Sunday, February 28, 2010

وبـــدأت الـحـيـاة



احساس جميل بحياة جديدة
يكون الشخص مسئول فيها مسئولية كامله ومشتركه مع شريك الحياة

مش هنكر انه كان في شوية خوف اني مش اكون قد المسئولية دي وكنت بفكر كتير ياترا هقدر
بس طلع الموضوع كله عاوز شوية نظام وشوية تفاهم عشان تمشي عجلة الحياة ومن غير اي تعب
زي اي حاجه جديده ممكن نبدأها ويكون جوانا شوية رهبه منها بس بمجرد ما بنفهمها بتكون حاجه عادية جدا

كان عندي اصحاب كتير بيعقدوني في الجواز وكانت الجمله المشهوره اللي دايما يقولها عنه انه >> (شر لابد منه )ه
حقيقي كنت وقتها لما بسمعهم بقلق وبقعد افكر هما ليه شايفينه كده
طلما هما اللي مخترين شريك حياتهم بختيارهم وفي بنهم مودة ورحمة يبقي ليه يقولو كده

بس حقيقي انا اللي بشفق عليهم دلوقتي لسبب بسيط
لاني عرفت في الشهر اللي فات ده اني الزوجه بيكون في ايديها مفاتيح للسعادة بيها بتقدر تدير عجلة حياتها
الزوج كمان بيكون في ايده بعض المفاتيح دي بس بتكون في خزنه مفتحها مع زوجته هي اللي بتفتح جواه طريق السعادة

يعني اصبحت الزوجه مسئوله مسئولية كامله عن كل زخائر السعادة في الحياة المشتركة دي
ومن اهم المفاتيح دي حاجه بسيطه اوي بس علي اللي اتعود عليها من اول دقيقه هي >> الاحترام المتبادل في الغياب قبل الحضور
والحفاظ علي مشاعر الشريك الاخر
الاحساس به
وطبعا الكلمة الطيبة والابتسامة
الحفاظ علي الحقوق والواجبات
وحاجات كتيررررره اوووووي ممكن تكون بسيطه لكن بتسعد بيها شريك حياتك

اكيد الناس اللي كانت بتقول علي الجواز شر لابد منه مش عرفو المعاني الجميله دي
اكيد اللي بتقعد في مجلس وتقول علي زوجها كلمة مش حلوة مش حست الحاجات دي
وطبعا نفس الموضوع علي الازواج اللي بيتكملو كلمة مش حلوه في حق الزواج والزوجات

حقيقي الشهر ده عدي عليه بسرعه اوي لكن لما بقعد افتكر كل يوم فيه بحس انه كانت احداث ممكن تمر عليه في عام كامل ويمكن اكتر
اتعلم حاجات كتيره اوي وحسيت بيها اني كبرت كتير
عندي احساس اني من شهر كنت اصغر من دلوقتي مش عمر بس نضجا وفهم للمواقف وتقدير للأحداث
سعيدة جدا بي نضجي وبحياتي الجديدة
وبحاول اخلي كل لحظة فيها مختلفة عن قبل كده
وبحاول ابثر السعادة في كل ركن من اركان بيتي
وبتمني بجد اني كل اصحابي من البلوجر اللي بره
ربنا يرزقهم بالزواج الصالح والحياة السعيدة

الصوره اللي فوق انا محتفظة بيها بقالي اكتر من 3 سنين وبحبها اوي
بحس انها بتعبر عن الحياة
بشوف اني الزهرة اللي في اللوحة هي الحياة
ويد الزوج ممسكه بالزهره لانه هو عماد الحياه الاساسي
ورمز لاأمساكه بزمام الامور
ويد الزوجة جائت في اللوحه كرمز لااسناد زوجها في الحياة
وكل منهما لايستطيع ان يحتفظ بالزهره في قبضة يده وحيدا
طبعا ده شرح للوحة من وجهة نظري انا والله واعلم بنية الفنان اللي رسمها ايه

وهو علي العموم اسمه راضي جوده انا بشكره جدا علي اللوحة دي



34 comments:

AHMED SAMIR said...

