العنوان ده دايما بيتقال علي اي اتنين غالبا بيكونو ( انتيم ) ولاد او بنات
بس انا دلوقتي بقصد بيه حاجه تانيه !!
هقولكم ازاي
انا اقصد بيه مش (الانتيم) بس انا اقصد بيه هنا (الكابلز) يعني اي اتنين مخطوبين او حتي متجوزين
بمعني هو( الحبيب /الحبيبه) تنفع تكون صديقه في نفس الوقت ومعني صديقه انها تكون مستمعه جيده مش مثلا هو يكون صريح جدا وهي عشان صراحته مش يعجبها اللي بيحكيه تروح مسودها من مبدأ انها حبيبته وكذلك العكس برضه
يعني ينفع يكون الحبيب حبيب وصديق في نفس الوقت والصداقه الشامله كل حاجه حتي الفضفضه اللي بتكون في منتهي الصراحه ؟
ياتري علاقة الصداقة اللي بيجي بعدها حب وارتباط بتحتفظ بنفس قدر الصراحه المتبادله لما كانت صداقه وبس
ينفع تكون العلاقه ( اصحاب وحبايب ) ؟؟
يــــارب تكونو فهمتوني اقصد ايه ؟
انا رئي الشخصي اني
لو علاقة الحب صحيحه يبقي هتشمل صداقه صريحه :)
يعني ايه المشكله اني لو اتكلمت بمنتهي الصراحه في كل اللي يخصني مع شريك حياتي لو كان مستمع جيد لي ؟؟
ده اولي من اني اتكلم مع اي حد تاني ولا ايه رئيكم ؟؟؟
16 comments:
اولا البوست جميلة اوى يا اينو وموضوعها مهم اوى
ثانيا انا متفق معاكى فى كل حاجة قولتيها خصوصا الجزء اللى فيه ان الحب لو صحيح هيكون صداقة حقيقية صحيحة
وفعلا لو مكنتش اخللى شريك حياتى هو صديقى بكل معانى كلمة الصداقة يبقى مين ؟؟؟
شكرا للبوست الجميلة دى :)
ايووووة وكمان حتة الغيرة دى برافو عليكى انك قولتيها نورتينا نحن معشر الشباب :))
يا سلام ده العلام حلو يا ولاد :))
برجاء النشر ... وش بيغمز
foxology ..
الحمد لله اني البوست عجابتك يافوكس
لاني كان يهمني رئيك فيها جدا جدا
ايوة لازم اي واحده تحاول تقود غيرتها للي يفيد علاقتها بشريك حياتها
يالهوووي هو انا مالي بقيت عامله زي برنامج لربات البيوت كده ليه
استنوني كل يوم يابنات من الشاعه شبعه للشاعه شبعه ونص
مع ابله اينووووو :))
نورتني يافوكسي :)
البوست جميل جدا جدا وفعلا اصلا المفروض اي مرتبطين يكونوا اصحاب لان الصراحه هي اساس العلاقه وكمان الوضوح وانك مش نخبي اي حاجه على الطرف التاني علشان العلاقه تستمر وتكمل يارب يوفقك الكل والبوست فعلا رائع
حاسوباتيه ..
اولا نورتيني بالزياره اول مره لرقة الاحساس
ثانيا كلامك صح جدا وانا شخصيا مقتنعه بيه لانه تقريبا رئي الشخصي زيه :)
تحياتي ليكي :)
اااااااااااااااه
اصحاب وحبايب
ياريت بجد يكونوا اصحاب قبل ما يكونوا حبايب
ويسمعوا لبعض
كلامك زى الفل ولا غبار عليه
ويارب الكل يقدر يعمل كده
الكلام مظبوط ده أولا
أحب أهنيكى-بالأحرى أحسدكم- إنت وأحمد على حبكم ده ده ثانيا
ثالثايارب تفضلوا فاهمين بعض كده على طول
تحياتى
Sometimes ..
فعلا موضو انهم يقدرو يسمعو لبعض واهم حاجه الصراحه ده مهم جدا جدا
روش موضوع لاغبار عليه دي
ههههههههههههههههههههههههههه
نورتيني ياقمر :)
محمد صبحي ..
اولا مرسي جدا علي الكومنت ده
وليه الحسد بس اللهم لا حسد :))
ثانيا انا في البوست بقصد الكل بوجه عام واتكلمت عن نماذج غيري انا واحمد
وقولت رئي الشخصي كاتعليق علي الموضوع زي اي حد وبس
ثالثا مرسي لمرورك وتعليقك وربنا يسعدك والكل يارب :)
انا ومحمد كنا صحاب واخوات على فكره قبل مانتخطب
افتكر انى عمرى مافكرت فيه حبيب خاااالص
وهو عمره ماحسسنى انه بيفكر فيا بطريقه تانيه
كنت بحسه اخويا وكنت عارفه عنه كلللل حاجه وهو طبعا عارف عنى كللللل حاجه
و النصيب بقى حكم :)
وطبعا حظه م السما انى نصيبه ولاايه:)؟
ولسه على فكره لحد دلوقتى بنتعامل على اننا صحاب مع كونا حبايب اوى يعنى :) يعنى بيحكيلى كل حاجه وبحكيله كل حاجه
تعرفي ياقمر الرجال فيهم طبع غريب .... وهو انهم بيبقوا الصدر الحنين والمستمع الجيد لأي أنثي غير زوجتهم حتي لو كانت الأنثي دي راجل ينقصه الشنبات
انا جوزي كدة علي فكرة
كان ليه صديقة وزميلة له في الشغل كل الناس مش بتحبها وزوجي الوحيد اللي كان يضيع وقته في الكلام معاها وكانت بتشتكيله من زوجها ومن حماتها
وكلما حاولت انا التقرب منه واتخاذه صديق لي يقول مش فاضي اسمع كلامك الهايف
نوسه ..
عارفه هو ده اللي انا بقصد بالظبط اني العلاقه مش يتغير فيها حاجه بتغير طبيعتها
طبعا يابنتي هو كان هيلاقي زيك فين ده انا متأكده انك قمر كده :)
علي فكره انا وفوكس قصتنا شبه كده شويه في موضوع الاصحاب ده قبل الارتباط وكده (وش بيغمز )ه
نورتيني وحياة ربنا :)
مفقوعه ..
معقووووووووووووول في كده يعني بيسمع للي بره وانتي لالا
طيب انتي ليه مش اتكلمتي معاه وقولتيله الكلام ده في منتهي صراحه !!؟؟
مهي دي الصراحه اللي بقول عليها
والله بفرح ما بتيجي عندي بحس انك بتفكي شويه عن مووود حماتك نورتيني ياقمر والله :)
البوست تحفة وممتاز وموضعه جميل قوي
انا بتفق معاكي في رأيك لأن الحب شامل بيشمل الصداقة لأنه أكثر صور الترابط بين الحبيب والحبيبه علشان كده لازم يشمل درجات الارتباط الاقل منه
تحياتي
البوست حلو قوي وموضوعه ممتاز جدا
انا بتفق معاكي في كلامك لأن الحب علاقة قوية شاملة لازم تحتوي العلاقات الاقل منها بين الحبيبين
تحياتي
انا حر ..
كلامك مظبوط جدا
مرسي للمرور والتعليق :)
Post a Comment