Sunday, February 15, 2009

عيد الحب !!





قال لي صاحبي: كل عام وانت بخير ، غدا عيد الحب !
فقلت مندهشا : عجبا لم اعهد ان للحب يوما يتخذه الناس عيدا ،اكمل علي فضلك واخبرني بأحكامه وطقوسه؟!

قال مستغربا : عيد الحب يارجل ( فالانتين ) اهد لزوجتك فيه وردة حمراء ، واسمعها كلام الحب ، انه عيد المحبين ، نسترجع فيه ذكريتنا الجميله ، ونجدد فيه اشواقنا .

فقلت اسفا : إني مسلم ياصديقي ، وقد وسعني ما وسع المسلمين اعيادهم اعيادي ، واتراحهم اتراحي ، مالي وقوم قتلوا انبل معاني الحب ثم اتخذوا لانفسهم يوما
يحتفلون به ويسترجعون ذكرياته ، إن لي في الحب مذهبا لم أر مثله في الدنيا، كل يوم هوعندي عيد للحب ، كل همسه هي اعتراف غير مكتوب مني بأني احب زوجتي ، مذهب في الحب هو الاخلاص لا فالانتين ، وسبيلي هو الرحمه والكلمه الطيبه لا الورده الحمراء ، أشواقنا وامانينا موصولة لم تنقطع ...

واسمع ختام كلامي ياصديقي ، إن كنتم تحتفلون بيوم الحب فأنا احيا مع الحب 365 يوما .

فقال صاحبي وقد فاجأه ردي : حسبك ياصاحبي ، الامر أيسر من ذلك ماذا يضر لو جعلنا يوما يسترجع فيه الزوجان ذكرياتهما الجميله ويتناسيا همومهما ؟

فقلت : بل اسمع أنت مني مقالة محب ، إننا كمسلمين لنا عيدان وليس لنا ان نخترع عيدا ثالثا فضلا عن الاحتفال بأعياد الاخرين ، ولقد نظرت في عيد الحب فوجدته كاستراحه المحارب فتري الزوجين يعيشان في هم وكمد ، حتي اذا جاء هذا اليوم تناسوا تلك الاحزان ، وأني لهم ان ينسوها ، أما انا كمسلم فلقد علمني الاسلام أن اضع رأسي علي وسادتي وقد نقيت قلبي من النغصات ، حتي إذا صحوت ابدأ يومي بنفسيه هادئه تحب الدنيا ، علمني إسلامي أن لا تفارق الكلمه الطيبه لساني ، والبسمه شفتي ، والرقه طبعي ..

فلماذا أحتاج لعيد الحب بعد ذلك ؟؟؟؟؟؟؟

=======

ده كان جزء من كتاب ( إلي حبيبين ) للكاتب كريم الشاذلي
واخترت الجزء ده عشان المناسبه
بجد ياجماعه الكتاب تحفه لكل اتنين مخطوبين اومقبلين علي الزواج او متزوجين حتي الكتاب مفيد جدا حقيقي

هتناقش معاكم فيه ان شاء الله واكلمكم عنه اكتر
واللي استفدته من لجزء ده بجد اللي هي اخر كلام فيها
اني اسلامنا علمنا نصفي اللي بينا اول بأول مش نسيب حاجه تتراكم فوق بعضها
وتبقي فيما بعد حوائل بينا اسلامنا علمنا الكلمه الطيبه والابتسامه في وجه اخيك تكون صدقه
الكتاب بجد اكثر من رائع :)

10 comments:

blue-wave said...

والله شوقتينى اقراة

Mona Shereif said...

ان شاء الله ادور على الكتاب ويارب الاقيه جزاكى الله خيرا يا اينو
احسنتى الاختيار بجد
تعرفى ان ده كان موقفى من كام يوم
وبعدين قلت وماله لو احتفلنا فى وسط زحمة الدنيا
دلوقتى رجعت لرأيى الاولانى
هو انا مالى كده
هههههههههههههههههه
خيييييييييييييييييييييير

سلام يا قمر

Foxology said...

البوست جميلة اوى يا اينو :)

الكتاب شكله تحفه فعلا ومش خسارة فيه الأنتظار اسبوع واكتر :)

تحياتى :)

حاسوباتيه said...

شكله فعلا كتاب حلو شكرا ليكي ياقمر

شمس النهار said...

علي فكره تراكم الخلافات فوق بعضهابيوجد في يوم من الايام نقطة اللاعوده
اما موضوع عيد الحب عيد غير اسلامي فهكتب عنه بوست ان شاء الله

Eno said...

blue wave ...

هو فعلا ملوش حل يادكتور :)

Eno said...

sometimes ...
ياريت تشتريه فعلا يامنمن

بجد هينفعك اوووووووووي
جزانا واياكي ياقمر :)

اكيد طبعا الناس حوليكي هما اللي ممكن يخلو دماغك ترجع عن تفكرها لكن انا السنه دي اخدتها تحدي مع كل اللي حوليا انا وفوكس اننا مش محتاجين اعياد حب حد عشان نحتفل

نورتيني :)

Eno said...

foxology ...

كنت حاسه انه هيعجبك عشان زي مبدأنا الللي اخدناه :)

هو فعلا يستاهل الانتظار اللي انتظارناه :)

نورت مدونتك يافوكس :)

Eno said...

حاسوباتيه ...

هو فعلا كتاب حلو ومفيد اوي ياقمر :)

نورتيني :)

Eno said...

شمس النهار ...

كلام حضرتك صح جدا يامدام شمس
نقطه اللا عوده دي اللي وصفتها في البوست انه حائل بينه وبينها صعب هده فيما بعد

هستنا بوست حضرتك
ونورتيني والله :)