مفيش حاجة في الدنيا مطلقة
بمعنى ان مفيش حاجة حلوة على طول الخط و لا حاجة وحشة طول العمر
الزواج له ايجابياته الكثيرة جدا خاصة اذا ما كان الاثنان حريصان على استمرار الحياة
و له ايضا صدماته و احباطاته خاصة في البدايات
ربنا يوفقك
تحياتي

Eno said...

AHMED SAMIR ...

استاذ احمد اكيد اني الحياة كلها مش لون واحد
وزي مافيها الابيض فيها الاسود
بس الحرص مننا اني الاسود مش يغطي علي اللون الابيض ونقائه

بس احب اوضح لحضرتك لو الاتنين من البداية بنهم صراحه ومافيش بينهم اي تزيف او خداع فترة الخطوبه بتكون الصدمات والاحبطات دي اقل ما يكون :)

تحياتي لاول تعليق

adel said...

ربنا يطمك
:):):)
بس برضه مش هتجوز
ومش هادي حد وردتي يمسكها معايا
علي جثتي
قال واحدة تمسك الوردة معايا
ومش بعيد تقولي هات حتة شوكولاتة مثلا
ده انا ااقتلها اشاسا
:):)

Eno said...

adel...

ايه الحرب دي ؟؟؟؟؟

علي فكره بأه مش بمزاجك
لاني الورده اصلا مش معاك انت مع النص التاني وهي اللي تديهالك تمسكها

ربنا يسعدك
نورتني :)

حروف said...

ربنا يكرمك ويوفقك في حياتك دايما ان شاء الله
وحشتيني

Mafrousa said...

اينو يا قمرة
ربنا يكتبلك السعادة كل يوم و كل لحظة
و تكوني اسعد حظا من ناس كتيرة
و يكملك بعقلك و يهديلك جوزك يارب
و يرزقك بالذرية الصالحة
و تعدى السنة الاولى و السنة الخامسة و السنة السابعة و السنة التاسعة
على خير
هههههههههههههههههههه
اصل دول سنوات سقوط و نجاح يا اختى
ستوات تفرس الصراحة
و اختك الحمد لله ببركة ربنا
خرجت من السنوات ديه بفرسة بس و الحمد لله
ههههههههههههههه
ديه حاجة هينة جداااااااا
ربنا يعملك الخير يارب و يهنيكي
تحياتي ليكي

Foxology said...

لا تعليق بعد تعليق احمد سمير وردك عليه وفعلا مفيش شئ مطلق وممكن يكون فى لحظات مش حلوة لكن بتعدى طالما فى تفاهم زى ما قولتى

تحياتى :)

Kiara said...

ربنا يباركلكم يااااااااارب ويرزقكم الذرية الصالحه

انا معاكى في الكلام قلبا وقالبا

مـجـنـووون said...

الف مبروك وربنا يوفقك في حياتك الجديدة

وتكونوا ديما في حب وسعاده وتفاهم واخلاص

تقبلي مروري اختي الكريمه

مجنووون

Eno said...

حروف...

ربنا يكرمك ياحروف لكي مثل مادعوتي ياقمر

انتي كمان وحشتيني اوي والله :)

تحياتي

Eno said...

واحدة مفروسه ...

بجد اولا متشكره اوي علي الدعوات الجميله دي ولكي مثل مادعوتي لي
هههههههههههههه

اوعدك اني اذاكر كويس عشان انجح في السنوات المهمة دي
ههههههههههههه

ربنا يكرمك علي شوية الضحك دول والله :))))))

نورتيني بجد

Eno said...

Foxology ...

فعلا ياسي فوكس ده الكلام المفيد

ربنا يكتبلك كل السعادة:)

نورتني :)

Eno said...

كيارا ...

ربنا يكرمك ياكوكتي ويرزقك بالزوج الصالح
امين يارب :)

نورتيني

Eno said...

مجنون ...

الله يبارك فيك مرسي
واشكرك اخي علي الدعوات الجميله دي ولك مثل مادعوت


نورت بمرورك رقة الاحساس:)

Mona Shereif said...

