Saturday, May 3, 2008

حكاية العصفوره

كان يامكان كان في عصفوره مدلاله لكن كل العصافير بتقول عليها برئيه اوووووي
وكمان طيبه اووووي اوووووووي
كان عندها حاجه غاليه اووووي عندها حريه كانت بتتمتع بيها جدا
وكان عندها جناحين هما شبكها علي الدنيا لما ترفرف بيهم تملي كل الدنيا وكل اللي حوليها مرح بيهم
لما ترفرف وتتنطلق تشوف كل الدنيا وكأنها بتاعتها كلها
وكان حوليها عصفورات كتار بتحبهم اووووووي وبتطير ترفرف معاهم
كانت مش حاسبه حاجه لدنيتها كانت عايشه وقتها وبس ومش تعرف يعني ايه مشكله ولا ممكن المشكله دي تيجي منين
كل اللي يهمها انها تطير وتطير وتطير وبس
كانت بتشوف عصفورات زيها بس مهمومين كانو بيصعبو عليها لكن عمرها ماادركت معني اللي هما فيه
وكانت بتتمنا تقابل عصفور يكون بيحب الطيران زيها عشان تخده ويلفو ويطيرو سوا ويشوفو الدنيا سوا
اتمنيت كتير الامنيه وحلمت كتير بيه وهي نايمه ومتغطيه بجناحها ده كان كل اللي بتتمناه وبس
كانت حياتها هاديه جدا وهي اكتر حاجه بتعشقها في الكون الهدوء
لحد لما جه وقت هي مش كانت عامله حسابه واتقلب الاستقرار والهدوء لحاجات عكس كده خالص
وبقيت العشه بتعتها كلها مشاكل والدنيا كمان
دبلت وحسيت اني كل الحاجات بتنهار من حوليها وهي ولا حول ليها ولا قوة
لانها اول مره تدوق طعم المرار ده جديد عليها
وفضلت مستسلمه لي هي فيه مش عاوزه ولا ليها نفس لحاجه
حتي الطيران اللي كانت بتحبه رفضاه وقافله علي نفسها وبعيده
لحد لما في يوم جالها عصفور واعترف لها انه عاوز يكمل معاها بقيت حياته
طارت العصفوره طارت من فرحتها هو ده العصفور اللي كنت بحلم بيه
هو ده العصفور اللي هيطير معايا زي ماحلمت هو ده اللي معاه هرجع للحريه
بس رجعت افتكرت عشتها وفكرت فيها وهيبقي حلها ايه ؟؟؟
وطلع الحل الوحيد انها تتنازل عن شويه من حريتها عشان خاطر العش بتعها
اتنازلت عن شويه من الحريه بس مش كلها عشان مش هتقدر تعيش من غيرها
وفي نفس بدأت تعيش حياتها مع عصفورها بدأت تطير معاه
وطلع هو كمان بيحب اللي بتحبه كانت فرحانه بيه اوي
وكانت حاسه انه اليد اللي مبعوته من عند ربنا عشان تطبطب عليها
وهو كمان اللي رجع عندها الامل انه اللي جاي احسن بيه
لكن اللي كان ألمها اووي انها فضلت تتنازل عن حريتها حبه بحبه لحد لما فقدتها كلها وشالت الدنيا كلها
حتي جناحنها اللي كانت بترفرف بيهم اتكسرو وفقدت احساسها بيهم
ونسيت زمان لما كانت بتطير وتنسا اللي حواليها
كان عصفورها حبيبها بيحاول يهون عليها علي قد مايقدر وهي بتكون سعيده وهو جمبها
هكملكم باقي الحدوته المره الجايه
استنوني

6 comments:

Anonymous said...

اولا احب احييكى على القصة الجميلة دى اللى فاهم منها كل حرف وكل جملة تقريبا اسلوبك بسيط وجميل اوى ومؤثر كمان

ثانيا مش عارف اقول ايه للعصفورة بس اللى اقدر اقوله ومعلش استحملينى هو كوبليه من اغنية لمنير بيقول فيها :

ولو ف يوم راح تنكسر لازم تقوم واقف كما النخل باصص للسما

تحياتى للعصفورة وليكى ويارب جناحاتها يتفردو تانى:)

Eno said...

مرسي اوي يافوكس لانك اول تعليق

وكمان مرسي علي التعليق الرقيق ده اللي مهم اوصفلك احساسي بفرحتي بيه مش هقدر برضه

نورتني بجد ونورت المدونه بتاعتك :)

حاسوباتيه said...

الحدوته جميله خالص بس ياترى هي ليه كل شويه تتناول كده عن حريتها الي يقبل باول تنازل عن حاجه من حقه بيتنازل بعد كده كتير لغايه لما ينكسر زي العصفوره
حدوته جميله مستنيه الباقي ماتتاخريش علينا

Eno said...

حاسوباتيه ...

العصفوره فضلت تتنازل وتيجي علي نفسها عشان غيرها
بس هي مش كانت مدركه وقت التنازل معناه الحقيقي اللي انتي بتقولي عليه انها يعني فضلت تتنازل لحد لما فقدت الحريه

مرسي اوي لمرورك الجميل والباقي جاي قريبا ان شاء الله :)

تحياتي ليكي

momken said...

القصه جميله جدا ورقيقه
بس العصفوره لقله خبرتها قدمت تنازلات مكنش ينفع تعملها
دى مش بعتبرها طيبه...انا بعتبر ده تنازل...وفى فرق كبير بين الطيبه او السماح والتنازل

زعلت علشان القصه مش كمله

بزمتك حد يعل كده
يخلينا متظرين كل الفتره دى
زى مسلسلات اسامه انور عكاشه

البوست جميل
تحياتى

Eno said...

ممكن ...

مرسي لذوق حضرتك :)
هي مكنش قدامها حاجه غير انها تتنازل عشان تحاول ترجع الاستقرار اللي هي بتحلم انه يرجع

بس عمرها ماكنت تتخيل انه التنازل عن في الاول بيجيب تنازل للاخر

هههههههههههههههههههههههه
حلو موضوع اسامه انور عكاشه ده
والله انا كنت هكملها بس علي ماكتبت الشويه دول وكنت مش فاضيه فاقولت هكملها بعد كده

حاضر بالكتير بكره هنزلها عشان مش عاوزه حد يزعل والله :)

مرسي للمرور ونورت رقة الاحساس :)