وقت الفراغ والنساء :
دراسه اثبتت انا النساء يقضين معظم اوقات فراغهن بالمطبخ !!
السؤال بأه ليه معظم وقتهم ؟ بيعملو ايه ؟؟
يعني مثلا اتخن طبخه مش بتاخد اكثر من 3 ساعات وكمان بوقت غسيل الاطباق!!
يعني انا مثلا وقت فراغي من 8 : 10 ساعات
هنتكلم انه 8 ساعات مثلا في اليوم معظمه ده يعني بالتقريب كده 6 ساعات
يعني اقضي 6 ساعات في المطبخ ليه هعمل ايه ؟؟
طيب بلاش دي اسمعو اللي جايه
وقت الفراغ والرجال :
نفس الدراسه العلميه اثبتت ان الرجال في الدول الاروبيه يقضو معظم اوقات فراغهم
في العنايه والاهتمام بالجناين التي يملكونها وايضا الاهتمام بالمقتنايات الثمينه
السؤال بأه طيب والشباب اللي مش عنده جنينه تبعه وعنده وقت فراغ يعمل ايه ؟؟
أقول انا !!
يشتري مقص تقليم الاشجار وينزل علي اشجار شوارع المحروسه هيلاقي
كل شجره مليانه عصافير يسبها انا بحظر من انه يجي جمب اي عصفوره واحده لاني العصافير كلها اللي في الاشجار
ملكيه خاصه لي فوكس خطيبي وبيديهم مرتب كمان
واللي مش مصدق يسأل اي عصفوره هتقوله كده
ماعلينا
ويمسك الاشجاردي يعملها علي شكل قلوب عشان تبقي مصر تشرح القلب كده
واهو منه بيقضي وقت فراغه ومنه بيفيد البلد وساعتها هيتتعمل عليه دراسه لوحده
غير اللي انا بتكلم عليها وبتشمل فئه معينه بس من المجتمع للاسف مش كل امجتمع سوء كان اروبي او عربي!!!
دي الحاجات اللي قريت عنها في موضوع وقت الفراغ ده ومش عاجبتني خاااااالص
بس في حاجات عجبتني زي :
ه 1- حضور بعض الدروس الدينيه في المسجد والمشاركه في نشاطات المسجد اذا كان له نشاطات
ه 2- القراءه في مجال احب القراءه فيه وممكن ان تصل القراءه الي دراسه في ذلك المجال
ه 3- سماع الخطب في المنزل
ه 4- قراءة تفسير القرءان الكريم لتدبر اموره
ه 5- ممارسة اي رياضه زي المشي مثلا يوميا
ه 6- قراءة السيره النبويه الشريفه والفقه
الحاجات دي كويسه جدا عجبتني جدا جدا لاني معظمها في الدين
وفعلا بفكر اعمل حاجات منها
بس المشكله انها تقريبا كلها بكون لوحدي فيها وانا بعاني جدا من الوحده جمب الفراغ ده !!!!!
ياااااريت
اللي عنده افكار تانيه زياده ياريت يفيدني بيها
والا هنزل انا اقلم اشجار مصر في يوم واليوم التاني اجيب كرسي
واقعد جوه مطبخنا واللي داخلواللي خارج اشرف عليه
واخليه يمضي علي خروج اي حاجه ورجوعها سليمه ها بس
22 comments:
انا شخصيا اعرف سيدات المطبخ فعلا هو حياتها ودنيتها
بيتفننوا في انتاج واختراع وابتكار انواع عجيبة وغريبة وجميلة
بس للاسف معرفش رجال عندهم جناين على الاطلاق
تحيااااتي
موضوع وقت الفراغ ده موضوع طلع كبير اوى وعليه دراسات كمان
بس المشكلة انى مثلا كشاب مش هقضى وقت فراغى فى انى انزل اظبط اشجار المحروسة .. تولع بالعصافير اللى فيها :))
بهزر :)
لا بجد موضوع وقت الفراغ بيبقى حسب البيئة اللى الواحد موجود فيها يعنى مثلا عن نفسى لو عندى وقت فراغ هقضيه فى القراءة مثلا او هوايتى المفضلة .. أيوة .. الفيفا :))
افكار تقضية وقت الفراغ اللى كتبتيها يا اينو ممتازة اللى هما العشرة دول بس فعلا فيهم حاجات مينفعش الواحد يعملها لوحده .. عموما هشوف معاكى الموضوع ده على رواقة كدة ونشوف ممكن نعمل ايه سوا :)
بوست جميلة كالعادة يا اينو :)
هي لو تقضي وقت فراغها بالمطبخ يبقي شئ مفيد جداً له....:)
طبعا الدراسة مبالغ فيها او بالاصح انها اصلا بتتكلم علي حاجات مش موجودة اصلا.. تقليم شجر ايه وجناين ايه... هي الناس لاقية شقق لما هتلاقي جناين؟؟
تحياتي
foxology ..
هو فعلا موضوع كبير
والحاجات اللي انا قولتها مقتنعه بيها جدا بس المشكله اني لوحدي بس
هستنا منقشتنا :)
ونورتني :)
a.samir ..
انا معاك انا هناك سيدات تهوي واقفة المطبخ وصناعة وطهي مالذ وطاب
بس دول اكيد ستات كبار
مش سننا يعني
تحياتي ومرسي للمرور والتعليق :)
القلم السكندري ..
مفيد ازاي يعني !!