حبيب قلبى
ربنا يسعد قلبك ويكملك بعقلك يا اينو يارب
انا معاك يا قمر فى كل كلمة
بس ربنا يهدينى
يارب يارب يارب
بدعيها بقالى كتير اوى
واحشنى خالص خالص خالص

عابرة سبيل said...

ربنا يفرحك ويسعدك ويرزقك بالزريه الصالحه
وفعلا الست هى ال عليها العامل الكبير فى سير مركب الحياه واستمرار الحب بين الزوجين هى ال بتفكر تسعد زوجها وتسعد نفسها وهى ال بتحاول تخلق جوا فيه موده ورحمه بينها وبينه
ربنا يوفقك ويرضيكى دنيا واخره

نانا said...

ربنا يوفقك

Eno said...

Sometimes ...

ازيك يامنمن انتي والله وحشتيني اووووووي

ربنا يهديلك حالك ويرزقك كل الخيرياقمر

بجد من اعز الناس علي قلبي في بلوجر :)

دمتي بالخير:)

Eno said...

عابر سبيل ...

اشكرك علي الدعوات الجميله ولك مثل مادعوت لي :)

فعلا الست ليها دور مؤثر جدا في حياة زوجها ولو مش اديته صح بيتحصل ابتدأ الانيهيارات

تحياتي لمرورك الكريم :)

Eno said...

نانا ...

ربنا يكرمك :)

نورتيني :)

كيكى عوووووو said...

الف مبرووووووووووووووك
ياعروسة
ويااااااااارب بعد 100 سنة تخشى وتكتبى نفس الكلام برضه

Eno said...

كيكي ...

الله يبارك فيكي ياقمر

امين يرب ربنا يتقبل منك :)

عقبالك انتي كمان ربنا يسعدك :)
تحياتي:)

فضفضه said...

ربنا يوفقك
ويرزقك بالزريه الصالحه

عاشقه الرومانسيه said...

الف الف مبروك ياقمر
المهم الاستمراريه
ربنا يجعل اللى جاى كله اجمل من الشهر اللى فات

Anonymous said...

احب اهدى لك اغنيه عمرو دياب
كلهم بيقولواكده فى الاول
تعرفيها؟
(:

Eno said...

فضفضة ...

ربنا يكرمك اشكرك علي الدعوات :)
نورتيني

Eno said...

غير معروف ...

مرسي علي الاهداء :)

مش عارفه ليه حساكي واحده منفسنه من جوزها :)
واعتقد اني الشجاعة هي اننا مش نخبي نفسنا واحنا بنتكلم :)

وانا كمان عندي اهداء يارب يكون مقبول :)
يالي ظلمتو الحب وقولتو وعيدتو عليه قولته عليه مش عارف ايه
العيب فيكم يافي حبايبكم
ام الحب ياروحي عليه :)
بتاع ام كلثوم
تعرفيها ؟؟؟:)
مظنش اني اللي تكتب كومنت زي ده تعرف ام كلثوم :)

Eno said...

عاشقة الرومانسية ...

الله يبارك فيكي ياقمر
عقبالك

الاستمراريه هتحصل لو احنا عاوزين كده وبنقدر نسايس امور حياتنا ::)

نورتيني ووحشتيني :)

Unknown said...

يــــــــــــــارب
تفضل نظرتك
وكـــلامك الحلو
وسعادتك الواضحة
على طول مدى الحياة

Eno said...

norahaty ...

ربنا يخليكي يارب :)

ربنا يسعدلك كل ايامك :)

نورتيني :)

شمس النهار said...

الف مبروك
ربنا يبعد عنكم الحسد والحاسدين يارب

الف مبروك

Eno said...

شمس النهار ...

الله يبارك فيكي ياشموسه ربنا يخليكي مرسي علي الدعوه الجميلة دي

ربنا يتقبل منك يارب:)

نورتيني :)

Anonymous said...

اينو
الف مبروك يا حبيبتى
معلش متاخره منى شويتين
سامحينى


ربنا يبارك فيكم ولكم وعليكم ويسعد كل ايامكم يا رب
منى

Eno said...

مني

الله يبارك فيكي ياقمر عقبالك

ولايهمك مرسي اوي علي التهنئة :)

نورتيني