Monday, February 25, 2008

في حضنك

انت ومش حد تاني

في عنيك فرحت زماني

لو غبت حبيبي بس ثواني

مبعرفش اعمل ايه

جوايا حنين بقيلك

لو اطول في عنيا اشيلك

الدنيا بتحلي لما بجيلك

وده اللي بحس بيه

انا ليه وانا في حضنك بتخطف

ده بأيه يتسما ويتوصف

روحي بتنساني وشوقي يملاني واروح لبعيد

انا ليه وانا في حضنك بتخطف

ده بأيه يتسما ويتوصف

بقي للدرجادي هوانا مش عادي وكده بيزيد

بيني وبينك حكايه

ملهاش ابدا نهايه

قرب عايزك تملي معايا

يالي شغلني بيك

من بين الناس بحلها

لعنيك انا قلبي قالها

ولاخر عمر هفضل اقولها

مبرتحش الا بيك

ايهاب توفيق

14 comments:

دكتورة سنان said...

مكنتش عاوزه اعلق قبل فوكس (ايموشن بيغمزززز) :)
ربنا يخليكم لبعض يااااارب ويبعد عنكم الحسد ويقرب فرحكم كده وتعزمونى بقى

Eno said...

نوسه ...

ربنا يخليكي ياننوسه يارب نورتيني والله في اول تعليق

ربنا يكملك انتي كمان علي خير ويسعدك ياقمر وان شاء الله تكوني اول المدعوين طبعا :)
تحياتي ليكي

Foxology said...

يا دوك ولا يهمك انتى اول تعليق انا اول تعليق المهم اننا نعلق (وش بيبتسم)

كليب جميل اوى يا اينو اول مرة اشوفه واول مرة اسمع الأغنية حلوة اوى بجد تسلم الأيادى يا كابييييييييير :))

Mona Shereif said...

من زمان اوى ما شفتش كليبات
بس من يومين تقريبا شفت الكليب دى
عجبتنى الكلمات اوى وكنت عايزه اكتبها بس كنت ساعتها رايحه الكليه وكنت فى عجاله من امرى
هههههههههههههههههههههه
لازم الحق القطر ربنا مايوريكو ركوبه

شكرا يا قمر على كلمات الاغنيه
تووووووووووحفه
ويارب يكرمك ويوفقك ويقربك كمان وكمان منه ويتمها على الف خير

Eno said...

foxology ..
يافوكس الحاجات دي بتفرق مع البنانيت وبس لكن مش بتفرق مع الشباب ولا ايه يادكتور؟

الحمد لله اني الكليب عجابك يافوكس انا كمان عجبتني فكرته لانها جديده :)

نورتني بالتعليق يافوكس ياكابيييييييير :))
===============
sometimes ...

انا برضه مش متابعه اوووووي وانا معديه بالصدفه شوفت الكليب كده من اخره قولت انزله واتفرج عليه وفعلا عاجبني فكرته وكلماته جددا جدا

وقولت لازم انزله في البلوج عشان الكل يشوفه

ربنا يكملك دراستك علي خير وتخلصي بأه
يــــــــــــارب
وكمان يسعدك انتي وخطيبك ويتمملكم بخيرر :))
مرسي ليكي في او زياره لرقة الاحساس نورتني بجد :))

Foxology said...

الحاجات دى بتفرق مع البنانيت ؟؟ اها يعنى اخرج منها انت وملكش دعوة بيا انا والدكتورة نوسة مش كدة ؟؟ (وش بيغمز لا اتنين مش واحد ) ماشى ماشى بكرة هتشوفى هعمل فيكى ايه هقول لحمايا كل حاجة ها بس :))

Eno said...

foxology ...
اخرج منها وملكش دعوه انا اقدر برضه ؟؟
وكمان عاوز تشتكيني يالهوي ده انا بقيت شريره اووووي وعندي ريش من البطه السوده

ده انت الخير والبركه ياسي فوكس برضيك :)

Anonymous said...

هههههههههههههههههههه
لالالا معندكيش ريش ولا حاجة
وماشى ميرسى على التثبيت يا كابيييييير برضه هتشوفى بكرة :))

المـــفـــــــقــــــــوعـــــة مــرارتـهــا said...

انا سعيدة انكم مخطوبين ولسة بتدونوا اصل الخطوبة دي بتشغل البنات اوي انا ليا ناس اعرفهم اول ماأتخطبوا قاطعوا الدنيا

Eno said...

foxology ..
نورتني والله يارب دايما منور كده :)
==========
المفقوع مرارتها ..
ازيك عامله ايه ؟؟
نورتيني اولا بزيارتك العزيزه دي
ثانيا ليه هم اللي بيتخطبو بتنفو ولا ايه ؟؟
الحمد لله انا لسه علي اتصال بالدنيا مش اوي يعني بس برضه لسه في كونكشن :D

نورتيني وحياة ربنا :)

سيكولوبيا *حكايات من العيادة النفسية said...

جميلة الاغنية

Eno said...

سيكولوبيا ..

مرسي لمرورك اول مره برقة الاحساس وتعليقك نورتني

Empress appy said...

حلوة الاغنيه دى قوى يا قمر انا عارفاها ساعات ايهاب توفيق بيطلع بحجات كده جامده

Eno said...

appy ..

ااااه والله ياابي زي اغنية الف كلمة حب كده كانت تحفه وعاجبتني اوووي وقتها برضه هي تقريبا نفس الاستايل بتاع دي بس دي عشان عيد الحب فاالديكور كله احمر وايهاب احمر وابنت احمره :))

نورتيني ياابي والله :)