والله عندك حق الدراسه معملوه عن عينات نادر لما تلاقيها في المجتمع
عشان كده انا قولت مش عجبتني
مرسي للمرور والتعليق :)
هو فيه احلى من القعده فى المطبخ يااينو :)
طب انا فى الاجازه بقعد افنن فى اكلات كده واعملهم حلويات وببقى مبسوطه اوووووى
يعنى بتمنى اخلص كليه خالص عشان امارس هوايتى فى الطبيخ
وبعدين وقت فراغ ايه بس وفوكس موجود (وش بيغمززز)
قوليله خرجنى يافوكس :))
انا جايه اهدى النفوووس :))
موضوع حلو جدا
انا عن نفسى وقت فراغى بحب اكتب وبقرا كتير عنت بس بحب الكتب اكتر
بس موضوع المطبخ ده
لا بحس انها هضيع عمرها بين الحلل والطبخ
اوك تطبخ بس مش عمرها كله
يا دوك ... وقت فراغ وانا موجود ؟؟ انا نفسى ساعات بعانى من وقت الفراغ ده :))
وبقول لنوسة خدينى معاكى خدينى معاكى مفييييش
انا عارف انك بتهدى النفوس :))
نوسه ..
حبيبتي والله وحشتيني
حراام يانوسه اقضي كل وقتي في المطبخ :(
بصي وفوكس جاي عندنا انا بقف ابدع بأه وكده واطلع كل الفن (وش بيغمز )ه
بس غير كده مش هينفع ادفن نفسي جوا المطبخ
والله كلمة حق تتقال فوكس مش مقصر معايا وكمان ماشاء الله عليه من غير مااقوله خرجني هو بيقولي يلا نخرج
بس برضه في فرااااغ مهو حرام افضل لازقاله كده حقه برضه يشم نفسه شويه ولا ايه انتي مش بتعملي كده !؟؟
نورتنيني بعد الغياب الطويل ده :)
=================
dina ..
الاول نورتيني اول مره بزيارتك لرقة الاحساس
ثانيا انا كمان والله بحب القراءه جدا جدا لكن اكيد مش كل وقت الفراغ هقراء
محتاجاه حاجات كتيره تملي وقتي
انا متفقه ماكي في موضوع المطبخ لاني من شب علي شئ شاب عليه والله من دلوقتي تقضي وقت فراغها في المطبخ بعد كده لما تكبر وتتجوز كل لما يدورو عليها مش هيلاقوها غير في المطبخ :D
نورتيني بجد :)
foxology ..
اه يانوسه اهو فوكس اهو طلع عنده وقت فراغ بيقعد يلعب فيه فيفا :D
والله انا كمان فضلت امبارح اقول خدني معاااك وضحكت عليه وسبتني ومشيت برضه ( وش بيغمز )
مع اني بابا قالك بسيطه خدها :D
ههههههههههههههههههههههه
والله دايما منور البلوج :)
منا عمال احوش فى الــ 75 قرش من ساعتها يا اينو علشان اخدك :))
foxology..
لو كنت اعرف انهم مبلغ كبير اوووي كده عليك كنت كلمت بابا وخليته خففهملك
ايه يافوكس بس ؟؟
امال لو كان طلب 75 الف جنيه مهر
ولا زي عرايس المسلسلات دول وقالك اكتبلها فيلا ب2 مليون جنيه بأسمها كنت هتفضل تحوش فيهم قد ايه ؟؟؟؟؟؟؟؟؟
:D
فوكس نسيت اقولك
سيبك انت ! انت عندي اغلي من كل الدنيا كده يعني:$ :$
ولا يهمك نحوش ال75 قرش انا وانت سحتوت سحتوت لحد لما نكملهم :D
انا نفسي يبقي عندي جونينة وأزرع فيها نعناع ... ياسلاااام عليه بيطرد الناموس والحشراات ..ابقي أدعيلي وانتي قاعدة كدة اني يبقي عندي جونينة
انا علي فكرة اجدعها اكلة مش بتاخد معايا ساعة
بس الماحشي بس هو اللي بياخد اليوم كله
جريتي ريقي لما اقوم اخطف لي لقمة سلاام
المفقوع مرارتها ..
يارب يكون عندك جونينه يااااارب يامفقوعه انا دعيت اهو ابقي اديني من النعناع بأه عشان كمان بحب اشربه بيهدي الاعصاب :D
اه فعلا الاكل مش بياخد وقت خالص غير الاكلات اللي زي المحشي هي دي اللي بتاخد وقت اوكي بالف هنا ياقمر :)
نورتيني :)
السلام عليكم الستات ملهاش غير المطبخ
ياله المطبخ المطبخ بس المهم نلاقى حد نطبخله
اريد عريسا ..
مين قال كده في حاجات كتير البنات والستات بيعملهو وبتكون مفيده جدا غير المطبخ
ياااه هو انتي مش لاقيه حد تطبخيله !!
أولاً..إنت فعلاً محتاجه لصديق ..لأن طبيعتنا لما بنكون لوحدنا بنبدأ الحاجه متحمسين ليها
وبع كده زي م انتي عارفه
...
عندك حفظ القرآن وتفسيره
الكتابه بكل أنواعه مهمه جداً
human ..
فعلا اي حد بيبدأ اي حاجه لوحده بيكون متحمس في البدايه وبعد كده عشان لوحده حماسه بيقل ويمكن بينعدم
انا الحمد لله عندي صديقات بس للاسف كل واحده ملهيا في حياتها واشغالها
مرسي للافكار اللي قولتها فعلا افكار حلوه جدا
ومرسي لمرورك اول مره برقة الاحساس :)
Post a Comment