تحديث ...
انا عارفه اني العنوان يخض بالنسبه للمدونه بتاعتي
بس خلاص انا علي اخري
حصل كام حاجه اليومين اللي فاتو دول يخلو الاخرس ينطق !!!
الاول النور يقطع ويفضل قاطع لمدة 30 ساعه متواصله لحد لما حسيت اني جالي تخلف من كتر القاعده من غير كهربا ولا وسائل التكنولوبيا والموبيل فصل شحن ومش انا بس دي كل موبيلات اخواتي وماما وبابا يعني انفصلنا عن العالم
ونتصل بالشركه ياخدو البلاغ ويعملوه قرطاس ويطيرو من الشباك
ولا الهوا المنطقه كلها مقطوع عنها النور وهما كل لما حد يكلمهم يقولولو ولا نعرف ولا حد بلغ ويبقا اللي بلغ قبل كده قاعد جنب اللي بيبلغ
لكن هنقول ايه بأه يمكن بينسو !!!
ومش جه النور غير امبارح بعد العصر لما الناس تكتفو ولمو فلوس وصلحو النور علي حسبهم !!!
الجديد بأه واللي يغيظ اكتر يجي النور تقطع الميه
عااااااااااااااااااااااااااااااااااااااااااااا
هو ده اللي حصل بالظبط النور جه من هنا والميه قطعت :(
من امبارح بعد العصر برضه
والناس الميه اللي في بيوتها خلصت وطلعت قاطعه في المنطقه وكل المناطق اللي حوليها يعني مش منطقتنا بس
وفي عربيات ميه بتيجي مش الشركه بس الجدع يقرب نحيتها زحمممممممه موووووووووووووووووت
اللي عاوز يملا ازازه بس ممكن يقف اكتر من ساعه وياما يملاها ياما تخلص الميه ويرجع يامولاي كان خلقتني :(
طيب مية الشرب واشترينا ميه نشربها
طيب وبقيت الحاجات يعني ؟؟؟؟؟؟؟؟؟؟؟؟
اما هطق من جنابي عاوزه حل
وعاوزه اعرف هما بيعملو فينا كده ليه
يكنوش عاوزين يحطو ايدهم علي بيوتنا بوضع اليد عشان كده بيطفشونا منها
اوووووووووووف بأه
6 comments:
هى دى بلدنا يا اينو
الباشا اللى بياخد البلاغات بتاعة الأعطال زى ما قولتى بيعملها قرطاس ويطيرها من الشباك اللى جمبه
المية اللى بتقطع فى الصيف دى ماركة مسجلة مصرية 100% ملناش مثيل ويطلع فى الآخر ماسورة اتكسرت فى حارة جوة زقاق وقاطعين المية كلها عن المنطقة لزوم الأمن الصناعى فالحين اوى احنا
حاجة تقرف
اوووووووووووووووووووف من عندى كمان تضامنا معاكى :)
يعني ايه هي دي بلدنا
حرام نفضل حاطين لسانا في بقانا وساكتين والله البلد مالهاش دعوه الرك علي اللي ديرين البلد حسبنا الله ونعم الوكيل فيهم
حرام عليهم والله ددي الناس ممكن تموت بعضها يافوكس عشان شوية ميه
ويافرحتي ناس شهداء العيش وناس شهداء الميه وناس انتحرو من العيش واللي عايشنها :(
مرسي علي اوفك يافوكس :)
نورتني بالزياره العزيزه :)
الكهربا مقطوعه
الميه مقطوعه
مفيش اكل
هيا دى مصر يا عبله:))
المشكله كمان فى البرود الرهيب لدى السادة المسئولين
معرفش مسئولين عن ايه وعلى ايه
ربنا ياخدهم:))
blue wave ...
اه والله الميه لسه جايه النهارده بس من يوم التلات اللي فات
لا طبعا اكيد في اكل بس حاجات سريعه كده هنعمل ايه حكم القوي
حسبنا الله ونعم الوكيل
مرسي للمرور والتعليق :)
يا بنتى من غير الحاجات دى متحسيش بقيمة النعمة اللى بنكون فيها طول الوقت
هو ما علينا احنا بيبقى شكلنا عامل ازاى ساعتها ولا حالنا بيبقى ازاى بس مش مشكله كله خير
وحشتينى يا قمراية
sometimes ...
فعلا والله عندك حق الواحد مش بيحس بقيمة الحاجه غير لما تكون مش عنده
الحمد لله
انتي كمان وحشتيني اووووووووووووي والله
نورتيني بزيارتك :)
Post a Comment