.jpg)
.jpg)
.jpg)
.jpg)
البيضه السحريه يمكن الكل يستغرب من الاسم بس هي اسمها كده
دي عباره عن بيضه مصنوعه من الفخار وجواها بذره بتطلع زرعه مكتوب عليها عباره زي
I Love You
Happy Birth Day
وكده يعني
المهم طريقه استخدام البيضه دي انها تتكسر من فوق شويه كده
واسقيها يوم بعد يوم شوية ميه لحد لما بتكبر الزرعه ومكتوب عليها فعلا الكلمه اللي احنا مختارنها واحنا بنشتري البيضه
وبعد كده الزرعه دي بتنقسم 2 وبعدين تطلع ورقتين شجر يفضلو يفتحو لحد لما يبقو شكل قريب جدا من شكل قلب
وبعدين بتكبر تاني حاجه من بين ورقتين الشجر الله اعلم هتكون ايه لاني لسه متبعها
الصناعه طبعا الصين :))
كل ده كان وصف للمنتج اللي جالي هديه
انا بأه عندي سؤال وياريت اللي يعرف اجابته يقولهولي ضروري
=====================
يــــاتــرا الزرعه دي واللي بيحصل ده حرام ولا حلال ؟؟؟؟؟؟؟؟؟؟؟؟؟؟
====================
====================
تحديث
------
بصو ياجماعه انا هوضح اللي فكرة فيه خلاني اسأل هي حرام ولا حلال بس حاولو تركزو معايا عشان احتمال يكون تفكيري ملغبط شويه
اول حاجه فكرت هي الفكره دي هما استوحوها منين ؟؟؟
لقيت اقرب حاجه للفكره دي انه احيانا ربنا سبحانه وتعالي بيخلق زرعه او ماشابه وبتكون مكتوب حاجات زي
لااله الا الله
محمد رسول الله
الله
محمد
وحاجات زي دي دلائل لي تثبيت المؤمنين علي قوة ايمانهم بالله وللمشركين علي وجود الله سبحانه وتعالي
وحاجات زي دي دلائل لي تثبيت المؤمنين علي قوة ايمانهم بالله وللمشركين علي وجود الله سبحانه وتعالي
وكمان دلائل علي قدرة الله سبحانه وتعالي علي كل شئ
هما بأه خدو الفكر ونفزوها بالشكل ده والاسلوب ده
انا حسيت انهم بيقلود صنع الله سبحانه وتعالي
بس في حاجات مش عارفه اوصفها ايه بالظبط
هي ممكن تكون هديه رومانسيه جدا
وحاجه تفرح انك تبعت لحد رساله حلوه او كلمه حلوه في شكل زرعه هو بيعتني بيها لحد لما تكبر وتوصلو الرساله دي
لكن بعد اللي قولته ده هي بأه ايه حرام ولا حلال !!؟؟
30 comments:
متهيألى دى زراعه يعنى حلال
هايكون ايه الحرام فى كدا؟؟
بس ولاد الأيه بتوع الصين دول دماغهم دى ايه بالظبط؟
والنبى تعرفيلى بس دى تتجاب منين؟؟؟
سبحان الله
عجيبه فعلا بس حلوه اوى
بس ليه بتقولى ممكن تكون حرام
احنا فى الاول قلنا سبحان الله
اعتقد مفيش حاجه والله اعلم
تحياتى
والله بتوع الصين دول مخلوش حاجة الا وعملوها
بس اعتقد مفيش حاجة حرام الا اذا كان قصدك موضوع ان الزرعة نفسها مكتوب عليها او طرحها بيطلع كدة ودى مش من خلق ربنا سبحانه وتعالى
مش عارف قصدك كدة ولا ايه ؟
اينو حبيبتى
مش عارفه والله حلال ولا حرام
بس انا ساعات بقيت اخاف من عقل الانسان اوى
هى عموما جميله اوى فكرتها
فى ملحوظه نونو خالص
انتى كتبتى الجملة دى
"وبعدين بتكبر تاني حاجه من بين ورقتين الشجر-الله واعلم-هتكون ايه لاني لسه متبعها"
شيلى الواو اللى بين الله اعلم
اوك يا قمر وانا بإذن الله هحاول اسأل فى الحكاية دى
على فكرة انا بقيت احس انك واحشانى اوى
ده من ايه بقى؟
fox..
