رقــــة الإحــســاس

سبحان الله وبحمده سبحان الله العظيم

2012-01-08T17:19:00.002+02:00

كثيرون يعتنقون الاسلام في هذه الايام

فتذكرت هذه السورة

سبحان الله وبحمده سبحان الله العظيم

استغفر الله العظيم

عيد ميلاده الاول

2011-11-23T09:04:00.003+02:00

النهارد حبيبي يويو تم سنة

كل سنة وهو اجمل يويو في الكون كله

كل سنة وهو منور حياتي وحياة بابا

كل سنة وانت طيب يايوووووووسف

Happy Birth Day Yossef

ماما وبابا

حكمة رائعه

2011-10-27T13:21:00.001+02:00

الظل لايعكس الحقيقة دائما !!!

احاسيس

2011-07-12T11:33:00.002+02:00

حلم وتمني

2011-07-10T17:07:00.003+02:00

رجلٌ : وعد فصدق فأوفى

امراةٌ : صبرت واهتمت وتعلقت

رجلٌ : عشقها

امرأة : عشقته

...رجلٌ : لم يعمل الا لسعادتها

امرأة : لم ترَ السعادة الا في عينيه

رجلٌ تحدى الدنيا

امرأة قدرت هذا التحدي

رجلٌ حرص على مستقبلها

امرأة أدركت ان مستقبلها معه أفضل

رجلٌ منحها الأمان

امرأة : منحته الثقة والحنان

رجلٌ أيقن أن النساء من بعدها اشاعة

امرأة : اعتقدت أن الحب من بعده حرام

رجلٌ :وثق بها

امرأة اهتمت به

يناجي ربه فايقول

2011-05-30T02:37:00.002+02:00

شاعر النيل حافظ إبراهيم إذ يناجي ربه، قائلا:
يا من خلقت الدمع لطفا منك بالباكي الحزين .. بارك لعبدك في الدموع فإنها نعم المعين

ده اهمال ده تسيب !!!!

2011-05-14T08:44:00.004+02:00

ايوة اهمال وتسيب وانا كمان مش هسكت عليه

ازاي اروح جنينة الحيوانات ومش يكون فيها زرافه

الناس دي بتهرج

وانا اللي قولت هنتغير بعد الثورة ويشترولنا زرافة جديدة بدل اللي ماتت من 5 سنين

تخيلو يوسف عرف شكل الحيوانات كلها الا الزرافة طبعا الموضوع مؤثر لما جيل بحاله زي يوسف مش عارف يعني ايه زرافة

الناس دي بتهرج ده انا سألت واتقصت عرفت انها ب5000 جنيه بس

وكمان الزرافة اللي في المنتزه في اسكندريه لما روحت قالولي ماتت برضه

دي كارثه

لولا اني عرفت اني الوفاة طبعية واني مافيش حد بيغتال زرافنا

انا كنت طربقت الدنيا مش معاهم فلوس يجيبو واحده للقاهرة وواحده للاسكندرية

يعملو اتنين فيبر جلاس مش هيكلفوهم حاجه

ويحطهم مكان الزرافات اللي مات

ولما الشمس تخلي لونهم يروح يعملو مهرجان تلوين الزرفات من الاول

وحتي هيكون اقل تكليف من اكل الزرافه الحية

انا مش هسكت انا هاخد يوسف التحرير وارفع صورة الزرافة مطالبة بشراء زرافه وفي الحال

ولو وافقو واشتروها عشان المظاهرات اللي هعملها

بشطرط عليهم اكون انا ويوسف وفوكس اول ناس نتصور معاها وكمان لما اروح اكلها في كل مره الحارس مش ياخد مني فلوس يعني من الاخر ابقا عماله ابونيه عند الزرافه

دعوة للتغير

2011-02-12T17:55:00.002+02:00

ياريت بجد كل واحد مننا يدور جواه الاول عن التغير عشان بلادنا تنهض بينا

احباط

2011-02-03T13:18:00.002+02:00

احـــــــــــــــــــــبـــــــــــــــــــــــــاط

وكمان مافـــــــــيــــــــــش فــــــــايـــــدة

هنفضل كده طول عمرنا حفظين لكن مش فاهمين

الحل اللي وصلنا ليه مش وحش لكن احنا حبين نبقي زي تونس من غير هدف

وﻻ اللي فوق سامعين وﻻاللي تحت شايفين

مش هقول غير حسبي الله ونعم الوكيل

ولدي ياقرة عيني

2010-12-18T03:00:00.004+02:00

مش عارفه اوصف احساسي في وجودك في حياتي يايوسف

بس حاسه اني مش مصدقه اني عندي بيبي مسئول مني في كل حاجه

اينعم مسئولية كبيرة مش قليلة خالص بس بجد احساس جميل اووووووووي

ربنا يخليك ليا يااابني ياحبيبي

ويجعلك يايوسف سبب سعدتي دايما

ويجعلني ليك ام مثالية قد المسئولية وناجحه

ويجعل باباك نعم القدوة والمثل الاعلي باباك يا يوسف بجد يستحق اكتر من كده

انا تأكدت من اخترت نعم الاب ليك ونعم الزوج ليه

ربنا يخليه لينا ويصبره علينا وعلي تعب الشغل ويعينه ويجعلك ليه نعم الابن البار بأابيه

بالمناسبة يوسف شبه الصورة اللي فوق دي اووي :)

وبالمناسبة كمان احب اهني اختي في البلوجر حاسوباتية

علي قدوم ابنها يحيي بالسلامة

ربنا يبارك ليها فيه ويقويها عليه

الف الف مبروك ياحاسوباتيه وهقولك زي مالدكتورة قالتلي

يلا عقبال الولد السابع

هههههههههههههههههههههههه

بين يوسف ويحيي بالظبط اسبوع

ربنا يبارك فيهم ويحميهم :)

وحشتوني اوي يابلوجرز

واتمني اكون معاكو اكتر من الاول علي حسب مايسمحلي الاستاذ يوسف في الدخول هاجي واكتبلوكو علي طووووول:)

تحياتي

إلهى أنت تعلم كيف حالى - مشارى راشد

2010-12-18T03:00:00.000+02:00

تيجي بالسلامة :)

2010-10-25T17:04:00.002+02:00

مش فاضل كتير وتيجي

تعرف انك واحشني اوي ومشتاقه اعرف ملامحك

اي نعم تعبني اوي ومش بقيت اعرف حتي انام

لكن كل لما افتكر اني اخر التعب ده هيكون عندي ابن جميل اوي

احس انه تعب حلو اووووووووي وكمان انا سعيدة بيه بس يارب تطلع ابن كويس بار بيه وبي ابيك

وتقدر احنا تعبنا علشانك قد ايه

انا بحبك اووووووووي

ومنتظراك وانا مشتاقة ليك اووووي

يارب تيجي بالسلامه

مامتك

اينو

2010-09-04T23:33:00.002+02:00

لبست ثوب الرجا والناس قد رقدوا ** وقمت أشكـــو الى مولاي ما أجد

وقلت يا عُــدتي من كل نـائبة **ومن عليه في كشف الضر أعتمد

أشكو إليك أمواراً أنت تعلمها **مالي على حمـــلها صبر ولا جلد

وقد مددت يدي بالذل معترفاً ** إليك يا خير من مدت اليه يد

فلا تردها يارب خالـية **فبحرجودك يروي كل من يرد

رمـــضـــان كــــــريــــم

2010-08-10T18:07:00.001+03:00

كل سنة وكل البلوجر والمسلمين بخير

اعاده الله عليكم وعليناا بالخير واليمن والبركات

رمضان كريم

رسالة دافئة الي جنيني

2010-06-20T23:05:00.004+03:00

أنني أحبك ... وأشتاق إلي رؤيتك ... ه
إنني سعيدة بصحبتك كل هذه الشهور
حتي نبني معا اجمل عقل ، واقوي جسم
واسعد نفس ، وانقي روح ، وانسم عبير
ألست انت حبيبي ؟؟!ه

في يوم شديد الحراره مثل يومنا هذا
اقول لك ....ه
يازهرتي التي اغذيها بدمي وروحي ووجداني ... أدخرك ليوم
يشتد حره ، وتتزاحم فيه الامم ،باحثة فية عن منقذ
في يوم مقداره خمسين الف سنة ، فهل كنت سببا في انقاذي؟؟

عندما تخرج ياملاكي ستنير حياتنا
سوف يري كل منا وجه الاخر
وروعة الحياه معه لن اترك ولو لحظة وحدك
اعدك

خبر جديد سعيد

2010-04-28T15:56:00.003+02:00

مــــامــــا إيـــنــــو

بـــابـــا فـــوكــــس

ألقاب جديده علينا بس خلاويص مقربين نسمعها

مش عارفه اكتب ايه ولا اوصف احساسي ازاي

بس هو الحقيقه مش احساس واحد هو مزيج من الاحاسيس من ساعة ماعرفت الخبر السعيد ده

سعادة دهشه ترقب وطبعا تعب ده شي اساسي

كل اللي بتمناه هو ذرية صالحة اي كانت تكون باره بينا

يمكن اكون بطول في الغياب بس فعلا غصب عني بسبب تعب الشهور الاولي دي ربنا يكملها علي خير

هل يمكن أن تحل الحماة مكانة الأم؟

2010-03-27T20:38:00.002+02:00

حدث في الصين منذ وقت طويل أن تزوجت فتاة

وذهبت لتعيش مع زوجها ووالدته “حماتها”
وبعد وقت قصير اكتشفت هاله أنها لا تستطيع أن تتعامل مع حماتها
فقد كانت شخصياتهم متباينة تماما،
وكانت عادات كثيرة من عادات حماتها تثير غضبها
علاوة على أن حماتها كانت دائمة الانتقاد لها

أيام تلت أيام، وأسابيع تبعت أسابيع ولم تتوقف
الزوجة وحماتها عن المجادلات والخناقات، ولكن ما جعل الأمور أسوأ
أنه طبقا للتقاليد الصينية القديمة، كان عليها ان تنحني أمام حماتها وأن تلبى لها كل رغباتها
وكان الغضب وعدم السعادة اللذان يملآن المنزل يسببان إجهادا شديدا وتعاسة للزوج المسكين

أخيرا لم يعد في استطاعة الزوجة أن تتحمل
أكثر من طباع حماتها السيئة ودكتاتوريتها وسيطرتها،
وهكذا قررت أن تفعل شيء حيال ذلك فذهبت الزوجة
لمقابلة صديق والدها مستر هوانج وكان بائعا للأعشاب

شرحت له الموقف وسألته لو كان في إمكانه لو يمدها
ببعض الأعشاب السامة حتى يمكنها أن تحل مشكلتها مرة والى الأبد..

فكر مستر هوانج في الأمر للحظات وأخيرا قال لها
'أنا سأساعدك في حل مشكلتك،
ولكن عليك أن تصغي لي وتطيعي ما سأقوله لك'

أجابت الزوجه قائلة: 'نعم يا مستر هوانج أنا سأفعل أي شيء تقوله لي'

انسحب مستر هوانج للغرفة الخلفية ثم عاد
بضعة دقائق ومعه علبة صغير علي شكل قطارة
وقال لها: ' ليس في وسعك أن تستخدمي سما
سريع المفعول كي تتخلصي من حماتك،
وإلا ثارت حولك الشكوك،
ولذلك سأعطيك عدداً من الأعشاب
التي ستعمل تدريجيا وببطء في جسمها،

وعليك أن تجهزي لها كل يومين طعام من الدجاج أو اللحم
وتضعي به قليل من هذه القطارة في طبقها،
وحتى تكوني متأكدة أنه لن يشك فيك أحد عند موتها،
عليك أن تكوني حريصة جداً..
وأن تصير تصرفاتك تجاهها صديقة ورقيقة،
وألا تتشاجري معها أبداً، وعليك أيضا أن تطيعي كل رغباتها
, وأن تعامليها كما لو كانت ملكة'

سعدت الزوجة بهذا وأسرعت للمنزل
كي تبدأ في تنفيذ مؤامرتها لتتمكن من اغتيال حماته
ا.. مضت أسابيع ثم توالت الشهور
وكل يومان تعد الطعام لحماتها وتضع بعض من المحلول في طبقها..
وتذكرت دائما ما قاله لها مستر هوانج عن تجنب الاشتباه،
فتحكمت في طباعها وأطاعت حماتها وعاملتها كما لو كانت أمها.

بعد 6 شهور تغير جو البيت تماما،
مارست الزوجة تحكمها في طباعها بقوة وإصرار،
حتى أنها وجدت نفسها غالبا ما لا تفقد أعصابها حتى حافة الجنون
أو حتى تضطرب كما كانت من قبل..
ولم تدخل في جدال مع حماتها، التي بدت الآن أكثر طيبة وبدا التوافق معها أسهل.

تغير اتجاه الحماة من جهة زوجة ابنها وبدأت تحبها
كما لو كانت ابنتها، واستمرت تذكر للأصدقاء والأقرباء
أن زوجة ابنها هي أفضل زوجة ابن يمكن لأحد أن يجده

وأصبحت الزوجة وحماتها الآن يعاملان بعضهما كما لو كانتا بنتا ووالدتها..
وأصبح الزوج سعيدا بما قد حدث من تغيير في البيت وهو يرى ويلاحظ ما يحدث

وفي أحد الأيام ذهبت الزوجة مرة أخرى لصديق والدها مستر هوانج
وقالت له: 'عزيزي مستر هوانج،
من فضلك ساعدني هذه المرة في منع السم من قتل حماتي،
فقد تغيرت إلى امرأة لطيفة وأنا أحبها الآن مثل أمي،
ولا أريدها أن تموت بسبب السم الذي أعطيته لها

ابتسم مستر هوانج وهز رأسه وقال لها
'أنا لم أعطيك سما على الإطلاق

لقد كانت العلبة التي أعطيتها لك عبارة عن

القليل من الماء!!!؟

والسم الوحيد كان في عقلك أنت وفى اتجاهاتك من نحوها

ولكن كل هذا قد غسل الآن بواسطة الحب الذي أصبحت تكنينه لها

وبـــدأت الـحـيـاة

2010-02-28T14:25:00.003+02:00

احساس جميل بحياة جديدة
يكون الشخص مسئول فيها مسئولية كامله ومشتركه مع شريك الحياة

مش هنكر انه كان في شوية خوف اني مش اكون قد المسئولية دي وكنت بفكر كتير ياترا هقدر
بس طلع الموضوع كله عاوز شوية نظام وشوية تفاهم عشان تمشي عجلة الحياة ومن غير اي تعب
زي اي حاجه جديده ممكن نبدأها ويكون جوانا شوية رهبه منها بس بمجرد ما بنفهمها بتكون حاجه عادية جدا

كان عندي اصحاب كتير بيعقدوني في الجواز وكانت الجمله المشهوره اللي دايما يقولها عنه انه >> (شر لابد منه )ه
حقيقي كنت وقتها لما بسمعهم بقلق وبقعد افكر هما ليه شايفينه كده
طلما هما اللي مخترين شريك حياتهم بختيارهم وفي بنهم مودة ورحمة يبقي ليه يقولو كده

بس حقيقي انا اللي بشفق عليهم دلوقتي لسبب بسيط
لاني عرفت في الشهر اللي فات ده اني الزوجه بيكون في ايديها مفاتيح للسعادة بيها بتقدر تدير عجلة حياتها
الزوج كمان بيكون في ايده بعض المفاتيح دي بس بتكون في خزنه مفتحها مع زوجته هي اللي بتفتح جواه طريق السعادة

يعني اصبحت الزوجه مسئوله مسئولية كامله عن كل زخائر السعادة في الحياة المشتركة دي
ومن اهم المفاتيح دي حاجه بسيطه اوي بس علي اللي اتعود عليها من اول دقيقه هي >> الاحترام المتبادل في الغياب قبل الحضور
والحفاظ علي مشاعر الشريك الاخر
الاحساس به
وطبعا الكلمة الطيبة والابتسامة
الحفاظ علي الحقوق والواجبات
وحاجات كتيررررره اوووووي ممكن تكون بسيطه لكن بتسعد بيها شريك حياتك

