اللي هاحكي عليه ده لا قريته في جرنال ولا شوفته علي النت
ده واقع وللاسف مؤلم !
اكيد في ناس عارفه ان في المدارس الحكوميه بيوزعو علي كل طفل بسكوت وعلبة لبن كاوجبه غذائيه
الحقيقه يشكرو والله علي الكرم
بس لما يبقي اللبن ده فاسد ويجيب للاطفال تسمم هو ده بأه الموضوع :(
وبدأ الموضوع لما دخلت عربية اللبن في مدرسة اخي الصغير من كام يوم كده
وبعد ماافرغت مابداخلها من علب اللبن اكتشف احد المدرسين ان اللبن منتهي الصلاحيه
واجمع المدرسين المسئولين في المدرسه بعدم توزيعه علي الاطفال
وبالفعل العربيه خدت لبنها ورجعت الشركه علي انها ستعود مره ثانيه بالبن اخر
وبالفعل عادت في اليوم التالي محمله بالبن عليه تاريخ صلاحيه مظبوط
وقامو بتوزيعه علي الاطفال مع البسكوت لك للاسف " برضه اللبن فاسد " لان
بمجرد ما بدأ الاطفال في تناوله (20 حالة تسمم) ده غير اللي بطنعم وجعتهم وبيرجعو سوري يعني
وجريت المدرسين نبهت علي الفصول بأن من لم يتناول اللبن يتخلص منه " يرميه يعني " عشان مش صالح للشرب
وجالي اخويا مدهول ياعيني وعمال يرجع وحالته حاله وقعد يحكيلي انه علي ماقاله كان شرب علبة لبن من الاتنين اللي ادهاله
المهم هو دلوقتي احسن الحمد لله واتعلم حاجه اني مش هيثق في حاجات المدرسه دي تاني والحمد لله انها جت علي قد كده
الدور والباقي علي الاطفال اللي اتسممو دول والله حرام
نصيحه بأه بجد اللي ليه اولاد او اخوات يعلمهم يشوفو " EXP "
بتاع اي حاجه قبل مايكولها واللي مش بيعرفو يحسبو لسه صغيرين
يتنبه عليهم تنبيه شديد اللهجه لو حد اداهم حاجه مش يكلوها ياما يتخلصو منها ياما لما يروحو يورها للي في البيت
قبل مايفكرو يكلوها
امال ايه ياجماعه دي مصر بتقولنا
ولادنا امانه في ادينا
مش كده ولا ايه ؟؟
وش بيغمز
17 comments:
اولا الف سلامة على سلوم حبيبنا وراجلنا :)
ثانيا مصر لبدنا حبيبتنا ووزارة التعليم (مفيش تربية معلش دلوقتى ولا تعليم اساسا بس لازم يكون ليها اسم برضه نميزها بيه) بتدى الطلبة والعيال الصغيرة حاجات بايظة علشان معدتهم تخشن كدة وتبقى جامدة تستحمل البلاوى التانية اللى هياكلوها لحد لما يكبرو ويموتو بعد عمر طويل .. المصرى مشهور بمعدته اللى تهضم الزلط مش علبة لبن منتهية الصلاحية :))
الف سلامة مرة تانية على اسلام وبلاها حليب ولا بسكويت
ارحمنا يارب
foxology ..
الله يسلمك من كل شر يافوكس
هو في زي مصر ولا في زي وزارة التربيه والتعليم
طبعا تهضم الزلط اللي زي موجود في العيش كده واخد بالك ياحج (وش بيغمز )
الله يسلمك يافوكس
سلوم اتعلم خلاص وحرم :D
نورتني يافوكس وربنا يرحمنا فعلا:)
مش عارف ليه ياجماعة مش قادرين تفهموا حكمة الناس اللى ماسكة البلد دى ليه؟!!
الناس عايزة تظبطنا على مزاجها وتطلعنا فوق فووووووووق بقى
!!هو حد طايل
بجد يا إينو إنتى وفوكس دايما ظالمين الحكومة
صحيح مابيطمرش فيكوا العيش -أبو نص جنيه-ولا الملح
دى الحكومة قايمة بواجبها وزيادة
أنا قولتها من زمان
ربنا معانا
تحياتى ليكى يا إينو
محمد صبحي ..
لالا الحقيقه عندك حق في دي
المفروض نبطل افتري
خلاويص فوكس فهمني انهم عاوزين بطن المصرين تهضم الزلط
وحرمت اقول كده تاني بأه
ربنا معانا فعلا
مرسي للمرور والتعليق :)
الف سلامه عليه يااينو
معلش يابنتى
البلد دى خلاص باظت باظت باظت
بجد مكتئبه من حالها المايل ده
نوسه ..