بتوع الصين دول دماغهم شغاله يافوكس في كل حاجه وفي كل اتجاه:)
بالظبط يافوس انا اقصد حاجه شبه وصفك كده حرام باه ولا حلال ؟؟
شرفتني كالعاده بالتعليق والمرور :)
blue wave ...
انا وضحت يادكتور في التحديث انا ليه سألت هي حلال ولا حرام وياريت تراجع التحديث وتشوف كده :)
هي يادكتور غالبا بتكون في محلات 2.5 بس اللي هي بتكون كبيره
مرسي للمرور والتعليق :)
مني ...
ازيك ياقمر اخبار ايه رجعي التحديث
وهتعرفي انا ليه شكه انها ممكن تكون حرام
هستنا رئيك برضه تقوليلي :)
تحياتي ليكي :)
sometimes...
انتي ياقمر اللي اخبار ايه
بالظبط يامني انتي قربتي اوي من تفكيري انه تفكير الانسان احيانا يتخاف منه لانه ممكن يوصل والاعياذ بالله للشرك
علم علي الملحوظه وتم التنفيذ مرسي اوي ربنا يكرمك :)
اوك وياريت كمان ترجعي التحديث عشان ما تسألي تكون فهما قصدي اكتر هستناكي تاني :)
انتي كمان والله وحشاني جدا جدا جدا :$
مش عارفه ده من ايه :$
ازيك يا جميله عامله ايه يارب تكوني بخير على طول
البيضه دي حلوه جدا جدا قوليلي هي موجوده في كل مكان انا لسه ماسألتش بس هسال فكرتها حلوه من ناحيه حرام ولا حلال فانا ماعرفش بصراحه بس فكرتها حلوه
حاسوباتيه ...
انا الحمد لله بخير طول
يارب تكوني انتي كمان بخير :)
البيضه زي ماقولت قبل كده ممكن تلاقيها في محلات 2.5 الكبيره اللي مثلا بتكون في مولات والله واعلم :)
نورتيني :)
أنا شفت الزرعة دى قبل كدة
وعلى فكرة .. الموضوع مش حرام خالص
ده علم يعنى مش دجل ولا حاجة
فضلا عن كدة ، إن حاجة زى دى بتتم بأمر الله سبحانه وتعالى مخرج الحى من الميت
دمتى بكل الود .. تحياتى
كنت بتمشي مع بناتي في المول ودخلنا محل هدايا لاقيتها وقبل مااعرف الصناعه ايه توقعت انها صيني
همه شاطرين قوي في الموضوع ده وبيزرعوا شجر صغير جدا في قصاري زرع يتحط جوه البيت بنفس شكل الاشجار الكبيره بس علي اصغر جدا(اسكيز يعني)والمهم ان الناس دي بتقعد تفكر وتتفنن وتنفذ
موضوع حلال وحرام
ده عايز شيخ اصلي مش تيواني
وبعدين العلماء المسلمين ماحرموش الهندسه الوراثيه في الزرع
ودي تعتبر زيها
ان احنا نتحكم في حجم الزرعه وشكلها وطعمها
والله واعلم
وربنا يخليلك اللي اشتري الهديه
عيد حب سعيد
د/ رامي شهاب
اكيد كل شئ بأمر الله ونعم بالله
اشكرك علي المرور والتعليق :)
شمس النهار ...
