاسوباتيه said...

ياربي هو احنا ناقصين وبعدين نستود سمك من فيتام ليه يعني ماله البولطي رائع اهو

منى said...

الحمد لله السمك ده مش عندنا اصلا
بس برضه ىشكرا على المفلومه يا اينو جايز نقابله فى حته تانيه

على فكره البوست اللى فاتت جمييييل انا علقت عليه
وطبعا بعتذر عن غيابى المتكرر وانا مطمنه ان اينو قلبها كبييير

ضحكات الحياة said...

قال يعنى احنا ناقصين سمك من المجارى بس يعنى يا جماعة ما هو الماية بتاعتنا بقت عاملة ازاى هههههههههههه

تحياتى

Eno said...

fox ...

اكيد طبعا لازم يكون في ان طلما حاج ه سعرها بيقل بالاسلوب ده
الحاجه الكويسه سعرها بيزيد في ايامنا دي

معلش اني وجعتلك بطنك :(

العفو

نورت رقة الاحساس والبلوجر كله :)

Eno said...

مهندي / علي درويش ...

العفو اهم حاجه انها افادت الجميع :)

اهلا بيك في اول زياره لرقة الاحساس :)

Eno said...

طائر الليل الحزين ...

عندك حق والله استني البوست اللي جاي ليه هيكون حول الموضوع ده

ربنا يسترها علينا

تحياتي :)

Eno said...

شمس النهار ...

للاسف يامدام شمس كلام فوكس صح والكيلو وصل تقريبا لي 9 جنيه كمان بعد ماكان سعره مابين 20 و22 جنيه

والحاجه الكويسه الطبيعي يكون سعرها في الطالع مش في النازل بالشكل ده !

نورتيني :)

Eno said...

حاسوباتيه ...

قلة عقل بعيد عنك امال يخلصو ازاي من الزياده السكانيه :(

حاجه بقت تقرف والله

نورتيني :)

Eno said...

مني ...

طيب الحمد لله ابقي خدي بالك

انتي تيجي في اي وقت دي مدونتك ياقمر
بس مش تغيبي عشان بجد بقلق عليكي :)

نورتيني :)

Eno said...

ضحكات الحياه ...

والله عندك حق انا سمعت انه البلطي بتاعنا بيتربي في كفر الشيخ علي بعد مترات من نفيات الاراضي الزراعيه اللي بتصب في الميه اللي بيتربي فيها وكلها كيماويات وقرف

ربنا يعافينا :(

نورتي :)

القمر الساهر said...

والله حرام يا ناس

فين الضميييييييييييييير

يارب استرعلينا


ولا تؤاخذنابما فعل السفهاء منا