النهارده حصلي حتت موقف ياجماعه كنت بجيب حاجات من قريب وماشيه في امان اللهلقيت طفله عسوله اوووووي وشعرها مغطي عينها ولبسه لبس المدرسه وشنطتها علي كتفها
فتحها درعاتها ليه وبتجري عليه زي ( الحبا حبا كده ) بس انا لقتها كده فضلت ابص حوليا هي بتجري علي مين
بس هو اصلا مش في حد ماشي غيري !!
وجت ومسكت ايدي وبتقولي يلا نمشي انا سبت ايدها وضحكت في وشها كده ولعبت في شعرها علي انها بتهزر يعني
وسبتها وهكمل وامشي بأه لقتها راحت ماسكه في هدومي ومتبته في ايدي وبتقولي
انتي هتروحي فين خديني معاكي !!
قولتلها : انت مين ياحببتي
قالتلي : انا ملك بنت ماما شرين !!
قولتلها : وانا مبتسمه ومستغربه اوي طيب ياملك انتي عاوزه حاجه
قالتلي : اة يلا نمشي سوا !!
قولتلها : فين مامتك قالتلي ماما اسمها شرين
ماشي ياحببتي هي فين ؟؟
قالتلي : مهو انتي اللي هتوديني عندها !!
قولتلها : ياحببتي انا مش عرفاكي
قالتلي : لا انتي عرفاني انا قولتلك اني اسمي ملك بنت ماما شرين ببقي انتي عرفاني
وعماله تشد من هدومي وكل ماتحرك خطوه تتحركها معايا !!
انا عماله ادور علي حد هي تبعه
لقيت واحد جايه عليه وبتقولها خدي هنا ياملك
فا قولتلها هي تبع حضرتك قاتلي ايوه انا خالتها
قولتلها ماسكه فيه مش عاوزه تسبني بتقولي بتقولك ايه قولتلها بتقولي خديني معاكي
فضلت تضحك وراحت مسكت ايداها اللي كانت هتقطع هدومي من كتر ما متبته فيها
قولتلها هي كده عادي
قالتلي والله ابدا اول مره تعمل كده مع حد
ههههههههههههههههههههههههههه
قولتلها طيب ابقي خدي بالك منها لحسن دي شكلها عندها ميول انها تتخطف
لحسن تعمل كده مع حد مش كويس لاقدر الله
وسلمت علي البنوته ومشيت وهي مصممه تعملي باي باي لحد لما خلصت كل الشارع
هههههههههههههههههههههههههه
18 comments:
ههههههههههههههههههههههههههههههههههه
ايه ده :))
هرتلة وتهييس بتاع بلده صحيح :))
بتحصلك حاجات عجيبة يا اينو مع الأطفال .. ربنا يعينك
تحياتى .. مبروك التعديلات على البلوج :)
foxology ...
ااااااااااه واي تهيس يافوكس
كانت حتت سكر كده
حاجات غريبه جدا لكن جامده جدا
الله يبارك فيك عقبالك:)
تحياتي ليك :)
ياختي على العسل ربنا يخليها لمامتها ويلا عقبال ولادك ياقمر انا بقى بحب موت اغلس على العيال كنت مره ماشيه ولقيت بنوته عامله ربطتين شبه القطه كده فقومت شديت شعرها ههههههه شريره انا المهم لقيت دي بصتلي حتت بصه فظيعه كانت هتقوم تاكلني ههههههه
ده مش تهيس
ده لو دل على شئ يدل على انك انسانه طيبه
مشاعر الاطفال بتكون نقيه مايعرفوش يجاملوا
واللى يخلى طفله تتعلق بيكى كده اكيد انك انسانه طيبه وده باين علىوجهك
فى ناس بنحبها ونرتاح لهم
من غير ما نعرفهم
حاسوباتيه ...
عسوله خالص بجد
ليه ترخمي عليهم دول قمرات كده
ولا انتي بتحبي تشوفيهم وهما مستفزين بيكونو قمرات برضه وليهم تصرفات تموت من الضحك :))
عقبال اولادك انتي كمان يارب :)
نورتني :)
عاشقة الرومانسيه ...
