وجـبـه غـذائـيـه مـتـكـامـلـه فـــعـــلا !!!!!؛

اللي هاحكي عليه ده لا قريته في جرنال ولا شوفته علي النت

ده واقع وللاسف مؤلم !

اكيد في ناس عارفه ان في المدارس الحكوميه بيوزعو علي كل طفل بسكوت وعلبة لبن كاوجبه غذائيه

الحقيقه يشكرو والله علي الكرم

بس لما يبقي اللبن ده فاسد ويجيب للاطفال تسمم هو ده بأه الموضوع :(

وبدأ الموضوع لما دخلت عربية اللبن في مدرسة اخي الصغير من كام يوم كده

وبعد ماافرغت مابداخلها من علب اللبن اكتشف احد المدرسين ان اللبن منتهي الصلاحيه

واجمع المدرسين المسئولين في المدرسه بعدم توزيعه علي الاطفال

وبالفعل العربيه خدت لبنها ورجعت الشركه علي انها ستعود مره ثانيه بالبن اخر

وبالفعل عادت في اليوم التالي محمله بالبن عليه تاريخ صلاحيه مظبوط

وقامو بتوزيعه علي الاطفال مع البسكوت لك للاسف " برضه اللبن فاسد " لان

بمجرد ما بدأ الاطفال في تناوله (20 حالة تسمم) ده غير اللي بطنعم وجعتهم وبيرجعو سوري يعني

وجريت المدرسين نبهت علي الفصول بأن من لم يتناول اللبن يتخلص منه " يرميه يعني " عشان مش صالح للشرب

وجالي اخويا مدهول ياعيني وعمال يرجع وحالته حاله وقعد يحكيلي انه علي ماقاله كان شرب علبة لبن من الاتنين اللي ادهاله

المهم هو دلوقتي احسن الحمد لله واتعلم حاجه اني مش هيثق في حاجات المدرسه دي تاني والحمد لله انها جت علي قد كده

الدور والباقي علي الاطفال اللي اتسممو دول والله حرام

نصيحه بأه بجد اللي ليه اولاد او اخوات يعلمهم يشوفو " EXP "

بتاع اي حاجه قبل مايكولها واللي مش بيعرفو يحسبو لسه صغيرين

يتنبه عليهم تنبيه شديد اللهجه لو حد اداهم حاجه مش يكلوها ياما يتخلصو منها ياما لما يروحو يورها للي في البيت

قبل مايفكرو يكلوها

امال ايه ياجماعه دي مصر بتقولنا

ولادنا امانه في ادينا

مش كده ولا ايه ؟؟

وش بيغمز

تـتــجــوزيـنـي

الاغنيه دي اول مره سمعتها عن طريق مدونة ساعات ساعات

اولا بشكرها جدا انها عرفتني عليها

وبعدين لقيت بالصدفه الفيدو ده معمول علي الاغنيه

واللي عجبني فيها بجد اني كل كلمه فيهاحاستها ولقيت ليه معاها ذكريات بجد حلوه اووووي

وبحبها اووووي

الاغنيه غناء حد اسمه هاني عادل

وتلحين معز مسعود

وبس يارب تعجبكم بأه :)

اصـحـاب وحــبـايـب !

العنوان ده دايما بيتقال علي اي اتنين غالبا بيكونو ( انتيم ) ولاد او بنات

بس انا دلوقتي بقصد بيه حاجه تانيه !!

هقولكم ازاي

انا اقصد بيه مش (الانتيم) بس انا اقصد بيه هنا (الكابلز) يعني اي اتنين مخطوبين او حتي متجوزين

بمعني هو( الحبيب /الحبيبه) تنفع تكون صديقه في نفس الوقت ومعني صديقه انها تكون مستمعه جيده مش مثلا هو يكون صريح جدا وهي عشان صراحته مش يعجبها اللي بيحكيه تروح مسودها من مبدأ انها حبيبته وكذلك العكس برضه

يعني ينفع يكون الحبيب حبيب وصديق في نفس الوقت والصداقه الشامله كل حاجه حتي الفضفضه اللي بتكون في منتهي الصراحه ؟

