Monday, May 12, 2008

حكاية العصفوره 2



اسفه جدا علي التأخير بس والله مشاغل الحياه هما بيقولو كده برضه :))

زي ماكلنا عرفنا في الاول عن حدوته العصفوره

لقيت الناس زعلت انها اتنازلت عن حريتها

كان غصب عنها كانت بجد مش عارفه اخر الطريق ده فين يعني هي اعتبرت التنازل مسكن كده مؤقت :(

ونكمل بأه ...

فاتت ايام وعدت علي العصفوره والحال نفس الحال

كان كل اللي بيسعدها عصفورها

وبدل ماكانت هي بتخرج وتطير بقيت تشوف الدنيا من خلاله هو ومن نظرته هو

وقد ايه كانت العصفوره واثقه فيه وفي نظرته للدنيا والحياه وكمان بتاخد بيها
وراحت حريتها وسط زحام حياتها وهي بتطالب بيها لكن خلاويص اللي بيروح مش بيرجع . ومش كان في تفكير العصفوره غير انها تخطط صح للمستقبل اللي جاي اللي راح خلاويص مافيش فايده منه واقتنعت جدا انه (لافائده من البكاء علي اللبن المسكوب ) وعدت علي العصفوره لحظات كتيره فيها يأس وفقدان ثقه من كل اللي حواليها من العصافير وعدت عليها كتير لحظات ضعف اتمنيت فيها انتهاء حياتها لكن بسرعه كانت بترجع اقوي لما تبص علي المستقبل

بس العصفوره اكيد استفادت كتيرمن كل اللي عدي عليها وعلي قد ماكان بيضعفها وقت الاذمه

الا اني كل حاجه عدت عليها قوتها اكتر وزودت تحملها واتعلمت كتير اوووووووووووووي في فتره بسيطه اووووووووووووي

واتعلمت معني الحريه ايه ومعني التنازل ايه ومعني الانكسار ايه ومعني الوحده ايه قبلها مش كانت بتعرف كل الحاجات دي

اتعلمت ازاي لما تقف في موقف من الحياه تكون قده

وبتحاول تتعلم ازاي تتغلب علي لحظات اليأس والضعف وبتحاول توصل لعصفورها انه هو كمان مش ينفع انه اليأس والملل يغلبه ويكون زي مااتعودت اقوي من اي ملل لانه هو دلوقتي بدل جناحتها هو بقي شبكها علي الحياه يعني لو شبكها ده كمان قفله الملل واليأس العصفوره هتموت بجد .

والعصفوره أتأقلمت خلاويص علي حياتها دي واللي مصبرها انها حياه مؤقته لحد لما تروح عشها هي اللي بجد بتحلم بيه وبتحلم تخليه حته من الجنه لي عصفورها وبتحلم انه يكون قائم اولا علي طاعة الله عشان ربنا يبارك لها فيه

وبس وتعيش في تبات ونبات وتجيب عصفورات

صغنانين تحافظ عليهم وتعلمهم

كل اللي اتعلمته


وتوتا توتا خلصت الحدوته :)

يارب تكون عجبتكم واسفه انا اسلوبي علي قدي يعني مش اسلوب ادبي ولا حاجه

مرسي اووووي لاهتمامكم بالكتابه :)


16 comments:

Foxology said...

وتوتة توتة خلصت الحدوتة
حدوتة العصفورة الصغنطوطة
وكانت حدوتة حلوة مش ملتوتة

الحدوتة حلوة يا اينو ويارب العصفور يبقى عند حسن ظن العصفورة :)

تحياتى على الحدوتة الحلوة والأسلوب البسيط :)

Eno said...

foxology ...

تحياتي ليك انت يافوكس
اممم هي خلصلت الحدوته يارب تكون حلوه بجد ومش ملتوته

نورتني :)

موناليزا said...

جميل ادراك العصفورة للواقع واستفادتها بما حدث

حاسوباتيه said...

حلوه حلوه خالص يا اينو ويارب تعيش العصفوره في تبات ونبات بس خليها بقى تعزمنا على الفرح العصافيري ده ماتنسيش تقوليلها وعقبالك انتي كمان وانا كمان بالمره

Eno said...

monaliza ...

