أول مره احس يعني أيه شعاع نور في وسط ظلام حالك عيني مش رايحه غير عند النور ده
بس في نفس الوقت الضلمه دي مسببالي اذي ومش مرياحني
ايوة اكيد شعاع النور ده فارق في وسط الظلام ده واللي مدخلي النور ده ربنا يخليهولي
بس انا مش قادره اتخيل اني الدنيا مش فيها اي امل غير النور ده وبس وبقيتها كل مادا وبيكون اغمق واغمق
ظلام خلي جوايا دموع بس متجمده واللي جمدها كبرياء ومش بتخرج قدام حد مع اني بحس انها الوسيله الوحيد للراحه المؤقته
وشعاع النور ده عشان اخرج ليه لسه قدامي طريق طويل واحيانا بحس اني مش عندي امل اوصله ونهايتي هتكون قبل مااوصل ليه واحيانا تانيه بحس اني ربنا بيديني صبر وعزيمه عشان اخرج ليه بسلام
طول عمري مش بحب اللي ييأس ويسلم وانا دلوقتي مش بحب نفسي عشان بقيت فيها يأس مش قادره تبعده عنها هو غصب عنها انا عارفه بس برضه مش حابها كده وهي في مود اليأس ده
نفسي ربنا يقدرني واقدر اوصل للنور ده بسلام واحس بمعناه من حوليا
نفسي اقدر اصبر اكتر ومش تكون نفسي نفس ضعيفه وتقدر تتحمل
2 comments:
اينو البوست بجد حركت فيا دموعى انتى اقوى من كدة يا اينو بلييييييييييز :(
foxology ..
بعد الشر عليك من الدموع يافوكس
اتمني اني اكون اقوي فعلا واقدر اتخطي اللي انا فيه
مرسي اوي للمرور والتعليق
Post a Comment