اكيد الناس اللي كانت بتقول علي الجواز شر لابد منه مش عرفو المعاني الجميله دي
اكيد اللي بتقعد في مجلس وتقول علي زوجها كلمة مش حلوة مش حست الحاجات دي
وطبعا نفس الموضوع علي الازواج اللي بيتكملو كلمة مش حلوه في حق الزواج والزوجات

حقيقي الشهر ده عدي عليه بسرعه اوي لكن لما بقعد افتكر كل يوم فيه بحس انه كانت احداث ممكن تمر عليه في عام كامل ويمكن اكتر
اتعلم حاجات كتيره اوي وحسيت بيها اني كبرت كتير
عندي احساس اني من شهر كنت اصغر من دلوقتي مش عمر بس نضجا وفهم للمواقف وتقدير للأحداث
سعيدة جدا بي نضجي وبحياتي الجديدة
وبحاول اخلي كل لحظة فيها مختلفة عن قبل كده
وبحاول ابثر السعادة في كل ركن من اركان بيتي
وبتمني بجد اني كل اصحابي من البلوجر اللي بره
ربنا يرزقهم بالزواج الصالح والحياة السعيدة

الصوره اللي فوق انا محتفظة بيها بقالي اكتر من 3 سنين وبحبها اوي
بحس انها بتعبر عن الحياة
بشوف اني الزهرة اللي في اللوحة هي الحياة
ويد الزوج ممسكه بالزهره لانه هو عماد الحياه الاساسي
ورمز لاأمساكه بزمام الامور
ويد الزوجة جائت في اللوحه كرمز لااسناد زوجها في الحياة
وكل منهما لايستطيع ان يحتفظ بالزهره في قبضة يده وحيدا

طبعا ده شرح للوحة من وجهة نظري انا والله واعلم بنية الفنان اللي رسمها ايه

وهو علي العموم اسمه راضي جوده انا بشكره جدا علي اللوحة دي

احدثكم من بيت العدل

2010-02-05T15:11:00.003+02:00

السلام عليكم

وحشتوني يااجمل بلوجر

جيت اقول مرسي لكل الناس بجد الف الف شكر علي تهانيكم ليا ولي فوكس وعقبال كل الناس يااااااااااااااااااااااارب

متشكره لكل حد سأل عني في غيابي

وان شاء الله مش هيكون في غياب تاني اخلص بس شهر العسل اللي هو اسبوعين وفات منهم اسبوع وارجع بأه اكتبكم تاني

وحشني البلوج اوووووي ووحشني تعليقاتكم بجد ونفسي كده يكون في لقاء مدونين قريب عشان اجي واشوفكم كلكم

بحيكم بجد :)

احلي خبر في السريع

2010-01-28T17:30:00.000+02:00

جايه بسرعه اسلم واقول لاأحلي حبايب ليا ولي فوكس النهارده الحنه وبكره الزفاف ياجماعه عقبال الكل يارررب معلش بأه مضطره اقول سلام لحسن أنا لسه عندي مليون حاجه اعملها بس قولت افرحكم معانا سلام ياأحلي بلوجرز

انا بخير :)

2010-01-07T19:23:00.001+02:00

السلام عليكم

ازيكم يااجمل بلوجر

بجد وحشتوني جدا وعارفه اني مقصره مع كل حد فيكم

غيابي اللي الفتره اللي فاتت والفتره اللي جايه والله غصب عني وظروف خارجه عن ارادتي

وكمان الفتره اللي فاتت كنت بمر بظروف نفسيه متعبه جدا بس الحمد لله انا احسن دلوقتي كتير

هغيب كمان شويه عنكم فيها برضه لنفس الظروف بس اوعدكم ارجعلكم بااخبار حلوه اوي ان شاء الله

اوعو تكونو نسيتوني ولاهجرتو البلوج بتاعي انا بتابع تعليقاتكم عندي اول بااول بس سمحوني لو مش عرفت ارد عليكم

وبجد بشكر كل اللي سأل عني ف الفتره اللي فاتت وكل اللي جيت علي بالهم بس حتي :)

بس محتاجه دعوتكم اوي بجد اني ربنا يسرلي امري ويفرجها عليه

كل سنه وانتو طيبين في كل المناسبات اللي فاتت وكل المناسبات اللي جايه
وخير الختام هو السلام :)

جالي تاج :)

2009-09-27T23:42:00.000+02:00

التاج ده جايلي من البنوته العسوله المبتسمه دائما

حاسه اني معظم الاسئله مش هعرف اجاوب عليها بس هنزله عشان انا وعدتها :)
وهي مش ذمبها حاجه هو جالها هي كمان من حد وجاوبته

نـــبـــدأ بأه ......

من أنت ؟
اسمي الحقيقي إيناس وكل اللي شفوني عرفوه واسمي هنا في البلوج (إينو)

ما الذي تفعله هنا ؟؟
املك مساحه خاصه بي احبها كثيرا لاني اشعر بحتوائها لي ولكلماتي مهما قلة او كثرت

أسرائيل تقصف كل جنوب ممكن بحثا عنك . أي شمال ستقصد ؟؟
هو سؤال غريب اوي هما اسرائيل يعرفوني منين ؟
هروح المالديف دي جزر انا كنت كتبت عنها قبل كده هروح اتفسح هناك وهي بعيده اكيد مش هيلاقوني
ههههههههههههههههههه

انت مكلف بحذف حرف من حروف اللغه العربيه ..أيهما ستختار ولماذا ؟
انا اعتز بكل حرف من حروف لغتنا العربيه
ولا املك ان احذف حرف من حروف القرأن الكريم :)

قدر لك ان تدخل السجن فما هي القضيه التي تتمني ان تدخل بها إليه؟
برضه سؤال غريب !!
مش عارفه عمري مافكرت فيه بس انا اخواتي الاتنين في حقوق لو
دخلت السجن هيدفعو عني واللي متوقعها باه انهم يضعفولي المده المحدده
اصلهم مش بيحبو المحاماه عشان كده هيعملو معايا احلي واجب
هههههههههههههههههههههههههههههه

متي اكتشفت نفسك ؟
اكتشفت نفسي لما لقيت نصي التاني ساعتها كان اكتر وقت اكتشف حاجات كتير جوايا
مش كنت عارفاها

اليمني بتقول إلي حلمك .. واليسري بتقول إلي مالم يحلم به البشر أي طريق ستسلك؟
افضل الطريق لحلمي لانني عشت العمر اسعي لتحقيقه ولن اتخلي عنه ابدا مهما كان صغير ضمن احلام البشر

نحن لانعيش حياتنا بل نتعلم فيها كيف نعيش ما تعليقك ؟
حاسه اني السؤال ناقصه حاجه بس كلمات السؤال فكرتني بحاجه
جدي الله يرحمه قالي حاجه مش قادره انساها كانت نصيحه منه ليه
اني البني ادم مهما كبر عمره ما هيكبر علي انه يتعلم
وانه بيفضل يتعلم حاجات في الدنيا لحد اخر دقيقه في عمره
يتعلم كل حاجه بأه يعني ازاي يعيش ازاي يتعامل كله علام وخبره للحياه

بجمله واحده فقط اكتر تعريف لكل كلمه من الكلمات التاليه .

الوطن
مش ليه اي علاقه نتهمه بظلم المرئوسين لانه اكتر مكان بيتحمل الناس اللي عايشين فيه

الام
بحلم اكون ام حنونه علي اولادها قريبه منهم

الليل
نسمة هوا ناعمه وهدوء ساحر وقمر ساطع

الحب
اكتر حاجه كنت بحبها من وانا صغيره رغم اني وقتها كنت عمري ماأدركته
لكن كنت بحس انه الكلمه نفسها مليانه حنيه ودفا ومشاعر جميله :$

أمريكا
تنقسم ثلاثة اجزاء من وجهة نظري الاول سياسي وبكره اسلوبه وتخطيطه جدا مع البشر
وجزء علمي ناجح جدا وبياخد كل اللي في طريقه لنجاح مشرف
وجزء انساني في ناس كويسين جدا زينا بيتألمو للحروب وموت البشر

المرأة
كيان مرهف الاحساس تبحث دائما عن من يفهمها وتقدر وتحترم من يقدرها سواء في بيتها او في عملها اذا كانت تعمل

الصمت
احيانا بيكون ابلغ من اي كلام

الانترنت
عالم يأخذنا حيث نشاء فعلينا ان نوجهه في الاتجاه الصحيح حتي لانندم

اختار منصبا واتخذ قرارا؟
اي منصب يجعلني امنع اي ظلم يقع ولو علي فرد واحد

قيس عنتره جميل هم الذين يقولون شعرا وليلي وعبله وعزه صامتون لماذا هذا التغيب للمرأه ؟؟
ده من وجهة نظري مش تغيب للمرأه بس هما اكيد كانو مكسوفين يردو
اسأل مجرب باه :$:$:$

ان تكون مطلوبا لاارتكاب جريمه ، خيرا لك من ان لاتكون مطلوب مطلقا هل تتفق مع هذه العباره ؟ علل؟
لا طبعا انا اكون مش مطلوبه احسن علي الاقل هكون في حالي عن اني اأذي لاني الاذي مش في طبعي

الي اين تمضي كلمات الحب بعد ان تقولها ؟؟
ترسخ مشاعر اعمق في العلاقه ثم تمضي الي الذكريات ومهما تكررت فتكون كأنها اول مره تردد :$

هل توجد علاقه بين المرأه وقطاع الطرق ؟
ههههههههههههههههههههههههههههههههه
حتت سؤال تحفه وبرضه عمري مافكرت فيه
بس اعتقد لالا مافيش علاقه ولو فيه مش هيكون كل امرأه تنفع تبقي قاطعة طريق
ولو بقيت مش هيكون علي حد غريب هيكون علي باباها جوزها اخوها علي سبيل التمرين لمراحل اكبر
ههههههههههههههههههههههههههههههههههههههههههههه

هذا فرق بيني وبينك .. متي ولمن تقولها؟؟
لما يكون حد اقل مني في الاخلاق ولقدر الله غلط فيا ممكن اقوله كده
هذا فرق بيني وبينك انت غلط فيا لكن انا اخلاقي مش هتسمحلي اني انزل لااخلاقك وارد عليك

كيف هو غدا ؟؟
دايما بحس انه احسن من اليوم وأمس ولو اني برضه بحس بالخوف منه .بس بحاول اخطط ليه بشكل افضل من الحاضر والماضي من واقع خبرتي اللي اكتسبتها منهم

تمرر التاج لمين ؟
اول حد طبعا عارفينه فوكس ولو اني عارفه اني الاسئله هتصدمه
بس معلش تعيش وتاخد تاجات مني يافوكس:))

وايمي بيبي
وسفروته طبعا
ومني ساعات ساعات

كفايه دول المره دي وطبعا اي حد عاوزه يتفضله :)

عيد سعيد :)

2009-09-20T12:10:00.001+02:00

كل سنه وانتم كلكم طيبين وبخير يااجمل عالم في الدنيا عيد سعيد عليكم ان شاء الله

ويارب السنه الجايه كل اللي ليه امنيه يحققها

ويارب نكون كلنا اتغفرلنا ذنوبنا امين يارب :)

كل سنه وانتم بخير :)

استناني جايلك و هتشوف هعمل فيك إيه..بس اصبر علية..حوار مع؟؟‏

2009-09-13T21:45:00.005+02:00

منقو و و ل من احد المنتديات

ΏΏΏΏΏΏΏΏΏΏΏΏΏΏΏΏΏΏΏΏΏΏΏΏ

فلان الفلاني بيقووول:

دأنا هبهدلك وهاوديك فى داهيه بس اصبر عليا بس !!!!!!!
استنانى انا جايلك وهتشوف هعمل فيك ايه فاهمنى انت , اكيد مش فاهم ,بس انا هخليك زى العربيه بعد اما تنضف فى البنزينه هوسخها بالطينه ,
وهعرفك شغلك كويس عشان تعيش الدور كويس وتعملى انك جامد اوك ياصاحبى استنى عليا بس .

لازم اعرفكم قبل ماحد يفرح بنفسه ويفتكر ان هو خلاص بقى جامد لما صلى كام ركعة تراويح , أو فتح المصحف وختمله ختمه ولا اتنين , وانت فاكر نفسك انك بقى لما صليت تهجد بقيت الشاب اللى مافيش زيه , وعمال تنزل توزع بلح ووجبات وتعمل خير كأن الخير مستنيك انت بقى عشان تعمله , ها ها ها ها ها لا وايه مش عايز تغتاب وبتغض بصرك ياسلام على الايمان , فرحان برمضان اوى انت ها؟ , طب ياحبيبى افرح زى مانت عايز براحتك وافرح على قد ماتقدر حقك ماهو عشان انا بعيد عنك بس.

بس انا مش زيك بقى انا عندى هدف ورساله فى حياتى وبموت نفسى عشان احقق هدفى ده ومش هوائى زيك اشتغل حبه وانام حبتين , أنت عندك هدف فى حياتك ؟؟ ياترى بقى بتعمل ايه عشان هدفك ده وياترى شغال 24 ساعه زى مانا شغال اكيد لا عارف ليه ..... ولا بلاش لأحسن تزعل .
انا بسيبك تفرح كام يوم وببعد عنك غصب عنى طبعا انا نفسى افضل جنبك و برجعلك تانى وانسيك اللى انت عملته وبكمل معاك بقيت السنه زى مانا عايز عشان احقق هدفى وبجتهد على قد ماقدر , معلش سامحنى اذا كنت بعرفك حقيقتك اللى انت مش قادر تغيرها وبتفضل كده . وطبعا الكلام ده مش لحبايبى اللى مش بينسونى ابدا ومقضينها مسلسلات كلها مناظر او نوم ومكبر دماغه ربنا يخليكوا ليا مريحنى دايما كده .

خليت عقلك الباطن متعود على انه بعد رمضان يتحرر من عبادته والقيود اللى كانت مسكاه عن الدنيا ويوم 30 ده الليله الجامده بقى اللى تقضى فيها فرحة العيد ويلا ياعم مش اشتغلت 29 يوم براحتك لازم تروح عن نفسك وتعيش حياتك بس زى منا عايز زى ما اتفقنا .

تصدق انك زى المجنون اللى بينزل يصلح عربيته ويزودها بكل الكماليات ويرشها دوكو وينظفها وتاخد منه شهر كامل قاعد جنبها وقبل مايركبها بعد مانضفت عشان يمشى بيها يروح جى مكسر فيها وخارم الكوتش ويرمى عليها طينه .... هااهاهاهاها بتضحك صح ماهو ده إنت ياخفيف بس إنت مش واخد بالك .

بس بدل العربيه بيبقى قلبك , والشهر اللى قعدت تصلحه فيه ده رمضان , والتكسير والبهدله ديه هديه منى ليك فى ليلة العيد احلى معاصى عديتك ياحبيبى ورينى هتمشى بالعربيه ازاى بقيت السنه قصدى قلبك ده بعد مالوثته تانى هتكمل بيه ازاى هههههههههه أظن كده عرفتونووونى سلااااااااااام .......
........

يرد عليه بئى اخونا الإنسان الي بيحسبه هو غلبان:

استنـــى عنــدك !!!!!

ايه ياعم انت مالك كده عامل نفسك انك قوى وانت ضعيف جدا ونافش ريشك على الناس فى المنتدى , أنا معاك ان كلامك ده صح وبيحصل لناس كتير اوى بس ده قبل ماتقولهم بغبائك على اللى انت بتعمله فيهم , دلوقتتى انت بدل ماتسخر منا فوقتنا وصحيتنا , طبعا زى مانت قلت ان عندك هدف ورساله وهو إنك تدخلنا النار وتودينا فى داهيه وتملى حياتنا بالكرب , وفعلا أنت بتشتغل علطول علينا وبتعمل كل اللى فى مقدرتك , بس إحنا كمان عندنا رسالة أغلى وأسمى بكتير منك وهى الجنة وأننا نبقى مع الله ورسوله وفعلا إحنا ساعات بنغفل وبيضيع مننا وقت وبتستغل أنت الفرصه ديه إنك توقعنا فى الغلط , لأنى إذا ماشتغلتش لهدفى ورسالتى للأسف هبقى فى اللحظه ديه شغال فى رسالتك وهدفك .
وصدقنى أنا هعيش حياتى بعد كده زى مأنا عايز لهدفى ورسالتى مش زى مأنت عايز , والعاده اللى خلتنى اتعود عليها وبتقول مش قادر اغيرها وهو انى بقع بعد رمضان علطول , خلاص هتتغير وهأقدر أوريك أنا هعمل إيه وعشان أبقى صريح أنا كمان وعشان عارف إنك ضعيف ,

1- أنا بقى معايا صحبه صالحه هتمسك بيها وهافضل طول الوقت معاها وعشان أنت ضعيف لما بتلاقينا كتير ومش هتعرف تتشطر عليا , صحبه تخلينى علطول قبل ماهقع تمد ايديها وتسندنى وتخلينى اقف تانى , ودايما وخدانى معاها فى عمل الخير واللى فى مصلحتى دنيا واخره, نضحك وننتعلم وناخد كورسات ونتعبد ونعمل خير ونخرج وكل شىء ينمينا يقوينا .