ياتري علاقة الصداقة اللي بيجي بعدها حب وارتباط بتحتفظ بنفس قدر الصراحه المتبادله لما كانت صداقه وبس

ينفع تكون العلاقه ( اصحاب وحبايب ) ؟؟

يــــارب تكونو فهمتوني اقصد ايه ؟

انا رئي الشخصي اني

لو علاقة الحب صحيحه يبقي هتشمل صداقه صريحه :)

يعني ايه المشكله اني لو اتكلمت بمنتهي الصراحه في كل اللي يخصني مع شريك حياتي لو كان مستمع جيد لي ؟؟

ده اولي من اني اتكلم مع اي حد تاني ولا ايه رئيكم ؟؟؟

وقت فررررررراغ

وقت الفراغ والنساء :

دراسه اثبتت انا النساء يقضين معظم اوقات فراغهن بالمطبخ !!

السؤال بأه ليه معظم وقتهم ؟ بيعملو ايه ؟؟

يعني مثلا اتخن طبخه مش بتاخد اكثر من 3 ساعات وكمان بوقت غسيل الاطباق!!

يعني انا مثلا وقت فراغي من 8 : 10 ساعات

هنتكلم انه 8 ساعات مثلا في اليوم معظمه ده يعني بالتقريب كده 6 ساعات

يعني اقضي 6 ساعات في المطبخ ليه هعمل ايه ؟؟

طيب بلاش دي اسمعو اللي جايه

وقت الفراغ والرجال :

نفس الدراسه العلميه اثبتت ان الرجال في الدول الاروبيه يقضو معظم اوقات فراغهم

في العنايه والاهتمام بالجناين التي يملكونها وايضا الاهتمام بالمقتنايات الثمينه

السؤال بأه طيب والشباب اللي مش عنده جنينه تبعه وعنده وقت فراغ يعمل ايه ؟؟

أقول انا !!

يشتري مقص تقليم الاشجار وينزل علي اشجار شوارع المحروسه هيلاقي

كل شجره مليانه عصافير يسبها انا بحظر من انه يجي جمب اي عصفوره واحده لاني العصافير كلها اللي في الاشجار

ملكيه خاصه لي فوكس خطيبي وبيديهم مرتب كمان

واللي مش مصدق يسأل اي عصفوره هتقوله كده

ماعلينا

ويمسك الاشجاردي يعملها علي شكل قلوب عشان تبقي مصر تشرح القلب كده

واهو منه بيقضي وقت فراغه ومنه بيفيد البلد وساعتها هيتتعمل عليه دراسه لوحده

غير اللي انا بتكلم عليها وبتشمل فئه معينه بس من المجتمع للاسف مش كل امجتمع سوء كان اروبي او عربي!!!

دي الحاجات اللي قريت عنها في موضوع وقت الفراغ ده ومش عاجبتني خاااااالص

بس في حاجات عجبتني زي :

ه 1- حضور بعض الدروس الدينيه في المسجد والمشاركه في نشاطات المسجد اذا كان له نشاطات

ه 2- القراءه في مجال احب القراءه فيه وممكن ان تصل القراءه الي دراسه في ذلك المجال

ه 3- سماع الخطب في المنزل

ه 4- قراءة تفسير القرءان الكريم لتدبر اموره

ه 5- ممارسة اي رياضه زي المشي مثلا يوميا

ه 6- قراءة السيره النبويه الشريفه والفقه

الحاجات دي كويسه جدا عجبتني جدا جدا لاني معظمها في الدين

وفعلا بفكر اعمل حاجات منها

بس المشكله انها تقريبا كلها بكون لوحدي فيها وانا بعاني جدا من الوحده جمب الفراغ ده !!!!!

ياااااريت

اللي عنده افكار تانيه زياده ياريت يفيدني بيها

والا هنزل انا اقلم اشجار مصر في يوم واليوم التاني اجيب كرسي

واقعد جوه مطبخنا واللي داخلواللي خارج اشرف عليه

واخليه يمضي علي خروج اي حاجه ورجوعها سليمه ها بس