Saturday, May 14, 2011

ده اهمال ده تسيب !!!!


ايوة اهمال وتسيب وانا كمان مش هسكت عليه
ازاي اروح جنينة الحيوانات ومش يكون فيها زرافه
الناس دي بتهرج
وانا اللي قولت هنتغير بعد الثورة ويشترولنا زرافة جديدة بدل اللي ماتت من 5 سنين
تخيلو يوسف عرف شكل الحيوانات كلها الا الزرافة طبعا الموضوع مؤثر لما جيل بحاله زي يوسف مش عارف يعني ايه زرافة
الناس دي بتهرج ده انا سألت واتقصت عرفت انها ب5000 جنيه بس
وكمان الزرافة اللي في المنتزه في اسكندريه لما روحت قالولي ماتت برضه
دي كارثه
لولا اني عرفت اني الوفاة طبعية واني مافيش حد بيغتال زرافنا
انا كنت طربقت الدنيا مش معاهم فلوس يجيبو واحده للقاهرة وواحده للاسكندرية
يعملو اتنين فيبر جلاس مش هيكلفوهم حاجه
ويحطهم مكان الزرافات اللي مات
ولما الشمس تخلي لونهم يروح يعملو مهرجان تلوين الزرفات من الاول
وحتي هيكون اقل تكليف من اكل الزرافه الحية
انا مش هسكت انا هاخد يوسف التحرير وارفع صورة الزرافة مطالبة بشراء زرافه وفي الحال
ولو وافقو واشتروها عشان المظاهرات اللي هعملها
بشطرط عليهم اكون انا ويوسف وفوكس اول ناس نتصور معاها وكمان لما اروح اكلها في كل مره الحارس مش ياخد مني فلوس يعني من الاخر ابقا عماله ابونيه عند الزرافه

1 comment:

Foxology said...

كل ده علشان الزرافة ؟؟؟

لا حول ولا قوة الا بالله :))))

عموما احنا ممكن نعمل صفحة ع الفيس بوك نسميها : احنا آسفين يا زرافة ومش بس كدة لالالا هنعمل مليونية للزحف نحو أفريقيا لجلي زرافتين واحدة للقاهرة والتانية للاسكندرية :)

علشان يوسف وجيله يعرفو شكل الزرافة ومش مهم مية النيل ولا حتى الأكل :))

تحياتى