وكمان 2- القرآن اللى كنت بفتحه فى رمضان مش هيتقفل تانى خلاص لأنى نويت انى افهمه واعيش معاه واعرف ربنا عايز منى ايه وبيحبنى أد ايه وهخلى ليا وقت ثابت أقرا القرآن واعرف معانيه وأدور فيه على صفات المؤمنين واكتبها واسعى ان اوصلها وأدور على صفات الجنه واحبها واسعى ليها وأدور وأدور ...., أستنى مالك بدأت تخاف كده.

لسه تالت حاجه 3- الذكر واخد بالك معايا طبعا عارف الذكر أنت , اللى بيخليك تجرى وتستخبى ومتقدرش تقرب منى , من دلوقتى ولحد اخر يوم فى عمرى اذا كنت تعبان ومش قادر اعمل اى طاعه لسانى وأنا قاعد وأنا ماشى وكمان وأنا بنام مش هيبطل ذكر وفى كل لحظه ربنا هيفضل فى بالى وفى قلبى لأن الذكر ده تطهير لقلبى كل شويه كده .

4-أنا فى رمضان عرفت حلاوة المسجد وعرفت أد ايه أنا كنت بعيد عن كرم ربنا وإنى أروح بيته عشان يستضفنى فيه بكرمه وثوابه ومغفرته ومش هاسيب صلاة الجماعه أبدا وبالذات صلاة الفجر , اللى أنت ياما خلتنى أنام عنها وكنت تقف تضحك وتفرح على راسى وأنا نايم , من النهارده هزيد النور فى طريقى لما امشى فى الظلمه لربنا وكل الناس نايمين ,

أستنى بقولك أنا خلاص فقت ومش هابقى هوائى زى مانت قلت أسمع ديه كمان اللى هتقضى عليك بجد 5- وهو إنك تلاقينى قايم بليل بفرش السجاده وبقف بين أيدين ربنا لوحدى أنا وهو بس وبصلى وبدعيله وهو بيستجيب ليا وبيغفرلى وأنت واقف بتصرخ , أيوه أنا عندى كرامة وعزة وشرف المؤمن فى قيام الليل ودعائى لربنا إنه يثبتنى دايما على طاعته لأن كمان الدعاء سلاح المؤمن اللى لازم يفضل رفعه عليك دايما.

ها تحب أكمل ولا كفايه عليك كده , متعيطش أنا لسه هخليك تنتحر لما تلاقينى ثابت على الخمس حاجات دول ومش عارف تعمل معايا أى حاجه وساعتها هنشوف مين اللى هيضحك من التانى وهنشوف مين هيوصل لهدفه لأن ملهاش حل يإما أنت تدخلنى النار يإما أنا أدخل الجنه , زمان كنت فاكر الموضوع صعب وكنت بنهزم بسرعه , لكن بجد كلامك فوقنى خلاص , واستحاله رمضان يدخل عليا ويخلص وارجع تانى لنفس ذنوبى ونفس حياتى اللى كانت من غير هدف قبل كده ,,انســـــــى.

الشيطان:
كفاااااااااااااااايه ارجووووووك كفاااااايه أنا كده مش هعرف أكل عيش بقيت السنه , أشوف فيك يوم تكون مذلول فيه ليا وعمال تعصى اااااه .

الإنسان:
ههههههه العيش اللى عايز تاكله ده مش هتاكله على حسابى انما روح للى عايز يفضل طول عمره معندوش هدف وماشى معاك فى هدفك وهيلاقى نفسه خسر كل شىء , بالنسبالى انا هابقى مذلول فعلا بس للخلقنى وللى بيأكلنى ويشربنى وبينعم عليا بكل شىء للرحيم للتواب لاجمل شىء وهو ربى لأنه يستحق أوى لأنه يستحق أوى لأنه يستحق أوى.
ــــــــــــــــــــــــــ

ــــ
تم حرق الشيطان اكتر ماهو محروق لأنه ضعيف جدا بس لما لقى قصاده واحد قوى وثابت مقدرش يعمل حاجه , وممكن يرجع تانى وتالت بس برده مش هيعرف يعمل حاجه والحياه مستمره
ياهدفه ياهدفنا

معلومه محمديه :)

2009-09-05T23:14:00.006+02:00

محمد نبينا ... أمه أمينه
أبوه عبد الله ...مات ما رآه
عبدالمطلب جدة .. هو اللي رباه
أبو طالب عمه ...كان بيدافع عنه
ستنا حليمه ..مرضعة نبينا
نبينا محمد
ولد في مكه ومات في المدينه

الله على الاغنية دي كنا حافظينها و بنرددها و احنا في الابتدائي بس تصدقوا كنا بنرددها و نغنيها من غير ما نفكر فيها لانها كانت ريتم و اغنية بالنسبة لنا
بس ركزوا فيها كدة ... بس تصدق الاغنية دي ممكن تسعفك لو توهت في معلوماتك شيوية .. يعني ممكن يختلط عليك الامر و دا جايز مع الجميع و تتلخبط محمد بن عبد الله ام ابن عبدالمطلب
ترجع تردد الاغنية و تقول لا
ابوه عبد الله ....
عبدالمطلب جدة و ابو طالب عمه

و خلاص تهتدي للمعلومة بسهولة جدا
:)
ياريت يا جماعة نحفظ الانشودة دي لاخواتنا و اولادنا الصغار صدقوني في وقت هتنفعهم

اليكم بعض المعلومات المحمدية

ابو طالب

عم الرسول يعني اخو عبدالله ابو الرسول عليه الصلاة و السلام
تولى رغايته بعد وفاة عبدالله ابو الرسول
سمي ابو طالب لان ابنه اسمه طالب يعني عنده ابن اسمه
طالب بن ابي طالب اللي هو اخو علي بن ابي طالب و حعفر بن ابي طالب

يعني ابو طالب دي كنيته مش اسمه الحقيقى
اسمه الحقيقي و اللي الغالبية من الناس مش تعرفه هو : عبد مناف
على اسم جده ابو ابوه ... كان اسمه بردو عبد مناف

يعني اسم ابو طالب بيكون

عبد مناف بن عبدالمطلب بن هاشم ابن عبد مناف
و الجد الكبير الكبير اسمه قصي بن كلاب

يعني اصبح اسمع
عبد مناف بن عبد المطلب بن هاشم بن عبد مناف بن قصي بن كلاب

و من هنا ممكن نستنتج اسم الرسول صلى الله عليه و سلم بالكامل
فيكون ؟؟؟؟
محمد بن عبدالله بن عبدالمطلب بن هاشم بن عبد مناف بن قصي بن كلاب .

خير المرسلين صلي الله عليه وسلم

وطبعا ده الاستنتاج والمعروف بين الناس :)
لكن انا لقيت اسم ليه كامل وكنت اول مره اعرفه وهو

محمد ابن عبد الله ابن عبد المطلب بن هاشم بن مناف بن قصي بن كلاب بن مرة بن كعب بن لؤي بن غالب بن فهر بن مالك بن النضر بن كنانه بن خزيمة بن مدركة بن إلياس بن مضر بن نزر بن معد بن عدنان بن اد بن ادد بن اليسع بن الهميسع بن سلامان بن نبت بن حمل بن قيذار بن اسماعيل بن ابراهيم بن تارح بن ناحور بن ساروغ بن ارغو بن فانغ بن عابر بن شالخ بن ارفخشذ بن سام ابن نوح بن لمك بن متوشلخ بن اخنوخ بن يارد بن مهلاييل بن قينان بن انوش بن شيت بن ادم صفي الدين :)
عليهم افضل الصلاة والسلام
منقول للافاده اللي شايف اني كتبت حاجه غلط ويعرفها يقولي :)
اشكركم وكل عام وانتم بخير

بمناسبة رمضان :)

2009-08-29T12:21:00.003+02:00

معني كلمة رمضان

سمي رمضان لأنه يرمض الذنوب أي يحرقها مأخوذ من الرمضاء وهي شدة الحر.

اصل كلمةرمضان هو ((الرمضاء)) وهى من اصل عربى وتعنى الحرارة المحرقه او شدة الجفاف وقد يبدو غريبا فى بادئ الامر ارتباط اسم رمضان بالحرارة ولكن لهذا الارتباط دلالة معينه فهو يعكس شعور الانسان بالجفاف فى حلقه والحرقه فى معدته من جراء شدة العطش أثناء الصيام ومثلما تقوم الحرارة بتشكيل المعادن يقوم شهر رمضان بتطهير النفوس واعادة تهذيبها .

قصة مدفع رمضان

الصدفة وحدها كانت هي سبب ظهور مدفع الإفطار الذي أصبح على مر السنين من أهم معالم رمضان في العالم الاسلامي وكان اول ظهور له في مصر حيث يذكر التاريخ أن بعض الجنود في عهد الخديوي إسماعيل كانوا يقومون بتنظيف أحد المدافع الحربية فانطلقت منه قذيفة دوت في سماء القاهرة، وبالمصادفة كان ذلك وقت أذان المغرب في يوم من أيام رمضان، فاعتقد المصريون أن أمراً من الحكومة صدر بذلك وأنه تقليد جديد للإعلان عن موعد الإفطار إلى جانب الأذان، وصار المدفع حديث الناس وأعجبت بذلك الحاجة فاطمة ابنة الخديوي إسماعيل وأصدرت فرماناً بانطلاق المدفع وقت الإفطار والسحور، وأضيف بعد ذلك في الأعياد.,وبعدها إنتشر في العالم الاسلامي ما سمي لاحقا بمدفع رمضان...ومع التطور العمراني وتطور وسائل الإتصال اخذ هذا المدفع بالإندثار والإنزواء في ركن من اركان المتاحف ولم يعد يسمع

ارتباط الفوانيس برمضان

من بعض ما قيل بخصوص فوانيس رمضان إنّها عُرفت مع بداية العصر الفاطمي في مصر، ففي يوم 15 من رمضان سنة 362 هجريّة =972 م وصل المُعزّ لدين الله إلى مشارف القاهرة ليتخذها عاصمة لدولته، وخرج سكانها لاستقباله عند صحراء الجيزة ومعهم الفوانيس الملونة، حتى وصل إلى قصر الخلافة، ومن يومها صارت الفوانيس من مظاهر الاحتفال برمضان.

وهناك قصة أخرى تقول: في عهد الحاكم بأمر الله الفاطمي كان مُحرَّمًا على نساء القاهرة الخروج ليلاً فإذا جاء رمضان سُمِحَ لهن بالخروج، بشرط أن يتقدّم السيدة أو الفتاة صبي صغير يحمل في يده فانوسًا مضاءً، ليعلم المارة في الطرقات أنّ إحدى النساء تَمُرُّ، فيُفسحوا لها الطريق، وبعد ذلك اعتاد الأولاد حمل هذه الفوانيس في رمضان "

المصدر: الأهرام 29/ 4/1987، 7 /4 /1992 م ".

وقيل: " ظهور فانوس رمضان ارتبط بالمسحراتي، ولم يكن يُقاد في المنازل، بل كان يعلَّق في منارة الجامع إعلانًا لحلول وقت السحور. ويقول ابن بطوطة في وصف الاحتفال برمضان في الحرم المكي: كانوا يعلِّقون قِنديلين للسحور، ليراهما مَن لم يسمع الأذان ليتسحرَ

المسحراتي
مهنة المسحراتى..ارتبطت بهذا الشهر الكريم ومنذ عهد الرسول عليه الصلاة و السلام

وكان بلال بن رباح رضى الله عنه ..أول مسحراتى فى التاريخ الاسلامى
اذ كان طوال الليل يجوب الشوارع والطرقات لايقاظ الناس للسحور بصوته العذب وكان المصطفى صلى الله عليه و سلم
يقول ان بلالآ ينادى فكلوا واشربوا حتى ينادى ابن أم مكتوم

وكان ابن أم مكتوم هو الذى يتولى أذان الفجر _ و على فكرة .. معلومة على الهامش كدة ... ابن أم مكتوم هو الأعمى الذي نزل فيه الايات .. بسم الله الرحمن الرحيم " عبس و تولى . أن جاءه الأعمى . و ما يدريك لعله يذكى . أو يذكر فتنفعه الذكرى .... صدق الله العظيم

..ومنذ ذلك التاريخ
أصبح المسحراتى مهنة رمضانية ..وقد أشتهر من ارباب هذه المهنة: الزمزنى،فى مكة حيث كان يصعد الى المئذنه ليعلن بدء السحورحاملآ قنديلين كبيرين كى يشاهده من لا يسمع النداء

أما فى مصر ،فكان أول من قام بمهمة ايقاظ الناس للسحور
هو الوالى عنتبة بن اسحاق ..سنة 832هـ وكان يسير على قدميه
من مدينة العسكر فى فسطاط مصر القديمة ..حتى مسجد عمروبن العاص ..تطوعا..وكان ينادى عباد الله تسحروا فان فى السحور بركة

ومنذ تلك الفترة أصبحت مهنة المسحراتى فى مصر تلقى احتراما وتقديرا بعد ان قام بها الوالى بنفسه

وفى العصر العباسى كان المسحراتى ينشد شعرآ شعبيآ يسمى القوما وربما كان ذلك عائدآ الى ازدهار فن الشعر فى هذا العصر

وفى العصر المملوكى كادت مهنة المسحراتى ان تختفى تماما
لولا ان الظاهر بيبرس أعادها

ومع معرفة الكهرباء واستخدمها تقلص دور المسحراتى
اذ بدأ الناس يسهرون ليالى رمضان فى المقاهى او امام التلفاز

واختفى من حياتنا المسحراتى

بس احنا بأه بيجي عندنا 1مسحراتي وواحده مسحراتيه بيصحونا
والاطفال الصغيرين بيستنوهم في الشباك يقولو اندهو علي اسمنا عشان نصحا
فيمشي ومعاه طبله كبيره يقول يافلان اصحا اتسحر يلا ويافلانه قومي اتسحري رمضان كريم وهكذا :)

طريقه سهله لختم القرأن الكريم

2009-08-22T09:55:00.003+02:00

اضغط علي الصوره للتكبير
ياريت اللي افدته يدعيلي بأه :)

كل سنه وانتم طيبين:)

هجوم رمضاني

2009-08-17T20:10:00.003+03:00

هجووووووووووم فظيع واكتر من 30 مسلسل بيتسابقو

ميييييييييين اللي هيخسر المسلمين صيامهم اكتر

اقصد مين اللي هيحقق نجاح اكبر

ويجي برنامج عثول اوي بتقدمه مذيعه سكره

بتستقبل تليفونات المشاهدين وبتسأل

ياترا ناويت تتفرج علي اني مسلسلات السنه دي في رمضان

ولقيت كمية تليفونات بتنزل عليها ولا كانها بتتكلم عن علم الذره

والناس بتنوي فعلا تتفرج علي مسلسلات

يعني في ناس بتنوي تجتهد في الدعاء في الذكر في القيام في القرءان هنختمه كام مره هنكون احسن من السنه اللي فاتت ولا لا

وناس بتتصل بتقول عاجبني مسلسل كذا وكذا وكذا بس يارب اعرف اوفوق بين موعيدهم !!