اشكرك علي المجامله الرقيقه اللي زيك تمام :)
هما فعلا اجمل حاجه في الاطفال تلقائيتهم في التصرفات
مرسي بجد لكلامك الرقيق ده :)
نورتي رقة الاحساس في اول زياره ليكي :)
علي فكره البنت مش مهييسه
الاطفال بتحس بالناس الحنينه وارواحهم بتتعلق بيهم
كنت في المستشفي قاعده بعيط علي عمتي اللي كانت لسه متوفيه ولاقيت ولد صغير جاد داخل مع والديه ساب ايد ابوه وجه علي جري بقوه شديده وراح حاضني وطبطب عليه وقال لي انت بتعيطي ليه قلت له فقال لي ماتعيطيش عشان انا ماازعلش منك وطلع من جيبه بنبونايه واداهاني وفضل قاعد معايا واهله مش عارفين يخدوه مني
البونبونايه دي معايا لحد دلوقتي محتفظه بيها اولا عشان انا مابحبش البونبوني وكمان للذكري
شمس النهار ...
ماشاء الله مهو برضه ان دل علي شي يدل اني حضرتك وجهك في برائه وحنيه
انا اكتشفت ده مؤخرا اني الاطفال بيحسو بالموضوع ده
نورتيني يامدام شمس بفرح بزيارتك ليه :)
هههههههههههههههههههه
عثل عثل علي فكرا الاطفال مش بيتشدو غير للي ابيض من جواه وانتي بجد جميله وحلوه اوي من جواكى
هتروحي لقاء المدونين يوم التلات ولا لا
كيارا ...
هي كانت فعلا عثوله اووووووووي
متشكره اووووووي لكلامك الجميل ده
انا عرفت فعلا اني الاطفال بيحسو بأي حد جواه حنيه ليهم :)
نورتيني ياكوكي :)
ههههههههههههههههههه
حتى التهييس وصل إلى الطفال ربنا يستر على اللى جاى
أريد أن أبدى إعجابى بمدونتك شكلها رقيقة زيك
تحياتى اليكى
حصلت معايا من فتره
بس ولد صغير
جه عليا وهو بيضحك قوي وبعدين مسك ايدي كده كأننا رايحين في حته انا ضحكت ومش عارف اقوله ايه لقيت واحد من جيرانا بيقولي اصله رايح لأبوه الجامع واكيد بيشوفك هناك وعارف انك رايح الجامع دلوقتي فعايزك تاخده معاه يعني علشان يروح لأبوه
طب وانا كنت هاخمن ده كله ازاي يعني المهم انه منطقش ولا قالي اي حاجه بيضحك وماسك ايدي زي ما اكون خلفته ونسيت
المهم صعبان عليا اسيب ايده ولا عارف حتى اسأله انت مين يا ابني
بس الراجل اخده وقاله ابوك في الجامع يا واد وخلاه دخل لأبوه وانا روحت بقى لأني اصلا كنت صليت ومروح
ربنا يستر ومنتمسكش بتهمة خطف الأطفال
هههههههههههه
ربنا يجعل في وشك القبول دايما
سلاااااااااااااااااام
اعترافات قلب ...
اه شوفتي بس طلعت مش تهيس طلع انه الاطفال ممكن يرتاحو لحد فا يرحو يلعبو معاه كده لوحدهم
اشكرك علي مجاملتك الرقيقه :)
نورتي رقه الاحساس في اول زياره :)
دمتي بخير :)
الشنكوتي الكبير ...
هههههههههههههه
موقف شبه الموقف بتاعي شويه
هما الاطفال ليهم سن كده بيكون عساسيل فيه اوي وبيتصرفو بتلقائيه عجيبه :)
نورت رقة الاحساس في اول زياره :)
والله البنت دى مش مهيسه هى بس احساسها عالى شويه عشان كده
جت ورى رقه الاحساس
يا ريتنى كنت معاكم
ههههههههههه
وحشانى جدااا يا اينو
الموقف مضحك جداااااااااااااااا
انا عماله اضحك من ساعة ما قرائت البوست
مش هى قلتلك انك انتى عارفها لو كانت امورة قوى كنتى ختيها مش انتى دخله على جواز يب ادى بنت جاهزة من غير تعب اعتبرى انها مع الجهاز
هههههههههههههههههههههههه
تحياتى
مني ...
ده اللي اكتشافته بعد كتابت البوست
ربنا يخليكي ليا يامني
انت كمان والله وحشتني اووووووي اتمني تكوني بكل خير :)
دمتي بالخير :)
Emey ...
ههههههههههههههه
اي خدمه ضحكتك اهو
ايه يابنتي الشر ده اينعم هي كانت عثوله اوي بس هو علشان الولا بندق تعبك حبتين وواخد راحته
تقولي ليه اخطف البنت علي الجهاز
هههههههههههههههههه
نورتي ياايمي والله :)
Post a Comment