انا بقيت في دوامه مش عارفه ارضي مين واسيب مين
ولا عارفه اكلم مين علي حساب مين
ولا عارفه مين معايا ومين مش معايا
ولاعارفه اصلح ناس زعلانين مني وانا مش عارفه سبب زعلهم مع اننا مش بنشوف بعض من زمان
ولا عارفه مين فرحنلي ومين عاوز ياخد فرحتي من قلبي
انا اليومين دول نفسي انسي كل حاجه وابقي اسعد مخلوقه في الدنيا لكن حتي دي ولا عارفه اعملها اه فرحانه لكن مش الفرحه اللي المفروض اي بنت مكاني تفرحها
يــــــــــــــــــــــــــــــــــــــــــــــــــــــــــــــــــــارب
فرج الكرب والهم من قلبي
واصلح الحال واهدني لما تحبه وترضاه
واهدي الحال يارب ياكريم
14 comments:
هى نفس الدوامة والله يا اينو
معلش هانت بكرة تروق وتحلى :)
fox...
معلش يافوكس ربنا يهونها
يامسهل نفسي تروق زي مابتقول:)
يارب اللهم امين
فى ايه يا اينو؟؟
ربنا ييسر الامور ان شاء الله
انا مش عارفه بجد ايه اللى بيحصل اليومين دول
بس ان شاء الله خير
اطمنى ده انتى اللى كنتى بتثبتينى وقت الشده
ربنا يخليكى ليا
اقولك نصيحه
سيبك من اى حاجه تدايقك
كبرى طنشى
حاولى يعنى .. انا بحاول
وروقى كده ياقمر ماشى
اينو ربنا ييسر الامور يا حبيبتى
ويفرج كربك ويزيل همك ويكتب لك الخير كله ويكفيك الشر كله
ويصلح الاحوال مع الاصدقاء
تحياتى
البوست حلو اوى
ربنا يفك كربك
انا كنت جاى بس اقول كل سنه وانتى طيبه
تحياتى
انتى فين يا اينو؟؟
يارب يكون خير
sometimes...
مش تقلقي عليه ياقمر انا الحمد لله بقيت احسن كنت بعدي بشوية مشاكل بس الحمد لله احسن دلوقتي
نوسه ...
والله انا بحاول اني اسبني
بس عارفه لما كل حاجه تيجي مره واحده وتبقي متلغبطه هو انتي صح ولا غلط وناس كتير بتقولك انك صح بس من كتر المشاكل قلة الثقه حتي في نفسك بس الحمد لله انا دلوقتي احسن
مني...
ربنا يخليكي ليا يارب ويتقبل دعائك امين :)
momken ...
ربنا يخليك مرسي علي السؤال
وانت بخير وبالصحه والسلامه :)
تحياتي :)
ماتقلقيش..
كل حاجة ليها نهاية..
ربنا يهدي و يصلح الحال .. و يظهر الخير..
ربنا يشرح صدرك يا إينو.
شيماء علي ...
اولا نورتيني بااول زياره
صح عندك حق كل حاجه وليها نهايه
ربنا يصلح الحال للجميع يارب
نورتيني :)
افرحى وسيبك من الزعل ما حدش واخد منها حاجة
Post a Comment