اولا حضرتك نورتيني في اول زياره واول تعليق عندي في رقه الاحساس
ثانيا انا مش عارفه محتاره اوي خصوصا اني كسرت بيضه من دول وطلعت اللي فيها عشان اعرف شكل البذره واحدد بزره ايه دي لكن للاسف مش عرف احدد وهما طلعو فحرين عليها باليزر تقريبا من بره علي القشره الكلمه اللي هتطلع عليها فا كده دي تعتبر صناعه يعني هنا مش وصلو للهندسه الوراثيه لا ده الكلام ده مكتوب من بره ويتقري وبمجرد ما تتشق القشره وتطلع الزرعه عليها اللي اتكتب علي القشره
المهم هي في الاخر شكلها هتطلع النبات اللي اسمه اللبلاب اللي بيتسلق علي اي حاجه في البيت!!
اخر حاجه بأه
ربنا يخليكي يارب انا اللي جبهالي اخويا وكان او مره يجبلي حاجه بصراحه :D
تحياتي ليكي :)
السلام علي أجمل إينو في الدنيا وحشاني مووووت
مبروك علي فوكس لقبه الجديد من خطيب إلي زوج
ألف ألف مبروك لأرق عروسين وسلميلي كتير جدا علي فوكس وقوليله يخلي باله منك ولو إني عارفة أنه مش محتاج وصاية
ربنا يديم بينكم الحب ويرزقكم بالذرية الصالحة
سحر
بإعتقادي
انها هديه مميزه جدا
وما اظن انها حرام
هذا والله اعلم!
ربنا يكرمك ويعزك صعب جدااااااااا حد منا يقولك حلال او حرام لاننا لسنا علماء وعلى فكرة موضوع التحريم والتحليل دة موضوع كبير جدااااااااااااااااا مش زى ما بعض الناس فاكرة انه سهل ممكن تسالى احد الشيوخ المتخصصين وهو اكتر الناس افادة ليكى
مش عارفه تعليقى وصل ولا ايه
بس انتى فين؟
المفقوع مرارتها ...
ازيك انت ياقمر والله انتي كمان وحشاني
الله يبارك فيكي عقبال اولادك :)
الله يسلمك :)
اكيد مش محتاج وصايه :)
ربنا يكرمك يارب :)
اقصقوصه ...
اكيد هديه مميزه وجديده
الله واعلم بالحرمانيه
نورتيني بالمرور والتعليق :)
تحياتي ::)
geo amr ...
ربنا يكرمك
اشكرك للمرور والتعليق :)
تحياتي :)
مني ...
تعليقك وصل ياقمر
انا موجوده ومتشكره لسؤالك عليه رفع من معنوياتي كتيررررررر :)
تحياتي ليكي :)
ربما الشعور ليس غريب بقدر ما هو مؤلم
ان تشعر انك وحدك
همك لا يشغل غيرك
وحتى من يهتمون ربما لا يفهمون
ويبقى الالم سجين الضلوع
الى ان يشاء الله
خفف الله عنك
وازاح همك وكربك
ومنحنك رضاه وعفوه
حبيبتى.. دمتى بكل الخير
مني ...
كلماتك ابكتني لانها اقرب وصف لمابداخلي
اشكرك علي الاهتمام
واشكرك علي الدعاء
تحياتي ليكي بجد
عايزه اكتب كلمة عزاء لفوكسلوجيا مش عارفه اوصل للتعليقات عنده اظاهر في حاجه
ياريت تبلغيه تعازي
انا كمان يااينو فقدت عمتي وكانت غاليه عندي جدا ربنا يرحمهم جميعا
وصل العزاء لفوكس يامدام شمس متشكره جدا لااهتمام حضرتك
والبقاء لله في عمت حضرتك ربنا يجعلها مش سكان الجنه ان شاء الله
اينو اينو اينووو انتى شايله الكومنت من البوست الاخير ليييييه
وبعدين ليه الحزن ياماما سيبيلى انا النكد واكتبى انتى بوست منعنش مفرفش كده :)
مستنيه بوست فرايحى :)
دكتورة سنان ...
يااااااااااه نورتي البلوج بتاعي بعد غيبه طويله
بعد الشر عليكي من الحزن
ربنا يفرح قلبك دايما يارب :)
نورتيني بالمرور والتعليق :)
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
اينو
لعل المانع خير
Post a Comment