الله يسلمك ياحبيبتي :)
لالا دي حلوه وعليها عثل كمان حد يقدر يقول غير كده
واللي حصل ده مصلحه عشان يقوي بطن اسلام شويه
فوكس فهمني كده (وش بيغمز )و
وقالي افهم اللي يسـألني كده برضه :))
والله نورتيني ووحشتيني اوووووووووووووي :)
ألف سلامة علي أخوكي
المفروض حاجه زي دي هتتقدم للأطفال يهتموا بيها اقصي اهتمام !!
ربنا يسامحهم
الحمد لله احنا بابا من و احنا اطفال لازم يقولنا بصوا علي تاريخ الصلاحية
خلاص بقيت اي حاجه امسكها في ايدي اوتوماتيك ابص علي تاريخها :D
و ربنا يستر طبعا
اول زيارة لمدونتك :)
تحياتي
ربنا يستر....حتى الجيل الجديد عاوزيت يبوزة ياايما يسمموة ويتخلصوا منه
بعد ما اصابوا الى قبلهم بسرطانات من المبيدات المسرطنه
والى قبلهم اصابوهم بهم اكل العيش او سؤ التعليم وخلوهم باستمرار فى حاجه للكد والشقى من اجل الحصول على فتات
ربنا معاكى يامصر
ومع ولادك
هتستحملى ايه ولا ايه
والله بحبك يامصر اوى اوى
وصعبان عليا الى بيعملوة فيكى
وانتى ولا قادره تعملى اى حاجه
البوست بتاعك جميل اوى وحساس اوى اوى
ربنا يخليلك اخوكى يا ستى
وكل الاطفال
تحياتى
الف سلامه على اخوكي وبجد حراااااااااام الاطفال دول ماعرفش هي وصلت لكده يعني هما مش عارفين يودوا الحاجات المنتهيه الصلاحيه فين بيجيبوا للمدارس واطفال كمان يعني بجد حسبي الله ونعم الوكيل
الف سلامة على اخوكى يا اينو
معلش هنعمل ايه بقى
الدنيا بقت كده
وربنا يخليكى يا جميله على الكليب بتاع الاغنيه
والحمد لله انى قدرت اخليكى تحبى حاجه جميله زيك كده
Bongo ...
اولا نورتيني في اول زياره لرقة الاحساس
ثانيا بأه ومين بس يعمل اللي بتقولي عليه ده والاهمال بقي في كل حاجه وكل مكان حتي الاهمال في ارواح الناس :(
ثالثا اللي باباكي عمله ده هو اصح حاجه اي اب يعملها لما يكون فعلا بيخاف علي اولاده
بجد مرسي لمرور والتعليق :)
momken ...
مش بقي في اهتمام لا للكبار ولا للصغار كله بأه في اهمال لدرجه اني المدرس اللي قال للولاد مش تشربو قاله عليه انه بيقول كده عشان ياخد اللبن ليه يبيعه
راح قال للطلبه اشربو انا مالي :((
مافيش حد بيكره مصر
بس برضه مش بقي في حد بيحبها زي الاول :((
نورتني بزيارتك الاولي لرقة الاحساس :)
حاسوباتيه ..
ازيك عامله ايه ؟؟
هنعمل ايه غير اننا ندعي ربنا علي الظلم انه يرفعو عننا
ربنا يرحمنا والله :(
دايما منوراني بجد ياسكره:)
sometimes...
فينك مش تغيبي كده تاني :)
الله معانا بأه :)
نورتيني بزياتك العزيزه
ربنا يخليكي يارب انتي عسوله تخلي اي حد يحب اي حاجه بتقوليها :)
نورتيني ياقمر :)
بجد الله يسلمكم كلكم من كل شر
ومرسي اووووي لكل اللي دخل وسأل علي اسلام اخويا
ربنا مش يجيب اي حاجات وحشه تاني نكتب عنها ولا عندي ولا عندكم :)
تحياتي ليكم كلكم :))
وهي البلد دي عمرها عملت حاجة عدلة
عليكي تاج جاوب ياجميل
ام احمد ..
علي رئيك والله احنا مش بقينا بنسمع غير السئ والمضر بنفسويتنا :(
اول زياره بتاج ياخوفي من اللي بعد كده
نورتيني والله بزيارتك ليا
ونورتي رقة الاحساس لاول مره :)
تحياتي لزيارتك العزيزه :)
Post a Comment