ايه ده اعتبره تسليه صيام ؟؟

انا مش هقول انا عمري ماعملت كده لا انا قبل السنه اللي فاتت كنت بتفرج مع ماما وبابا واخواتي عادي من غير تفكير لكن عمري ماتنويت من قبلها والله

لكن جيت السنه اللي فاتت فكرت وقررت ابعد عن التلفزيون في الشهر ده وحاولت ونجحت بتنسبة 80% تقريبا
التجربه بجد كانت هايله لاني حاسيت اني الشهر ده روحاني اوي خرجت منه نفسيا مرتاحه اوي لاني كمان عملت حاجات جديده :)

السنه دي انا ناويه اني اكون احسن من السنه اللي فاتت

وربنا يقدرني ياااااااااااااااااااااااااااااااااارب بتمني بجد :)

ويقدر كل المسلمين علي الذكر وحسن العباده

كـــــــــــــل ســــــنـــــــــه وأنـــــتـــــــم طــــيـــــبــــــيـــــن

رمــــــــــــــــــــضـــــــــــــــــــــــان كــــــــــــــــــــــــــــــريــــــــــــم

لقاء المدونين بحديقة الازهر

2009-08-08T22:02:00.013+03:00

عن اللقاء
ماشاء الله وكالعاده كان حلو اوووووووووووي

رغم اني مش كنت اعرف ناس كتير لكن حاسيت كأني كنت مع اصحابي اخواتي :)

مبسوطه اوي بكل شخصيه اتعرفت عليها وعلي تفكيرها في اللقاء

وحقيقي انتو عقول حلوه اووووووووووووووي

وبشكر بلوجر جدا انه كان السبب في معرفتي بيكم :)

=================

عن الحديقة

مش انا اللي هتكلم هسيب الصور هي تتكلم عن المناظر الرائعه هناك

كبر حبنا سنه

2009-08-03T00:00:00.005+03:00

كل يوم عدي علينا وانت حبيبي
وكل يوم جاي علينا هتكون حبيبي
كل سنه وانت حبيبي:$

مشروع عريس عقبال عندكم:))))

2009-07-25T01:26:00.007+03:00

العنوان طبعا ملوش حل بس انا هفهمكم ايه الحكايه
الولد اسلام اخويا جه قالي
ابله اينو الحقي في واحده من الجيران اللي بعاد شويه بتسألني عليكي
انا قولتله ايه بتسألك عليه ازاي يعني ؟
قالي : قالتلي انت اختك لسه بتدرس ولا خلصت درستها ؟؟
قولتلها لا دي خلصت خلاويص
قالتلي : هي عندها كام سنه
قولتلها هي اكبر مني
قالتلي : طيب اختك اسمها ايه
قولتلها : لا انا مش بقول اسم اختي لحد غريب
وكمان وقولتلها هو انت تعرفيها منين ؟؟
قالتلي : مش اختك اللي بتلبس اسدلاات كده وبتعدي من هنا علي طول ؟
قولتلها ايوه هي انتي عاوزه منها ايه ؟
قالتلي : ولا حاجه اختك شكلها بنت محترمه جدا وانا بحب البنانيت المحترمين
وبس اخويا حكالي الموضوع كده انا خمنت اني الاخت دي عاوزه تخطبني لحد من اخوتها فطست علي روحي من الضحك

ولما كلمت فوكس قولتله هقولك علي حاجه بس اوعي تزعل
قالي خيرررررررررررررر هاتي ماعندك
قولتله هو احتمال الايام الجايه يتقدملي عريس
هههههههههههههههه
هو الصراحه اتصدم اللي هو لما انتي هيتقدملك عريس انا ابقي مين ؟؟؟
حكيتله الحكايه زي ماحكيتها كده لقيته بيقولي قائمة تحذيرات
اوعي تعدي من هناك لوحدك
اوعي توقفك وتقفي تتكلمي معاها
اوعي تديلها فرصه تكلمك
ههههههههههههههه
خد الموضوع جد بأه ولقيته بيقولي لما يجو باه يطلوبوكي من عمي انا عاوز اكون موجود عشان يطلوبوكي من جوزك ياعروسه
هههههههههههههههههههههههههه
انا بصراحه كنت مش عارفه امسك نفسي من الضحك علي كلام فوكس
تاني يوم وانا خارجه الصبح اشتري حاجات تعمدت اني انزل من غير جوانتي عشان الانسه اللي مرقباني ترصد الدبله وتعرف اني مشغوله نزلت انا وماما واحنا راجعين ماما كانت ماشيه ورايا بتقولي البنت عماله تبص عليكي عينيها مش سيباكي

رجعت بحكي لفوكس قالي لالالالالالالالالا
كده مش هينفع انا بتكلم بجد انا مش هستنا لما القي حد جاي يخطبك بجد
ههههههههههههههههههههههه
قولتله هعمل ايه يعني واحده بتبصلي هقولها بتبصي ليه عليه؟
قالي لا انا هتصرف !!

وهو جاي عندنا حود علي البنت هما عندهم محل بقاله دخل اشتري منها منديل وقالها
انت من يومين سألتي ولد صغير علي اخته اللي لابسه اسدال
البنت اتصدمت انت مين وعرفت منين ؟؟؟
قالتله ايوه انا كنت عاوزه اتعرف عليها بس
قالها معلش انا بطمن اصلي شكل متبعتك ليها وسؤالك عليها بيقول انك جيبالها عريس
البنت قالتله عريس ايه لالا طبعا وهي مصدومه ياعيني
قالها احب اعرفك بنفسي بس انا الباشمهندس فوكس جوزها
ههههههههههههههههههههههههههههههههههههههههههههههههههههههه

ياعيني انا متخيله شكلها بجد فوكس بيقولي كانت مصدومه من اللي بيبحصل
هههههههههههههههههههههههههه
وجايلي بيقولي وهو بيضحك بس انا كده عرفتها انك مش فاضيه احنا لسه هنقعد نلف وندور عشان نوريها الدبله وعشان تعرف انك مكتوب كتابك
وبس بأه ادي جزات اللي يتخطب ويلبس جوانتي فوق الدبله
هههههههههههههههههههههههههههههه

عدنا بناء علي طلب الجماهير

2009-07-24T11:56:00.005+03:00

السلام عليكم

ازيكم يااجمل اصحاب في الدنيا :)

انا الحمد لله بخير واحسن من الاول بكتير

اينعم الحياه مش تنفع من غير منغصات بس الحمد لله احسن :)

بجد وحشتوني جدا جداااااااااا

بشكر بجد كل اللي سالو عني واهتمو
نور ( سفروته ) اوي اوي
و blue wave
وsometimes
وA samir
وكيارا
ومحمد غاليه
وحاسوباتيه
وشريكه في المطعم اللي نورتني بأول زياره في المود الوحش ده اتمني المتابعه دايما :)
ورحيق الحياه
وحسام وعالمه الافتراضي
ومني احاسيس
وايمي اجمل قلب :)
وبشكر كل اللي دخل حتي لو بص من غير مايسيب كومنت جدا جدا انه اهتم

مرسي بجد :)
ولنا عوده قريبا ان شاء الله

اعتذار

2009-07-15T12:57:00.005+03:00

بشكر كل اللي سأل عني الفتره اللي فاتت بجد
وبعتذر عن تأخير موضوعي اللي وعدتكم بيه لظروف خارجه عن ارادتي

وبعتذر كمان اعتذار لعدم متابعتي لمدونات اصدقائي
معلش اعذروني انا بعيده فتره كده والسبب حالتي النفسيه مش مظبوطه
عندي رغبه في البعد عن كل حاجه وهو تقريبا اللي حاصل دلوقتي اني
بقضي معظم وقتي وحيده جدا بدون رغبه لفعل اي شئ

اوعدكم اول لما ربنا يفرجها عليه ارجعلكم بالموضوع اللي وعدتكم بيه
تحياتي لكل شخصيه عزيزه عليه في العالم الجميل ده
ادعولي

مااجمل الرومانسيه

2009-07-05T22:23:00.003+03:00

زوج مصري يعتذر لزوجته بطريقة رومانسية جديدة

- قام زوج مصري ايهاب معوض بمنطقة حلمية الزيتون بالاعتذار لزوجته ريهام بطريقة جديد ورومانسية بعد ان أساء إليها أمام افراد اسرتها وبعد زواج دام 10 سنوات
فقام بإعداد لافته إعلانية كبيرة طولها 12 مترا وعرضها 7 امتار ووضعها بعرض الشارع المقابل للمنزل أحاطها بالبالونات الملونه ، وكتب عليها
"Riri, i'm sorry , would you forgive me".
كما استعان بفرقة موسيقية لتعزف أشجى الاغاني الرومانسية التي تحبها الزوجه
بمجرد إطلالها من شرفة المنزل.
وفوجئ الزوج والزوجه بتجمع عدد من الصحافيين وكاميرات الفضائيات
ونقل عن الزوج قوله: "زي
ما أنا زعلتها أمام عائلتها، قلت لازم أعتذر لها بس أمام الملايين".
وكانت مشادة كلامية بين إيهاب وزوجته ريهام تصاعدت إلى خصام
ثم طلب للانفصال، وكان تفسيره لتمسكها بطلبها هو أنه جرح
مشاعرها أمام أفراد أسرتها وأمام ابنيهما، ففكر في الطريقة التي
يصالحها بها ثم هداه تفكيره إلى عمل لافتة الاعتذار أمام البيت حتى
يفاجئها حين تدخل الشرفة. وبعد "حفل الاعتذار العلني" استقبلت
ريهام زوجها بعبارة واحدة: "أنا مش محتاجة كل ده، بس أوعدني
ما تعملش كده تاني"
ادام الله عليهم نعمة السعاده وحفظهما من كل شر
لمشاهدة فيديو الاعتذار هنا
عندي كلام كتير علي الموضوع ده هرتبه وارجعلكم بيه في البوست الجاي
استنوني :)

وكمان تاااج

2009-06-18T14:29:00.001+03:00

التاج المره دي من صديقتي العزيزه ايمي صاحبة مدونة غلطه مطبعيه
وطبعا بشكرها جداعلي التاج والكلام الجميل اللي قالته عني قبل اي كلام :)

اسمك ؟؟
طيب عاوزين اللي بجد بجد ولا اللي كده وكده ؟؟
هو اللي كده وكده أينو

سنك ؟؟
واحد اتنين تلاته
عشره خمسة عشر
اه كده يبقو 23 سنه

اسم مدونتك ؟؟
رقة الاحساس

مجال درستك ؟
سكرتاريه وادارة اعمال

صورتك الرمزيه في المدونه بتعبر عن ايه ؟؟
صورة شمعه يعني امل في شعاع النور وسط الظلام
وكمان انا بحب الشموع جدا واشكلها
وبحس براحه ودفا في المكان لما بقعد علي اضائتهم

هل فكرت في اغلاق مدونتك ؟ والسبب؟
الحقيقه اه مره
والسبب احب احتفظ بيه لنفسي
بس رجعت ومش هانت عليه ذكريات حلوه شوفتها فيها :)

ايه رد فعلك لو حد قل ادبه عليك في المدونه ؟
الحمد لله عمرها ماحصلت بس لو حصل لاقدر الله
انا مش بعرف ارد واخد حقي فاهروح افتن عليه عند فوكس
وهو هيجبلي حقي منه تالت ومتلت

اسوأ مدونه دخلتها؟
مره اول لما بدأت تدوين دخلت مدونه وطلعت وحشه اوووووي
بس الحمد لله ولا فاكره اسمها ولا شكلها لاني خرجت منها بسرعه

هيحصل ايه لاايميلك بعد لما تموت ؟
هو في احتملين لو انا كبيره وعندي بنوته هسبلها الميل في وصيه مسوجره ليها تدخل تشقر عليه وترش ميه وتلمع الارضيه وتسلم علي صحابات مامتها ويفتكروني بالرحمه ولو مش عندي اكيد الله يرحمه معايا بأه

عطيت الباسورد لحد قبل كده؟
اه مره اديته لفوكس كان بيظبطلي حاجات ومش عندي مشكله
اني اديهوله تاني لاني ده انسان انا من يوم ماعرفته استأمنته عليه مش هستأمنه علي حتت ايميل ؟

السفر بالنسبه لك؟
متعه وتغير جو واهم حاجه بأه بلاقي نفسي اللي بتكون ضايعه مني بقالها كتير

المود بتاعك ايه ؟
متقلبه يعني حبه تلاقيني مهيسه وحبه اكون جد جدا بس بكره النكد

بتعمل ايه في وقت فراغك ؟
بحب اوووووووووي وحط تحت اوي خطوط كتيره احمره الشغل اليدوي
وبعمل حاجات فعلا لجهازي واشيلها
بحب القرايه اووووي
برضه مؤخرا بدأت احب الانترنت وبأه بيشغل جزء من وقتي
واحيانا الكتابه علي قدي كده

الاكلات المفضله ؟؟
بحب الاستيك والمشويات عمتا

الصفات اللي اخدتها عن ولدك ؟
الصبر وطول البال
ولما اكون متضايقه اكتم جوه نفسي
وده غلط جدا وانا عارفه كده بس بحاول اتغير

الصفات اللي اخدتها من ولدتك ؟
ههههههههههه
انا وهي بنحب اي حاجه مرسوم عليها ورد
في اللبس في الصور في التلفزيون اي ورد بيلفت نظرنا
وطبعا هي الاساس وانا اخدت ده منها

اكتر ست حاجات بتحبهم ؟
فوكس
والبحر
والهدوء
والحب
والرحمه
وبحب اخترع في الاكل
ههههههههههههههههههه

اكتر ست حاجات بتكرهم ؟
العنف
الخيانه
الكدب
الاستغلال
عدم الرحمه
وعدم الاخلاق
والمنافقين
كده 7 يلا مش مشكله

شخصيتك نوعها ايه ؟؟
هاديه جدا جدا وانطوائيه جدا ومش سهل اخد علي حد بسرعه
ومش عارفه في حاجه تاني ولا لا

لماذا دخلت عالم التدوين من الاساس ؟
دخلت عالم التدوين عجبتني فكرته رغم اني قعدت فتره مش عارفه
اكتب ايه ولا اعمل ايه بس بعد كده لقيته عالم لذيذ بيحتوي اي حد بيلجأ ليه :)

احلي جمله قيلت في وصف مدونتك ؟
اتقلي كتير اني المدونه بتاعتي اسم علي مسمي
وبجد كنت بفرح اوي بكل حد قالي كده لاني اعتبرته نجاح في
اختيار اسم حاجه بتعبر عني في العالم الجميل ده :)

اهميه التعليقات بالنسبه لك ؟
رأي الناس في كلامي وخصوصا الناس اللي بثق في أرأهم وكلامهم ليه
ده جزء لا يتجزء ولا يقل اهميه من البوست اللي بنزله
وبيتعلق عليه وبفرح جدا بكل تعليق سوء نقد بناء او كومنت علي البوست ومناقشه فيه

احلي بوست كتبته وضع اللينك مع ذكر السبب ؟
اجابتي هتكون في جزئين الاول هقول في البوست اللي بحبه وبحب اقراه عندي
هو هنا
الجزء الثاني هو اتمني من كل حد دخل مدونتي يقولي بالنسبه ليه
افضل بوست كان ايه وده كلام بجد اوعو حد يزوغ من الاجابه :)

افضل مدونه قرائتها ؟
انا بدخل مدونات كتيره اوي من غير مااسيب كومنت فيها
بس اي مدونه انا دخلتها وسبت فيها تعليق
ده معناه اني بحبها اوي وبحب كلام واسلوب تفكير الشخصيه
اللي بتكتب اي كان المجال

الشغل بالنسبه لك ؟
وجع دماغ
ووجع قلب
وقلة راحه
وقلة نوم
وفي الاخر بيتصرف المرتب علي الدكتره من اللي
بيجي للواحد بسبب الاذكياء اللي بنتعامل معاها

اهمية الانترنت بالنسبه ليك ؟
زي ماقولت قبل كده اهمية بالنسبه ليه ظهرت مؤخرا
لانه بياخد جزء كبير من وقت فراغي يشغله في حاجات ممتعه
يعني اكلم حد اتابع مدونات العب في الفيس بوك وكده :))