فعلا اللي اتعلمته وسع تفكيرها وادركها للحياه اكتر

نوريني في اول زيارة لرقة الاحساس :)

Eno said...

حاسوباتيه ...

الحمد لله انها عجبتك ومش تزعلي انها اتأخرت

خلاويص هقول للعصفوره تعزمنا كلنا علي فرحها ان شاء الله هيبقا فرح جامد فوق شجره بتفكر تكون شجرة تفاح عشان المعزومين ينبسطو :)
تحياتي ليكي :)

دكتورة سنان said...

اينووووووووو ازيك اولا.. وحشتينى ثانيا.. ثالثا الحدوته حلوه خالص خالص ياعصفوره هانم :)
والله حاسه انك عصفوره صغنتوته عسوله خالص فعلا :))
رابعا انا جايه اخد التاج بتاعى بقى :)

Eno said...

نووووووسه..
انا مش مصدقه عنيه
انتي عندي في البلوج يامراحب يامراحب
فيننك يابنتي
ثواني اجيب الصاقع بأه ولا تحبي ابعتهولك تشربيه عندك في المدونه ؟؟

ربنا يخليكي الحمد لله اني عجبتك حدوتة العصفوره
والله انتي اللي عصفوره ومرحه كمان :)

ووحشتني انتي والله يادكتور
اوعي تغيبي تاني
بجد بجد نورتيني :)

Anonymous said...

حلوه الحدوته بس ياترا العصفوره مين هي
زي ماانا فهمت ولا مين العصفوره

Eno said...

anonymous ...
طيب مش اعرف اللي فهمتيه اواللي فهمته الاول !!

العصفوره هي العصفوره زي اي عصفوره
دي حدوتة العصفوره

مرسي للمرور

Mona Shereif said...

الله ايه الجمال ده يا عصفورة يا رقيقة
عامله ايه يا اينو وحشانى
بس واضح ان اخبارك تمام من الحدوته الجميلة دى

ربنا يوفقك يا جميل
عايزة اقولك كمان ان انا كنت حاسه انى مكان العصفورة دى وكأنى كنت عايشه فى العش بتاعها

سلااااااام يا قمرايتى
وادعييييييييييييلى

Eno said...

sometimes....
ازيك انتي يامونش
والله انتي كمان وحشتيني
يارب تخلصي علي خير وتفضل لينا باه ياجميله :)

الحمد لله اني الحدوته عجبتك :)

ويارب تكوني مكنا العصفوره بس في الحاجات الحلوه العصفوره مش بتتمنا انه حد يحس اللي حسته في اي حاجه مش حلوه :)

تحياتي لمرورك اللي بجد بيفرحني
ربنا يوفقك ويسعدك ويقدملك اللي فيه الخير ياااااارب :)

دعاء مواجهات said...

جمييلة اوى القصة ياعصفورة

وجميل كمان اسلوبك

والاهم انك قدرتى تعبرى عن نفسك

تقبلى تحيااتى

انتظر زيارتك ياعصفوورة

هتنورينى

Eno said...

دعاء مواجهات ...

مرسي اوي لزوقك يادعاء
وكمان مرسي لزرتك لمدونتي المتوضعه
الحمد لله اني الاسلوب في السرد عجبك :)

ان شاء الله في اقرب فرصه اكيد هزورك

نورتيني :)

المـــفـــــــقــــــــوعـــــة مــرارتـهــا said...

العصفورة دي طيبة خالص وتستاهل كل خير
ربنا يسعدها يارب ويجمعها في عشها الجديد مع عصفورها علي حب وخير

Eno said...

المفقوع مرارتها ...

ازيك ياسوسو عامله ايه هل هلالك ياقمر فينك
والله انتي اللي طيبه خالص وعسوله اووووي ويارب ولادك يكنو طالعين قمر زيك كده

اوبس سوري يافوكس انا عمري ماشوفت ولادها وربنا بس اكيد طالعين لي مامتهم

اصلي فوكس بينه وبين الاطفال اعداء وبذات الاطفال اللي بيحولو يقربو مني وش بيغمز

نورتيني ياسوسو وبجد مش عاوزاكي تتأخري عليه :)