تمرر التاج ده لمين ؟؟
طبعا ومن غير شك اللي بدبسه كل مره ( فــــوكــــس )ه
وكمان مني احاسيس
ومني ساعات ساعات
وباربي اوقات فراغ لوتسمحلي
حاسوباتيه
محمد غاليه
واي حد يحب يتفضله طبعا من غير شك يتفضل المدونه مدونته :)

تاااج القراءه

2009-06-11T11:26:00.005+03:00

جالي تاج من صديقتي العزيزه مني (احاسيس )والتاج بصراحه مميز بالنسبه ليه لاني عن حاجه انا بحبها جدا جدااااااا

بسم الله نبدأ التاج :)

ماذا يمثل لك الكتاب ؟
خير جليس شئ بيعطيك وبيزودك من غير ماتطلب منه

هل القراءه تغير من حالتك النفسيه ؟ وما أثر القراءه عليك بوجه عام ؟؟
اكيد بتغير من حالتي النفسيه كتير يكفي اني لو حاسيت بالوحده في وقت وفتحت كتاب اي كتاب بياخدني من مودي ده ويعيشني معاه اوي
واثر القراءه عليه بوجه عام اشعر انها تغذي روحي

اول كتاب قريته ؟ واخر كتاب ؟
اول كتاب قريته فكراه جدا هي مجموعة قصص اطفال اسمها كتاكيتو
وكانت مجموعه حلوه اوي من كتر ماكنت بحبها كنت بقراها كل يوم
اخر حاجه روايه اسمها غريبان في القطار

اذكر ثلاث كتب أو قصص أثروا في حياتك وتحتفظ بهم ؟
السيره النبويه العطره
كتاب لاتحزن
والي حبيبين

في أي المجالات تحب أن تقرأ ولماذا ؟
في اي مجال احس انه هيفدني ويضفلي جديد او بمعني اصح هنمي جزء جديد من عقلي

هل عندك مكتبة وكم عدد الكتب بها في تقديرك ؟
عندي مكتبه خاصه بيه صغنونه كده علي قدي
مش فيها كتب كتير بس كل كتاب فيها بعتز بيه جدا جدا

اذكر اسم كاتب تتمنى أن تحتوي مكتبتك كتاب له ؟
كريم الشاذلي اسطورة الحب

ماهو الكتاب الذي يرافقك في السفر ( غير المصحف )؟
مش فيه كتاب معين علي حسب وقتها انا بكون نفسي اقري ايه

ماهي الجريدة أو المجلة التي تتابعها وما هي أهم الأعمدة فيها؟
للاسف مش بتابع اي جرائد ولا مجلات وكده احسن لاني مش بقي فيهم حاجه تفرح
لكن في مجلات علي النت بحب اتبعها

ماهو أفضل كتاب أهدي لك ؟ وأي الكتب تهديه ولمن ؟
الهديه المهداه لي مجموعة شعريه لفاروق جويده
اللي نفسي اهديها نفسي اهدي لشخص عزيز عليه اي كتاب يكون قريب لقلبه

إذا كنت بمعرض للكتب كيف تتعرف على الكتاب الجيد ؟
عنوان الكتاب او لو كان في سيمبل عنه او اسم الكاتب طبعا

ما هو المكان المفضل لك للقراءة ؟ وهل لك طقوس خاصة وقت القراءة؟
غالبا بيكون في قوضتي

الرواية – القصة القصيرة – الدين – السياسة – العلوم –
الشعرمن الأحب لك في كتاب تلك الفروع ؟
بحب القصه القصيرة والشعر

كمان انصحنا بخمس كتب ترى فيها إفادة عظيمة؟
بصراحه لا املك النصيحه لسبب اني القراءه
اذواق يعني ممكن حاجه تعجبني اوي بس مش تعجب حد تاني

رجاء ارسل التاج على الأقل لنرسخ مبدأ تبادل السلطة
هبعته لفوكس ( الكيت كات ) لانه برضه بيحب القراءه جدا
وشمس النهار
وحبة صمت تجاوبه لما تخلص الامتحانات ان شاء الله

واي حد عاوز ياخده يتفضل طبعا :)

قبلة علي جبينك يا ابي

2009-05-19T17:45:00.003+03:00

عندما انظر الى الاباء من حولي,,
وانظر الى الابناء في كوني
ارى هذا يشتم اباه وهذا يسب اباه
وهذا يلقب اباه بأبشع الالقاب
لا املك الا أن أطبع
قبلة علي جبينك يا ابي

عندما أرى فرق المستويات الماديه
وأرى كيف وفرت لنا سبل العيش الكريمة
يكفي أنك أمنت لنا حياة سعيدة
كيف بوسائل الرفاهيه
ومطالبنا وقبلها تعليمنا
لاأملك سوى أن أطبع
قبلة علي جبينك يا ابي

عندما أرى حالات العنف الاسري
وهروب الفتيات
وكثرة المطلقات
أقبل جبينك يا أبي
**
فكم عانيت وشقيت
ورغم ذلك تبتسم مجرد دخولك البيت
ما أرق قلبك يا أبي..

لا أنكر غيابك الطويل

ولكن مكانك في قلبي
لا يتغير مهما طال الرحيل

أبائنا

قليلآ ما يتكلمون بحقوقكم
كأبآء
ولكن مهما تناسوا دوركم
او قللو من اهميتكم
أعلموا اننا ابنائكم لاننسى ذلك أبدآ
أحياءً كنتم أم أموات

عندما نرى كل شيء حولنا نذكركم
يكفي أن اسمائنا مرتبطه بأسمائكم لنذكركم كل يوم
ولكي نحبكم أكثر ونزداد فيكم فخرآ
فأنتم من له الفضل بعد الله بوجودنا
ومهما قسوتم علينا او انشغلتم عنا
ستظل قلوبنا تلهج بالدعاء لكم

ليس هناك فرح اعظم من فرح الابن بمجد ابيه ولا اعظم من فرح الاب بنجاح ابنه

اه يا ابي لو تدري كم اشتاق الى حضنك الدافء والرحب
وإلى إبتسامتك التى تملىء حياتي

منقول للامانة

اختيار الشريك المناسب مابين القلب والعقل !

2009-05-16T14:02:00.005+03:00

ان اختيار الشريك المناسب هو الخطوة الاولي نحو تكوين أسرة ناحجه ، هنا الاسترشاد بالقلب والعقل معا وأنت تبحث عن الانسان الذي سيشاركك حياتك ،

يعتمد أناس على عقولهم فقط وهم يبحثون عن شريك حياتهم، فيضعون قوائم بالصفات (الجسدية والعقلية والنفسية) التي يريدون توافرها في الشريك المنتظر، وتبدأ رحلة البحث عن شخص تتوافر فيه كل هذه الصفات أو معظم هذه الصفات، ويحدث أحياناً أن يلتقي هؤلاء بأشخاص تتوافر فيهم معظم الصفات التي يريدونها، ومع ذلك لايشعرون بميل نحوهم، وبالمقابل قد يلتقون بأشخاص يتوافر فيهم القليل من هذه الصفات ومع ذلك يشعرون نحوهم بميل كبير، وهنا يحدث الخطأ اذ يتجاهلون هذا الميل ويؤثرون الالتزام بقوائمهم ظناً منهم أن قراراً خطيراً كهذا يجب أن يكون عقلانياً والا تتدخل المشاعر فيه. وأود هنا أن أشرح من خلال الابحاث الحديثة التي كشفت الكثير عن طريقة عمل الدماغ. لماذا نميل الى أشخاص معينين أو ننفر من أشخاص آخرين دون أن نعرف أحياناً سبب ذلك. إن هذا الميل أو النفور ليس مجرد مشاعر يجب عدم الالتفات اليها بل هو في كثير من الاحيان تعبير عن حاجات دفينة في العقل الباطن لا يستطيع العقل الواعي ادراكها. توجد منطقة في دماغ الانسان تدعى الجهاز اللمبي (limbic system) هذه المنطقة هي مركز العقل الباطن تقريباً، وهي تخزن كل الاحداث التي تمر بنا وكل المشاعر المرافقة لها، فعندما نلتقي بأشخاص ننسجم معهم، وتمتلئ نفوسنا بالمشاعر الايجابية في أثناء التعامل معهم يخزن الجهاز اللمبي حركات هؤلاء الاشخاص وتعابير وجوههم وطريقتهم في الكلام، كما يخزن المشاعر المرافقة لهذه المظاهر، وهي مشاعر السرور والارتياح، وبالمقابل عندما نلتقي بأشخاص لا ننسجم معهم وتمتلئ نفوسنا بالمشاعر السلبية في أثناء التعامل معهم يخزن الجهاز اللمبي حركات هؤلاء الاشخاص وتعابير وجوههم وطريقتهم في الكلام كما يخزن المشاعر السلبية المرافقة لهذه المظاهر، وهي مشاعر الاستياء وعدم الارتياح، الآن حينما نلتقي بشخص تشبه حركاته وتعابير وجهه وطريقته في الكلام الى الجهاز اللمبي، حيث ستجري هناك مقارنة بينها وبين صورة سابقة مشابهة، فإذا وجدت صور مشابهة تولد عند الانسان شعور مشابه للشعور الذي ولدته الصور الاولى، هو شعور السرور والارتياح، ويحدث العكس تماماً حينما نلتقي بشخص يشبه الاشخاص الذين لا نرتاح لهم، ولعل هذا هو تفسير ما يسمى بالحدس أي بالميل أو النفور الذي ينتابنا حيال شخص ما دون أن نعرف سبب ذلك. إن هذا الاحساس لا يأتي من فراغ وانما يبنى على معلومات مخزونة في العقل الباطن، ولذلك يجب أخذه بعين الاعتبار وعدم تجاهله.
لا أقصد هنا الا يضع الانسان في ذهنه أي صفات معينة يطلبها في الشريك الآخر، وأن يعتمد على مشاعره فقط، وأنما أقصد أنه اذا حصل تعارض بين قائمة الصفات التي نريدها في الطرف الآخر ومشاعرنا تجاهه علينا الا نتجاهل هذا التعارض بدعوى العقلانية، بل يجب أن نأخذه على محمل الجد وأن نعتبره فرصة لأكتشاف أنفسنا، وأن نسأل أنفسنا السؤال التالي: لماذا حصل هذا التعارض؟ ومن خلال الاجابة على هذا السؤال ومن خلال قراءة مشاعرنا ومعرفة الدوافع الكامنة وراءها سنعرف تماماً ما الصفات التي نريدها في شريك حياتنا، وسنعدل من قائمة الصفات التي وضعها العقل الواعي لتتناسب مع قائمة الصفات المخزونة في العقل الباطن، وهكذا نقترن بالشريك الذي نقتنع به ونرتاح له في نفس الوقت.
إن الصدق هو أساس النجاح في هذه الحياة، وهو أساس النجاح في علاقة الانسان مع نفسه ومع الآخرين. إن عملية أكتشاف الآخر هي عملية اكتشاف للذات في نفس الوقت، فعندما نكتشف الصفات التي تجذبنا نحو الآخرين نكون قد أكتشفنا المزيد عن أنفسنا ورغباتنا ومخاوفنا وحاجاتنا الحقيقية، وبمقدار ما تتصف هذه العملية بالصدق والشفافية يحقق الانسان النجاح في علاقته مع نفسه ومع الآخرين.
الخلاصة: يجب الا نختار شريك حياتنا بأستخدام الذكاء فقط أو العاطفة فقط، وانما بأستخدام الذكاء والعاطفة معاً، أي بأستخدام الذكاء العاطفي فبجناحي الذكاء والعاطفة أو بجناحي العقل والقلب يحلق الانسان في سماء السعادة والطمأنينة.
المصدر: كتاب الذكاء العاطفي في الاسرة.

يمكن تلخيص خطوات الاختيار السليم
في 3 خطوات ...

1- الرؤيه والتفكير
وهي رؤية الطرفين لبعضهم واخذ مهله كافيه للتفكير
2- الاستشاره
وهي اخذ رئي من حولك والسؤال عن كل طرف من الطرفين
3 - الاستخاره
صلاة الاستخاره قبل الرد وهي ركعتين ودعاء
والله الموفق :)

الحب اساس الزواج

2009-05-10T15:10:00.002+03:00

منقول عن /د. مصطفى غالب
يعتبر الحب أساس العلاقات الزوجية الناجحة التي تدوم بين الرجل والمرأة إلى الأبد. والحب بالنسبة للروابط الزوجية ضروري ومفيد لما يوفره من استقرار وراحة وانسجام بين المتزوجين، أن ميل شخص إلى آخر بحيث يلمس فيه كل الأوصاف المستحسنة وكل لفتة منه أو حركة يراها حسنة ولايمكن تفسير هذا الميل أو الاعجاب لأنه أحيانا ينبثق فجأة بحيث أننا نرى شخصا لم نشاهده من قبل وأول ما نرنو اليه بنظرة واحدة نهواه ويدخل شغاف قلوبنا، فنستخدم ما لدينا من الوسائل لنتقرب اليه ونظهر له عطفنا وحبنا، ومن الحب ما يتولد أيضا بالمعاشرة والاستمرار بالمؤانسة مع الشخص الذي كنا في أول الأمر نترفع من أن ننظر اليه، ومنه ما يتولد من صنع الجميل، وقد لا نعلم لأي سبب نحب الشخص الفلاني لأننا إذا نظرنا إليه من حيثية الجمال نرى من يفوقه جمالا وحسنا، والذي تقر له مقلتانا ويحسن فيهما، فنخجل أن تراه عينا سوانا.
ونحن بالطبع نعجز عن تفسير هذه المشاعر والأحاسيس الا بالهام علوي رباني، فإن في هذا الأمر عجبا، ولا يمكننا أن نقدم تفسيرا له، نعم أن الجمال هو الواسطة لاحداث الحب والشغف، ولكن يلاحظ وجود شيء آخر له الفعل الأكبر لتوليد عناصر المحبة، والغرام والشغف، وهذا الشيء هو أدب الشخص المحبوب ولطافة أخلاقه وسلاستها، فكم من جميل نراه مكروها لقلة آدابه وتصرفاته السيئة، وكم من كريه المنظر نراه محبوبا لطفيا مقدار لأدبه وحسن سلوكه وخصاله، فلذا يجب على كل من تزوج أن يمنح زوجته الحب والعطف والوفاء، لا لجمالها بل لحسن معاشرتها وطيبة خصالها ، إذ لا خير في الحب المؤسس على جمال زائل، فإن ثوب الجمال لا يقيم الا مدة وجيزة، وحتى يأفل المسبب زال السبب أيضا.
وأما حب التعقل والآداب والأخلاق الحسنة فيزداد يوميا فيوما، لأن العقل يزداد في إدراكه ووعيه كلما تقدم الإنسان في السن.
ويرى العالم الكبير جول مشيله وهو يصف الزواج والانسجام الحقيقي المبني على دعائم متينة بين الزوجين فيقول: ليست الآلام أسوأ ما تلقاه المرأة في الزواج. ولكن أسوأ من هذا أن تذبل زهرة المرأة، وأن تفيض نضارتها، وتتطلع إلى آمال بعيدة التحقيق، وان تنالها الحياة يثقلها فيتولاها الملل والسأم والضيق بالدنيا وما فيها، وحين تحيا حياة العزلة والانطواء، أو تترمل قبل الأوان.
ويقول ستاندال: المرأة الباردة ذات العاطفة الهادئة، امرأة لم تعثر على الرجل الذي يستحق حبها وتستطيع أن تحبه. ويضيف في غير مكان: منظر الجمال الفتان، في البيعة أو في الفن الجميل يذكر المحبوب بصورة المحبوبة.

اقتراح !!

2009-05-04T12:55:00.003+03:00

هو ايه ؟؟ ال 80 مليون يموتو
ونستورد 2 جداد من بره ولد وبنت بس مش اخوات طبعا
ويكون انتاج برفكت طبعا
صغنانين كده قمامير خالص طبعا
ونحطهم تحت برنامج رعايه وتربيه صحيحه جدا وفقا لمعايير خاصه
عشان يطلعو نموذج يحتذي به ( احم احم )ه
ويبقو هما باه الملك والاميره حرمه للبلاد

وكل لما يخلفو بأه ولادهم هيبقو امره وملوك طبعا
وبكده نبقي قضينا علي الازمه الاقتصاديه
والازمه السكانيه
وازمة المواصلات
وازمة المرتبات كل الناس هتبقي صحاب البلد باه
وكل ازمات المعيشه لمدة يجي 100 سنه قدام
ياسلالالالالالالام يعني مصر هيكون تعدها لمدة 25 سنه 2وبعد 30 سنه لما الملك والملكه يتجوزو 4 عشان الاولاد ندور للاولاد علي عرسان ويتجوزو علي ال100 سنه مصر هيكون تعددها 10 افراد
ههههههههههههههههههههههههههههههه
وعشان الناس دي هتبقي متربيه وفقا لمعايير خاصه
مش هيكون في اي مشاكل من اي نووووووووع
ههههههههههههههههههههه
اي خدمه انا حليت الازمه
لولولوللولولي

اوباما يعين زويل مستشارا له

2009-04-28T19:09:00.003+03:00

منقول من مصراوي...
واشنطن – وصف البيت الأبيض العالم المصري الدكتور أحمد زويل بأنه شخصية علمية رائدة تحظى باحترام واسع، ليس فقط بسبب علمه ولكن أيضاً لكونه صوتاً للعقل في الشرق الأوسط، وذلك على خلفية اختيار الرئيس الأمريكي باراك أوباما للدكتور زويل، الحاصل على جائزة نوبل، ضمن مجلسه الاستشاري للعلوم والتكنولوجيا.

وكان البيت الأبيض قد أعلن عن اختيار الرئيس أوباما للعالم المصري المعروف أحمد زويل ضمن مجلس مستشاري العلوم والتكنولوجيا التابع للبيت الأبيض، والذي يضم 20 عالماً مرموقاً في عدد من المجالات.

ووضع المكتب التنفيذي للرئيس الأمريكي في وقت متأخر مساء الاثنين القائمة التي وقع اختيار الرئيس أوباما عليها، والتي تضم تعريفاً مختصراً لأعضاء المجلس العشرين.

وأشار التعريف الخاص بالدكتور زويل إلى حصوله علي جائزة نوبل في الكيمياء في 1999 على "ريادته للعمل الذي سمح بملاحظة التحولات الجزيئية هائلة السرعة".

وأضاف التعريف الخاص بزويل أنه شخصية "تحظى باحترام واسع، ليس فقط بسبب علمه، ولكن أيضاً بسبب جهوده في الشرق الأوسط كصوت للعقل".

وأشار تعريف البيت الأبيض أن زويل، الذي يرأس مركز الفيزياء البيولوجية، يشغل أيضاً عضوية الأكاديمية القومية للعلوم، وقد تم إصدار طوابع بريد "لتكريم مساهماته للعلوم والإنسانية".

ويعد زويل بهذا الاختيار ثاني شخصية مصرية تنضم إلى مستشاري الرئيس الأمريكي، بعد الأمريكية من أصل مصري داليا مجاهد، التي أعلن البيت الأبيض عن انضمامها إلى مجلس الرئيس الاستشاري الخاص بالأديان.

وكالة أنباء أمريكا إن أرابيك

===========

كنت فاخوره جدا بالخبر ده وانا بقرأه
يعني طلع واحد من المصرين ذو عقل يرفع راسنا الحمد لله
مش زي مابيوصفو العرب المسلمين بالجهل والهماجيه والارهاب
خبر يفرح فعلا :)

مافيش حاجه

2009-04-22T15:42:00.000+02:00

مافيش حاجة
مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه

ايمان بكري

عامل النظافه اللي مش ( زبا....)ه

2009-04-14T15:49:00.005+02:00

حكايته ايه بأه الراجل ده بقاله فتره كده بيعدي مرتين في الاسبوع يكنس الشارع كله مش يخلي في فتله كده في الارض
واي حد عنده اكياس قمامه بيخدها

ومش ليه اي طلبات اللي فيه النصيب هو بيرضا بيه جدا

واحده من الجيران بتنده علي ابنها بتقوله (الزب...) جه اديله القمامه

راح قالها ياست انا مش (......) انا عامل نظافه

قالتله وايه الفرق قالها الفرق اني اشتغلت الشغل ده غصب عني عشان الظروف

لكن انا اصلا ((فوعلي)) من اللي بيشيلو طوب واسمنت عند البناء

لكن وقت الازمه مافيش حد بيبني وبفضل قاعد طول النهار عند المحطه انا وزميلي لحد بليل

مستنين حد يجي ينده لينا عشان نشتغل ومافيش وانا راجل صاحب ولاد اخدت ادواتي اللي هي ( الجروف والعربيه اللي بيشيلو فيه الاسمنت والمقطف ونزلت ادور علي اي حاجه اعملها ومش لقيت غير اني اخبط علي البيوت واخد القمامه اللي عندهم وانضف امام منزلهم مقابل اي شئ يدفعوه )

ابقي كده (زب...) برضه ؟؟؟؟

انا كنت واقفه في الشباك وسمعت الحديث صعب عليه اووي بجد

لانه رغم ماقاله الا وبيستحمل قلة زوق الناس معاه وهي بتحدفله الاكياس من الادوار العليه في الشارع
وهو بيلمها من سكات وياخد فلوسه ويمشي

اما بأه عامل النظافه اللي هو (((زبــا....)))من عند الحكومه بينده مره واحده في الشارع كله
وعلي الناس ماتخرج يكون هو في ثواني في اخر الشارع ومركب عجل في رجله

واللي يشتكيه يقول انا باجي بس الناس مش بترد عليه وافضل انده انده ولا حد يعبرني الا ناس قليله

ايه الدنيا القاسيه دي ؟؟؟؟
ربنا يساعد كل محتاج يارب ويبعتله الرزق الحلال
بتمنا ياجماعه بجد نحاول نعامل الناس اللي زي كده بشوية احساس
لانهم بشر لحم ودم وعندهم عزة نفس زي اي حد

تهنئه خاصه .....

2009-04-04T22:38:00.005+02:00

السبت الموافق 4/4/2009
تم تكريم الباشمهندس احمد (فوكس ) بمركز طلعت حرب الثقافي
وحصوله علي المركز الثالث للقصه القصيره
وذلك عن ثلاث قصص قصيره من تأليفه

التكريم كان اكثر من رائع والندوه اللي اطلقو عليه العرس الثقافي كانت اكثر من رائعه بجد
كنت مستمتعه جدا وكان قلبي طاير من الفرحه بتكريم فوكس
وقلت حدث مهم زي ده لازم اكون اول من يكتب عنه

الف مبررررررررررووووووووووووك كبيرررررررررررررره
ليك يافوكس تستحقها بجد عن جداره واكتر كمان :)

وان شاء الله المره الجايه يكون المركز الاول
وبعدين حلمنا بكتاب يجمع قصصك القصيره

راح فين الامان ؟؟

2009-03-30T06:00:00.000+02:00

الحقيقه البوست بتاعي مجرد خواطر جوايا

كنت بتمنا اني البوست ده يكون حاجه تفرح اصلي الناس مش ناقصه

بس بجد ظاهرة انعدام الامان بقيت مخيفه جدا انا بتابع الاخبار من فتره قريبه لكن حقيقي حاسه انه جالي اكتئاب منها !!

زمان كانو بيقولو اني معني الغربه باختصار هو انعدام الامان

طيب دلوقتي احنا في بلدنا جوه حضنها ومع ذلك دايما حاسين بخوف

راح فين الامان ؟؟

لما يكون مابقاش في امان في الاكل اصلي بيموت بالبطيئ
لما يكون مابقاش في امان في الشرب اصله زي الاكل وانيل !!
لما يكون مافيش امان في الشارع
( ناس بتتخطف وناس بتموت وناس بتتسرق وناس بتتاخد اعضائها وناس في امان الله ماشيه وتلاقي اللي يغتت عليها)ا
لما يكون مافيش امان في بيتك
(مع كثرة حوادث السرقه )ا
لما يكون مافيش امان في شغلك
(تكون ماشي بما يرضي الله وتلاقي اللي مش عاجبه حالك وانك احسن منه وكيفه انك تروح ورا الشمس عشان مش يكون في غيره مع اني محدش بياخد رزق حد سبحان الله )
مافيش امان في المدرسه
( الاطفال بيعذبو ويغتصبو ويقتلو داخل المدارس !!)ا
مافيش امان حتي في الزواج
(حالات فرديه جدا لكن واضحه اوي انها مؤشر خطير جدا )ا
مافيش امان في البنوه ولا في الابوه !!
( سمعنا كتير عن ابن او ابنه قتلت ابوها او امها لو مش قتل موت فهو قتل معنوي او العكس اباء وامهات قتلو اولادهم سوء قتل مادي او معنوي )
مافيش امان في تعظيم الديانات !!ولا احترام للاانبياء !!
( اهانات للاانبياء وبدون اي سبب اهانات لمجرد التجريح ليس الا وظهور طوائف غريبه بينا يؤمنون باشياء غريبه والاغرب اننا نلقاهم بدون اي موقف )ا
حاجات كتيرررررررره اوووووي ماعدش فيها امان لو فكرتو دقيقه في الموضوع
هتلاقو حاجات كتيره اوي من اللي انا بقوله ده
لييييييييييييييه
جري ايه في الدنيا خلاها كده ؟؟؟؟؟؟؟؟؟

اسفه بجد علي البوست ده لو كان ضايق حد
وعموما انا عملت حسابي وجبت ليكم موقف كده قريته واضحكني جدا
لعل يكون تخفيف من البوست ده :)
======================
اغبي حرامي في العالم !

للغباء حدود ولكن الذي فعله احد اللصوص في ألمانيا
يرشحه للدخول في موسوعة جينس بوصفه أغبي حرامي
فقد ذكرت مصادر الشرطه في مدينة أوبرهاوزن أن اسرة
ألمانيه عادت إلي سكنها بعد قضاء عطله قصيره وصاح
أحد افراد الاسره علي سبيل المزح ( هل من احد بالمنزل )ا
وجاءت المفاجأه عندما صاح شخص غريب ( أنا هنا ) ونظر
افراد الاسره إلي بعضهم وأحاطو باللص الذي كان يعد
العدة لمغادرة المنزل وحضرت الشرطه واعتقلت اللص
من جريدة اخبار اليوم

تعليقي الشخصي
ضحك ملوش حل
فكرت كده اني مره كنت بره وراجعه البيت
ودخله الشقه المفروض اني طلما مش فيها حد وانا بفتح الباب والنور كده
اقول السلام عليكم ورحمة الله وبركاته اول لما ادخل
والقي حد بيرد عليه بيقولي وعليكم السلام ورحمة الله وبركاته اتفضل ياحج
ههههههههههههههههههههههههههههههههههههههههههههههههههههههههههههه

حتي السمك :(

2009-03-24T21:25:00.000+02:00

اللي فيكم يعرف وشاف سمك الباسا اللي منتشر جدا في الاسواق المصريه في شكل
فيليه الباسا
يقرا .............

حذر د/ محمد فتحي عثمان رئيس الهيئه العامه للثروه السمكيه من
الافراط في تناول سمك الباسا التي يتم استيرادها من فيتنام
موضحا انها تعيش وتربي في المجاري ونهر الميكونج
وهو من اقزر انهار العالم حيث ترتفع به نسبة الملوثات
ورغم ذلك يتم استيرادها بكميات كبيره في في صورة سمك فيليه
ويقبل علي شرائها المواطنون
وروي خلال ندوه اقيمة بدمنهور
انه تصادف ذات مره وقوفه امام محل لبيع الاسماك
ورأي احد المواطنين يطلب شراء كميه كبيره من سمك الباسا
فحاول اعلامه ان هذه السمكه تربي في مياه المجاري الملوثه بفيتنام
وان تناولها بلا شك يسبب اضرار كثيره
وان البلطي النيلي المصري افضل منها بكثير
غير ان صاحب المحل سمعه واتهمه بمحاولة بتطفيش الزبائن

حد عاوز يجي معايا( تحديث )ه

2009-03-19T11:36:00.022+02:00

بجد تعليقاتكم فطسطني من الضحك كلها
اشكرم بجد جدا جدا جدااااااااااااااااااااااا
علي التعليقات اللذيذه دي
اليوم من اوله كان كله تهيس :D
ومستنيه تعليقات الناس اللي لسه مش علقو وعاوزين يجو معايا
يلا قبل الحجز مايخلص :))

=========================
جـــزر الــمــالــديــف هي ..............

جزر رومانسيه ، اجواء استوائيه ، هدوء نفسي ، مزيج بين البحر والطبيعه ،ووجهة سفر للعائلات وعنوان المتزوجين حديثا لقضاء شهر العسل
تمتد من الحدود الجنوبيه الغربيه للهند حتي خط الاستواء وتبعد حوالي 675 كلم عن الجنوب الغربي لسرلانكا
هذه هي بختصار جزر المالديف الدافئه والساحره ، التي تضم 1190 جزيره يوجد منهم 200 جزيره فقط يشغلهم السكان
الذين يبلغ تعددهم 100الف نسمه

المالديف مكانا رائعا لقضاء العطلات حيث اجمل الجزر والسواحل والبحيرات الصافيه في العالم
فضلا عن الطقس المثالي وسحر الجزر الصغيره المطرزه بأشجار النخيل

العنايه الصحيه
يقومو المعالجون باخذ المريض في زورق والي مركز سبا
ويعتمدون علي المستحضرات الطبيعيه للشفاء

الاقامه الفندقيه
انا مش هقول حاجه كفايه اللي الصوره قالته

==============

ها حد عاوز يجي معايا ؟؟؟؟؟

انا رايحه الاسبوع الجاي اغير جو شويه وافصل كده عن العالم الغريب اللي احنا فيه ده

وبالمناسبه باه اخر معلومه اني قضاء الليله الواحده في جزر المالديف بي 1000 دولار في الليله تقريبا

جبتلكم اكتئاب صح ؟؟؟؟؟

عادي جالي انا كمان
بس زي ماقولت انا خلاويص رايحه الاسبوع الجاي اتفسح هناك بتع شهر ولا حاجه :))

خدعوك فقالوا

2009-03-15T13:59:00.004+02:00

دول 3 حلقات من برنامج خدعوك فقالوا للداعيه مصطفي حسني
عنوان الحلقات ( انا عملت اللي عليه )ه

للتحميل فيديو

الحلقه الاولي للأزواج

الحلقه الثانيه للزوجات

الحلقه الثالثه للأزواج والزوجات

للتحميل صوت

الحلقه الاولي

الحلقه التانيه

الحلقه الثالثه

الحلقات اكثر من رائعه ياجماعه
وبجد اللي بيسمعها بيحس انه لسه عنده امل في الدنيا
انها لسه بخير :)

قصه رائـــع

2009-03-11T20:43:00.003+02:00

تلك القصه حدثة في المغرب

يروي أن كانت ( البرمكيه )جاريه تباع وتشتري فاشتراها المعتمد بن عباد ملك المغرب
فأعتقها وجعلها ملكه ،وحين رأت الجواري يلعبن في الطين حنت لماضيها ، فاشتهت أن تلعب
في الطين مثلهن فأمر أن يصنع لها بركة من العطور والطيب الكثير حتي
يصبح شكله مثل الطين كي تلعب فيه ، فلعبت فيه حتي ملت
فكانت إذا غضبت منه تقول له ( إني مارأيت منك خيرا قط )فيبتسم
قائلا : ولا يوم الطين ؟؟؟ فتخجل وتهرب من امامه .

كل سنه وانتم طيبين :)

2009-03-09T17:07:00.003+02:00

كل سنه وانتم بكل صحه وخير وسعاده

اللهم صلي علي محمد وعلي اهله وصاحبه وسلم

رســـالـــة وفـــاء تحديث

2009-03-08T17:58:00.008+02:00

بشكر كل الناس اللي سابو تعليقتهم علي موضوعي
وبجد بتمنا لكل اللي دعالي دعوه يكون له مثلها
ويسعدكم يارب :)
======

عندي رساله جوايا عاوزه اقولها

حاسه اني مكسوفه اووووووووي لكن هقولها لاني نفسي كل الدنيا تسمعها :$:$:$

عاوزه اقول .....

بحبك اووووووووووووووووووي اوووووووووي

وبحترمك جداااااااااااا

وابسط حقوقك عليه اني ابعتلك رساله وفاء ليك بجد من جوه قلبي

بقولك فيها ..

اني قد ايه مقدره تعبك عشاني وعشان حياتنا سوا

من اول التخطيط والتنفيذ واعباء الشغل اللي مخلينا تقريبا قليل لما بنتكلم

عاوزه اقولك اني حياتي فداك وفدا كل لحظه بتتعبها عشاني وعشان تأسيس حياتنا وبيتنا

انا مش بملك غير الدعاء الصداق من كل قلبي اني ربنا يقويك ويعينك ويخفف عنك اعبائك

والدعاء اني ربنا يحفظك ليا من كل شر ومن كل سوء فين ماتكون

والدعاء اني ربنا يديم علينا نعمة الحب والاحترام ويحفظنا لبعض

والدعاء اني ربنا يكملنا علي خير

البوست ده مكتوب من يوم ماانت كتب الكلام ده في مدونتك

بس كنت مكسوفه انشره :$

لكن دلوقتي مش عارفه جاتلي لحظة شجاعه حاسيت فيها انه حقك عليا اني اعترف بكل الحاجات دي
اتمنا تكون رسالتي ليك خففت عنك ولو بنسبة واحد من ميه :)
وتبقي حاجه تسعدك مش العكس :)
================
وعاوزه اقول لكل الناس اني الحياه مش دايما احلام ورديه
وبمبي
عشان مش حد يقول يابختها اني لسه جواها كل الحاجات دي
الحاجات دي بحاول استشفها من وسط تعب والم ومعانه كتير اوووووووووووي

تعلما الكذب الحلال

2009-03-06T09:00:00.003+02:00

معاتبة الإلفين تحسن مره
فإن أكثروا إدمائها أفسد الحيا

نعم يوجد كذب حلال، يثاب المرء عليه ، فعن ام كلثوم بنت عقبه - رضي الله عنها -
قالت : ماسمعت رسول الله رخص في شي من الكذب الا في ثلاث :
( الرجل يقول القول يريد به الاصلاح ، والرجل يقول القول في الحرب ، والرجل يحدث امرأته والمرأه تحدث زوجها ) رواه البخاري
والكذب في حديث الزوج لزوجته والزوجه لزوجها
يقصد به الكذب الذي يقوي الحب ويزيل الشقاق
فماذا يضير الزوج في ان يمدح زوجته ويبالغ في مدحها
بل ويمدح طعامها الذي لا يستسيغه وترتيبها للبيت وان كان فيه نقص
وماذا يضر الزوجه ان تمدح زوجها وتخبره بسعادتها وحبها له وتبالغ إن شاء الامر ،
وأعجب ماسمعته عن الكذب المباح قصة ( أبو غرزه )
والتي حدثت في عهد امير المؤمنين عمر ابن الخطاب رضي الله عنه
واحدثها انه كان هناك رجل يقال له ( ابو غرزه ) وكان متهما بأنه يكثر من تطليق نسائه
بسبب وبدون سبب ، وفي يوم من الايام اخذ ابو غرزه بيد صديق له يدعي
( ابن الارقم ) وجعله يستمع الي الحوار الذي دار بينه وبين زوجته دخل وأبو غرزه علي امرأته ،
فقال لها : انشدك بالله هل تبغضينني ؟
قالت : لاتنشدني ، قال ( ابو غرزه ) : فإني انشدك الله ، هل تبغضينني
قالت : نعم فقال ابو غزره لابن الارقم : هل تسمع ؟
ثم انطلقا الي عمر ، فقال ابو غزره له انكم لتحدثون اني اظلم النساء
فاسأل ابن الارقم فسأله عمر ، فأخبربالذي سمعه من زوجة ابي غرزه
فأرسل عمر الي امرأة ابي غرزه ، ، فجاءت هي وعمتها
فقال : انت التي تحدثين لزوجك انك تبغضينه
فقالت إني أول من تاب وراجع أمر الله تعالي
ناشدني فتحرجت ان اكذب ، افأكذب يا امير المؤمنين ؟
قال : نعم فاكذبي ، فإن كانت إحداكن لاتحب احدنا فلا تحدثه بذلك
فإن أقل البيوت الذي يبني علي الحب ، ولكن الناس يتعاشرون بالاسلام والاحساب
وفي روايه اخري قال لها عمر: بلي فلتكذب احداكن ولتجمل
فليس كل البيوت تبني علي الحب ، ولكن معاشرة علي الاحساب والاسلام .

ده جزء من كتاب ( الي حبيبن ) للكاتب ( كريم الشاذلي )
ونزلته بناء علي طلب (مدام شمس النهار)
اتمني انه يعجبكم :)

( انا انثي ) ولقاء المدونين :))

2009-03-04T17:40:00.007+02:00

انا بجد مش عارفه اقول ايه علي اليوم ده
الناس قالت كل حاجه كان يوم اكتر من رائع وكنت مبسوطه اووووووووووي
وكنت كل لما اعدي من جمب جروب القي حد بيقول انا بجد مش عاوز اروح اليوم جميل
وده كان احساسي برضه والوقت كان بيعدي بسرعه
والناس فرحتها ببعضها لما بتشوف بعضهم حلوه اوووووووووووي
بشكر كل حد قبلته واتعرفت عليه
وبشكر كل حد دخل في البوست اللي قبل ده وقالي انا شوفتك وعرفت مدونتك ومش هبطل ادخلك

شكر خاص لاايمي بيبي وسفروته عشان بجد هما ناس روحهم حلوه اوي
وقالولي اول لما شفوني احنا اول لما شوفناكي ارتحنا ليكي انتي من الناس اللي وشها بيريح
وكمان بشكرهم علي الكلام الجميل اللي كتبوه عني بجد (اخجلتم تواضعنا
وش مكسوف

كان نفسي اشوفك ياكيارا انتي اللي عرفتني معاد اللقاء
وكنت رايحه عشان اتعرف عليكي بس اللقا نصيب وان شاء الله الجايات اكتر من الريحات

فاتيما صاحبة مدونه روح قلب ماما بجد انسانه حبوبه اوووووووووووي
وكمان قعدت تقولي اسفه اني مش كنت بزورك ولا اعرفك
قولتلها مش مهم اللي فات كفايه اني اول لقاء بيكي وكلام معاكي وانا شايفاكي كده
ومرسي علي الاهداء الرقيق اللي كتبتهولي جوه الكتاب
وكمان ياجماعه حنون وكيكي ورنون بنانيت زي السكر

وانجي سمراء النيل
اللي طلعت تقول كلمتين في الميك عن البوست اللي نزلها في الكتاب وجريت عليه بتقولي
انتي شكلك صريحه وهتقولي الصراحه هو انا عكيت في حاجه ههههههههههه ضحكت
وقولتها بالعكس انت كلامك كان ممتع ولذيذ جدا كفايه انك ضحكتينا كذا مره بجد اسلوبك رائع
قعدت تقولي انشالله يخليكي ليه يااختي والله
مش عارفه اقولك ايه
قولتلها اكتبي لي اهداء علي الكتاب
راحت كتبت برضه كلام في منتهي الذوق والرقه

وانا خلاويص مروحه باه شوفت مين ؟؟؟
سحر غريب المفقوع مرارتها من حماتها
وبجد استقبلتني اول لما شافتني وكانها تعرفني من زمان
مع اني مش شوفنا بعض غير مره واحده بس
في معرض الكتاب في حفل توقيع كتابها
ربنا يكرمها يارب

مرسي اووووووووووووي ليكم انكم احتويتوني جوه العالم الجميل ده
بجد انتو اجمل مجتمع في الدنيا
والورد ده عشانكم كلكم يارب يكفي بس :)

أحساس مؤلم

2009-03-03T03:28:00.002+02:00

الـــوحـــده

يالا قسوة ذلك الشعور

وما اشد قسوته عندما تكون وحيد وحولك من تعيش معهم

ولكن لا احد يشعر بأن ألم الوحده يعتصرك !!

مجبر بأن تتعامل معاهم وانت تطوي ألمك ألف مره بدخلك

تحاول جاهد ان تعمل علي اسعاد كل من حولك رغم ماتشعر به

ولا احد يهتم بااسعادك ولو بكلمه !!

ماذا يفعل من يشعر بالوحده والفراغ ؟؟؟؟؟؟؟؟؟؟

======
اسفه يامدام شمس بس الواضح انه مش مكتوب لنا نحس
بالسعاده الا بضع ساعات واحيانا لاتكون سوا بضع دقائق
منغصات الحياه اقوي

Made By Eno :))

2009-03-02T21:31:00.005+02:00

امبارح كان عيد ميلاد إسلام اخويا الصغير

وبعد تفكيرررررر طووووووويل قررت اني اعمله تورتايا باأيديا
والحقيقه انها اول مره

بس بعد رأي الناس احتمال كبير مش تكون اخر مره
ومن كتر منا كنت فرحانه بيها مش كنت عاوزه حد يجي جنبها وافضل اصورها كده
بس خلاص التهموها
هههههههههههههه

اول مره في تجربة التورته لكن بعمل حلويات كتيره اووووووووي
حتي أسألو ( فوكس ) هيقولكم وش مكسوف

اقولكم علي سر ( فوكس ) ماشاء الله عليه بيتحمل مني كتير اووووووووي :D
كانو هنا في البيت بيقولو ليه اتعلمي فينا عشان لما تروحي بيتك تبقي شاطره اتعلمت اللي اتعلمته قبل الخطوبه وبعدها ( فوكس ) نابه من الحب جانب طبعا بس طلع بيستحملني اكتر من عندي هنا في البيت
بس بصراحه بيهمني رأيه لانه دايما بيرفع من روحي المعنويه :))
هووووووووش غلوشو بأه لحسن يسمع

كل سنه وانت طيب ياواد ياإســــلام عقبال عشر تاشر سنه ولا حاجه

حتي الاطفال مهيسين !

2009-02-24T18:43:00.003+02:00

النهارده حصلي حتت موقف ياجماعه كنت بجيب حاجات من قريب وماشيه في امان الله

لقيت طفله عسوله اوووووي وشعرها مغطي عينها ولبسه لبس المدرسه وشنطتها علي كتفها

فتحها درعاتها ليه وبتجري عليه زي ( الحبا حبا كده ) بس انا لقتها كده فضلت ابص حوليا هي بتجري علي مين
بس هو اصلا مش في حد ماشي غيري !!

وجت ومسكت ايدي وبتقولي يلا نمشي انا سبت ايدها وضحكت في وشها كده ولعبت في شعرها علي انها بتهزر يعني

وسبتها وهكمل وامشي بأه لقتها راحت ماسكه في هدومي ومتبته في ايدي وبتقولي

انتي هتروحي فين خديني معاكي !!

قولتلها : انت مين ياحببتي

قالتلي : انا ملك بنت ماما شرين !!

قولتلها : وانا مبتسمه ومستغربه اوي طيب ياملك انتي عاوزه حاجه

قالتلي : اة يلا نمشي سوا !!

قولتلها : فين مامتك قالتلي ماما اسمها شرين
ماشي ياحببتي هي فين ؟؟

قالتلي : مهو انتي اللي هتوديني عندها !!

قولتلها : ياحببتي انا مش عرفاكي
قالتلي : لا انتي عرفاني انا قولتلك اني اسمي ملك بنت ماما شرين ببقي انتي عرفاني
وعماله تشد من هدومي وكل ماتحرك خطوه تتحركها معايا !!

انا عماله ادور علي حد هي تبعه
لقيت واحد جايه عليه وبتقولها خدي هنا ياملك

فا قولتلها هي تبع حضرتك قاتلي ايوه انا خالتها

قولتلها ماسكه فيه مش عاوزه تسبني بتقولي بتقولك ايه قولتلها بتقولي خديني معاكي
فضلت تضحك وراحت مسكت ايداها اللي كانت هتقطع هدومي من كتر ما متبته فيها

قولتلها هي كده عادي
قالتلي والله ابدا اول مره تعمل كده مع حد
ههههههههههههههههههههههههههه

قولتلها طيب ابقي خدي بالك منها لحسن دي شكلها عندها ميول انها تتخطف
لحسن تعمل كده مع حد مش كويس لاقدر الله

وسلمت علي البنوته ومشيت وهي مصممه تعملي باي باي لحد لما خلصت كل الشارع
هههههههههههههههههههههههههه

والله هم يضحك !!

2009-02-18T11:13:00.004+02:00

طـالـب ثـانـويـه عـامة يأخذ تعـويـضـا نـصــف مـليـون جـنـيـهـا

منذ 13 عاما رفع طالب ثانويه عامه قضية علي مدرسته في الفيوم لرسوبه في ماده يزعمو انه كان متغيب يومها مع انه حضر الامتحان !!!

واليوم تأكدت المحكمه بأنه حضر الامتحان بالفعل
وحكمت له بتعويض مادي نصف مليون جنيها مصريا
وتعويضا ادبيا قيمته خمس الالاف جنيها
مطالب بدفعهم وزير التربيه والتعليم
او بمعني اصح جيب الوزاره لان الوزير كل حبه بيتغير!!

تعليقلي الشخصي
ياااااااااااااه لسه فكرين !!
صدق من قال احبالكم طويله لدرجة انكم محتاجين منشر ضروري :))

عيد الحب !!

2009-02-15T11:08:00.008+02:00

قال لي صاحبي: كل عام وانت بخير ، غدا عيد الحب !
فقلت مندهشا : عجبا لم اعهد ان للحب يوما يتخذه الناس عيدا ،اكمل علي فضلك واخبرني بأحكامه وطقوسه؟!

قال مستغربا : عيد الحب يارجل ( فالانتين ) اهد لزوجتك فيه وردة حمراء ، واسمعها كلام الحب ، انه عيد المحبين ، نسترجع فيه ذكريتنا الجميله ، ونجدد فيه اشواقنا .

فقلت اسفا : إني مسلم ياصديقي ، وقد وسعني ما وسع المسلمين اعيادهم اعيادي ، واتراحهم اتراحي ، مالي وقوم قتلوا انبل معاني الحب ثم اتخذوا لانفسهم يوما
يحتفلون به ويسترجعون ذكرياته ، إن لي في الحب مذهبا لم أر مثله في الدنيا، كل يوم هوعندي عيد للحب ، كل همسه هي اعتراف غير مكتوب مني بأني احب زوجتي ، مذهب في الحب هو الاخلاص لا فالانتين ، وسبيلي هو الرحمه والكلمه الطيبه لا الورده الحمراء ، أشواقنا وامانينا موصولة لم تنقطع ...

واسمع ختام كلامي ياصديقي ، إن كنتم تحتفلون بيوم الحب فأنا احيا مع الحب 365 يوما .

فقال صاحبي وقد فاجأه ردي : حسبك ياصاحبي ، الامر أيسر من ذلك ماذا يضر لو جعلنا يوما يسترجع فيه الزوجان ذكرياتهما الجميله ويتناسيا همومهما ؟

فقلت : بل اسمع أنت مني مقالة محب ، إننا كمسلمين لنا عيدان وليس لنا ان نخترع عيدا ثالثا فضلا عن الاحتفال بأعياد الاخرين ، ولقد نظرت في عيد الحب فوجدته كاستراحه المحارب فتري الزوجين يعيشان في هم وكمد ، حتي اذا جاء هذا اليوم تناسوا تلك الاحزان ، وأني لهم ان ينسوها ، أما انا كمسلم فلقد علمني الاسلام أن اضع رأسي علي وسادتي وقد نقيت قلبي من النغصات ، حتي إذا صحوت ابدأ يومي بنفسيه هادئه تحب الدنيا ، علمني إسلامي أن لا تفارق الكلمه الطيبه لساني ، والبسمه شفتي ، والرقه طبعي ..

فلماذا أحتاج لعيد الحب بعد ذلك ؟؟؟؟؟؟؟

=======

ده كان جزء من كتاب ( إلي حبيبين ) للكاتب كريم الشاذلي
واخترت الجزء ده عشان المناسبه
بجد ياجماعه الكتاب تحفه لكل اتنين مخطوبين اومقبلين علي الزواج او متزوجين حتي الكتاب مفيد جدا حقيقي

هتناقش معاكم فيه ان شاء الله واكلمكم عنه اكتر
واللي استفدته من لجزء ده بجد اللي هي اخر كلام فيها
اني اسلامنا علمنا نصفي اللي بينا اول بأول مش نسيب حاجه تتراكم فوق بعضها
وتبقي فيما بعد حوائل بينا اسلامنا علمنا الكلمه الطيبه والابتسامه في وجه اخيك تكون صدقه
الكتاب بجد اكثر من رائع :)

الـطـائر والــورده الـبـيـضـااء

2009-02-11T00:15:00.004+02:00

قصه قصيره قرائتها اعجبتني جدا
واحببت ان اشارككم معانيها ومغزاها

حدث ان وقع طائر في حب ورده بيضاء
وذات يوما ذهب الطائر إلي الورده البيضاء مقدما لها حبه
ولكن الورده البيضاء رفضت حبه قائله " انا لا احبك "ه
لكن الطائر كان يحبها فذهب لها يوما بعد يوم وفي كل مره كانت ترفضه

وفي النهايه قالت له الورده البيضاء عندما يتحول لوني الابيض الي الاحمر
وقتها سأبادلك نفس المشاعر واحبك !!

وذات يوما جاء الطائر وقد جرح جناحيه
وطار فوق الورده البيضاء ونشر دماءه فوقها
وعندما تحول لون الورده البيضاء الي اللون الاحمر
لون دماء الحبيب
وقتها
ادركت الورده مدي حب الطائر لها
ولكن الوقت قد فات ... لان الطائر قد مااات
مات الحبيب
ضحي بحياته من اجل من يحب
من اجل لحظة حب واحده
مـــنـــقـــول
=================
لذلك علينا ان نفكر كم منا مستعد للتضحيه من اجل من يحب ؟؟
دعـــــــوه
لااحترام مشاعر المحب وعدم التنازل والاستسلام مهما واجهنا من الصعاب
أمــنــيــه
اتمني انا يحافظ كل منا علي حبه
فكثير من يحلم ويتمني ان يعيش لحظة حب واحده صادقه
حــــــلـــــم
احلم ان اعيش علي ارض يملؤها الحب والصدق والمشاعر الصافيه
ارض خاليه من الغيره والحقد والحسد
ارض خاليه من المصالح والغش والخيانه
ارض للــحــب

حتي انت يانيل !!!

2009-02-10T11:29:00.004+02:00

شوفت النيل الاسبوع ده مرتين

صعب عليه اوي اول مره اشوفه واحس انه هو كمان زعلان ومخنوق من الاحوال حولينا

ناشف اوي وفي جزر كتير ظهرت في وسطه كده اينعم شكلها حلو والطيور واقفه عليها لكن ان دل علي شئ يدل علي اني النيل جاف جدا اليومين دول زي مايكون بيقول انا كمان بعاني زي البلد دي

وبيوضح انه فعلا دم البلد دي ودمها بيقل !!

اتمنا لما اشوفه مره تانيه يكون احسن

"تهنئه خاصه"

2009-02-02T14:49:00.006+02:00

حضرت انا وفوكس حفل توقيع كتاب ( حماتي ملاك )لسحر غريب

كان يوم الجمعه الموافق 30/1/2009

بجد كان حلو اوي والاحلي اني اتعرفت عليها
وهي ماشاء الله عليها شخصيه محترمه جداومتواضعه جدا جدا
فرحت بينا جدا انا وفوكس لما لقتنا معاها
واحنا كمان والله فرحنا جدا بيها وبدايات نجحها :)

بتمنالها هي وزوجها كل السعاده
الكتاب تحفه وبتمنا ليه كل النجاح وكمان عقبال الكتاب المليون
تحياتي ليكي

حاسه قلبي حزين

2009-01-28T14:59:00.005+02:00

حاسه قلبي حزين
متحني بدمعتين
مستني ايد تطبطب
ولا قلب يوهب
مستني لسه حاجه مش عارفه هي ايه
يمكن كلمه حلوه
يمكن طعم غنوه
جوايا حاجه مدرياها وخايفه من السنين
حاسه قلبي حزين
شايفه نجمه بعيده
شايله فرحه عنيده
سامعه من الصوت صداه
بيإن بألف اه
يمكن ده وهم
يمكن تايه مني

بس إالي أنا عارفاه اني مش سعيده

احساسك بيا ايه حبيبتك ولا صاحبك
بتقول عليه ايه في غيابي وسهوتي
بتفسر حبي ليك
علي انه ضعف مني
ولا بصعب عليك
مابتتكلمش عني
ده انا اول مره اعشق لكن بخوف
============
مـــنـــقـــول

دي كلمات كانت بتتقال في مسلسل
قلب ميت وعجبتني اوي

الـــــحـــــيـــــاء اهم مافي الـــــحـــــيـــــاه

2009-01-19T20:36:00.007+02:00

الحدوته الواقعيه

اول مشهد
الشاب معجب بي بنت زميلته اوي
وكل لما يشوفها بيحس انه في دنيا تانيه
زميله عملين يقترحو عليه انه يروح يكلمها ويقولها
كل اللي حاسس بيه
لكن هو فضل انه يكتم في قلبه بس لحد امتي
قرر انه يبقي لحد لما تتفك عقدة لسانه لوحده !!!

تاني مشهد بأه
البنت شايفه الشاب ده وحاسه بنظراته وحاسه انه اسلوب كلامه معاها مختلف عن بقيت زميلها
عماله تقول لصحبتها الانتيم انها حاسه انه في حاجه وانها بتتمنا انه يقول حاجه
وفي الاخر بأه لما زهقت من الحب الصامت ده قررت انها تقف قدامه وتلغي الكسوف ده وتروح تقوله انها بتحبه عادي بأه مهما زميل !!!!!!!!!!!!

تالت مشهد والغريب
البنت شافت زميلها في اول اليوم صبحت عليه وسألت عن اخباره وهو كمان
وشكله كان متيم بيها جدا وهو بيتكلم معاها
وفي وسط الكلام راحت قالتله بصراحه كده انا بحبك
واللي يغيظ
انه هو اللي اتكسف منها ووشه احمر من المفاجأه
لكن بعد فاق من الصدمه اعترفلها بحبه وانه متيم بيها
راحت رديت عليه وقالتله اخيرا نطقت ده انا مستنيه اليوم ده من زمان يااخي

وبس بأه توته توته فرغت الحدوته

ده كان حاجه اتفرجت عليها في مسلسل وكنت متغاظه جدا وانا بتفرج
لانهم ببساطه قلبو الايه
خلو البنت هي اللي بتفاتح الولد وتصارحه بحبها
يعني ممكن اي بنت مراهقه واقعه في نفس المشكله تحلها بنفس اسلوب البطله
وتلغي كسوفها وحيائها اللي هو اجمل مافيها
وتخسر احترامها لنفسها

الحدوته اللي تخيلتها

المشهد الاول

الشاب معجب بي بنت جدا
هو بيتكسف اوي وعارف انها برضه بتتكسف اوي

المشهد التاني

البنت ملاحظه انه في حاجه بتشدها للشخص ده في اسلوبه معاها !!

المشهد الثالث

الولد بيروح للبنت وبيحاول يتكلم معاها في اي حاجه
وهو بيبصلها شاف انه ايدها فاضيه مش فيها دبله
اتشجع اكتر
طريقة التعارف انه هيشاور علي صباعه في ايده اليمين
البنت بتشوفه وهو بيشاور فا بتتكسف اوي
لانه فهمت بأه انه كده عاوز يرتبط بيها

وهو مركز في تصرفتها ومكسوف لقها بتهز راسها انها موافقه لكن طبعا وشها احمر اوي
وهو كمان مكسوف اوي واكيد هو بيكلمها من باب انه يعرف رئيها فيه لكن اللي بعد كده هيكون طبعا في النور
وبس توته توته خلصت الحدوته
انا من وجهة نظري اني الحياء مهم جدا للبنت والولد
في مثل سمعته قبل كده اتقال قدامي
انه الحياء للرجال يفقر !!!!!!!!!
طيب ازاي والرسول صلي الله عليه وسلم كان شديد الحياء !
ده افضل مثل وقدوه

كل ده تفكير :(

2009-01-15T14:22:00.008+02:00

هي بدل ماتبقي حد يسندني ويقف ورا ضهري يحميني من الزمن
لا واقفه في ضهري برضه بس زي الشوكه نفسها ضهري يتقطم وترتاح بأه !!
مع اني والله بحبها اووووي واحيانا بحس اني زعلانه عليها
وكتير بحس اني محتاجه لي حنانها اوووي
بس انا زعلانه منها :(
نفسي تعرف اني مظلومه اوي ومش عملت حاجه تزعلها مني
ونفسي اوي ترجع زي زمان
بس مش باين انه ممكن يحصل :(
امبارح حلمت بيهاكان حلم وحش اوووي وكان بعد الفجر قومت منه لقيت نفسي بعيط بجد ولقيت دموعي نزله مني بجد كنت خايفه اوي وقلبي واجعني اوي في الحلم
وقومت وانا بتمني اني عمري مااشوف كده ابدا
انا بقيت بحلم كتير اوي احلام وحشه لما بفتكرها بتنكد عليه :(
==========

هو بأه بجد حاسه انه متحمل كتير اوي بسببي بيصعب عليه اوي
بيكون نفسي احيانا ولا احكي اي حاجه اول لما اشوفه اقعد اهزر واضحك واتكلم في اللي يخصنا احنا الاتنين وبس امحي المشاكل من دماغي طول ماهو قدامي حاولت كتير اعمل كده بس في حاجه غريبه بتحصل اول لما اشوفه بكون عامله زي الطفل اللي عامل عمله ومش قادر يخبيها واقر واعترف بكل حاجه زي ماهي جويا
لكن للاسف بعد مابحكي واحس اني شغلته وانه اضايق من جوايا ببقا بضرب نفسي بالقديمه اني عملت فيه كده ببقا مخنوقه اوي ونفسي اخليه ينسا كل اللي قولته بس بعد ايه بأه
واحيانا تانيه اقعد اقول لنفسي هو ده نصيبه بس بجد حرام وكمان احنا بقينا واحد وصعب علي الواحد ده الانقسام تاني لي اتنين :(
يارب هون عليه عشان اقدر اهون عليه

===============
هو بأه بس مش الاول واحد تاني يعني
اول مره اكون حاسه بيه كده
اول مره احس بعاذابه
نفسي اخفف عنه بس مش قادره
هي عندها حق لما قالتله كده انا حاسه اني لو كنت مكانها كنت هقول نفس الكلام بس هي كده جزرته
هو بيحبها اووي واتغير عشان خاطرها كتير اوي اتبدل بجد بأه انسان تاني عشانها
واعتقد انها هي كمان من اللي سمعته عنها انها بتحبه
بس الظروف بأه
بتهيقلي كان ممكن يكون في حل تاني بس انا مش عارفه هو ايه انا تعبت من التفكير بجد
يارب يارب لو فيها خير ليه تقرب منه وتكملهم علي خير يارب
===============
اخر حاجه هتكلم عنها
اخوانا في فلسطين ربنا ينصرهم لحسن بجد حالتهم بقيت خل خااااالص :(
وكله كوم والاطفال اللي بتروح في الرجلين
والله دين الاسلام ده دين عظيم لانه فرض الجهاد من غير مانتعرض لا لي طفل ولا امراءه ولا شيخ عجوز
الحمد لله علي نعمة الاسلام
ربنا يبتلي اليهود دول بحاجه تمحيهم من علي وش الارض
وينصر كل مظلوم يارب

الشفافيه والصدق

2009-01-01T01:14:00.004+02:00

حاسه أني فقدت المعني حاليا
أني الواحد يكون شفاف ومقري للقدامه كده مش غامض دي احسن حاجه
راحت فين الشفافيه!!??
وليه بقا الغموض كتير!!??
في فرق كبيربين الشفافيه والصدق بس الاكيد انهم هما الاتنين مهمين في حياة أغلبية الناس
لا مش الاغلبيه للاسف لاني في ناس بقيت تستغنا عنهم . وهما دول اللي خلوني أعمل البوست دي لاني زعلانه اوي من فقدان الشفافيه منهم!
الكلام ده كان موجود جوايا زي ماهو كده
ياريت مش اكون ضيقت حد معايا
وياريت اللي مقيدني في كلامي يقولي
‏=‏==================
ملحوظه
اسفه جدا ياجماعه لو الكتابه أو التنسيق فيها مشكله أنا نزلت البوست دي من الموبيل وأن شاء الله احاول اتبعكم من الموبيل برضه لظروف خارجه عن ارادتي ولو مش قدرت سمحوني بأه
أخر حاجه بأه كل سنه وأنتم طيبين وبخير بمناسبة رأس السنه الهجريه

حــــلــــم

2008-12-22T21:28:00.002+02:00

تلك الفتاه

تستيقظ فجأه من نومها وكعادتها تنظر في الساعه

فتجدها الحادية عشر

تجلس وهي مستقره علي سريرها وتحاول ان تتذكر بماذا كنت احلم ؟ بماذا ؟

اه تذكرت كنت احلم بتلك المكان الواسع شديد الخضار من كل الجهات هنا وهناك

الزرع في كل مكان ماأجمله

وتجد نفسها وحيده فيه لااحد سواها هناك

في البدايه كانت تشعر بالرهبه ولكن سرعان ماأخذتها الطبيعه بين احضانها

وظلت تدللها واخذت تلعب الفتاه وتلهو وتجري هنا وهناك

!! وهي سعيده جدا بأن لايوجد هنا من ينظر اليها في استعجاب عما تفعل

فهي حره طليقه ! وظلت تلعب وتجري وتجري

!! وهي لاتعلم لماذا تفعل كل هذا

ولكن كانت تتمنا ذلك كثيرا في خيالها
وظلت تجري حتي ان وجدت طريق يفرق تلك الخضار فيجعله علي جانبيه

تلك الطريق ممهد جدا للسير فيه ويأخذها الفضول لتعرف بماذا يؤدي السير فيه

والي اين ينتهي ؟ سوف اسير فيه حتي نهايته لكي اعرف نهايته!

وظلت تسير في هذا الطريق واذا به قصير ليس طويل ولا هو ببعيد

وبدأت تظهر لها ان هناك من ينتظرها في نهاية الطريق !!

ولكن لاتعرف من هذا ولا تعرف من اتي به الي هنا !

اقتربت واقتربت منه حتي ظهرت لها ملامحه تلك الفتي عريض المنكبين

مابين الاسمر والخمري وتلك الملامح الهادئه والتي تزينها ابتسامه

رقيقه . ياإلهي انه هو انه من حلمت به فتي لي أحلامي

نفس الملامح والصفات والهدوء ماذا !! انه يمد يده الي انه يعرفني

ويبدو عليه انه كان ينتظرني كما انا انتظرته طويلا واحببته واحببت ملامحه كثيرا يافرحتي

واقتربت منه وهو ينظر الي عيني في ثبات وبنفس الابتسامه الساحره

وانا اكاد لا اصدق ماانا فيه ! وإذ به يأخذ بيدي ويقبل كل منها ويقول لي

انتظرتك كثيرا يااميرتي

اجبته وانا ايضا كنت انتظر لاني كنت لا اعرف اين انت ! فأجاب

نعم اعلم ذلك فلقد قدر لنا الله سبحانه وتعالي ان نكتمل اليوم يانصفي الحلو

طارت فرحا بكلامه واخذت تحدثه عن نفسها وهو ايضا يحدثها

وفجأه فتحت عينيها وهي جالسه علي سريرها وأحد ينادي عليها

من الخارج هيا لتتناولي الافطار

انهضي بسرعه

نهضت وهي تقول ليتني اقابله مره اخري لكي اصف له

كم انا احبه وكم اشتقت اليه !

أعــشــق فــيــك الــجــنــون

2008-12-13T14:43:00.003+02:00

حبيبي ...

احيانا .. اتمرد

علي العشق الثائر

وأحيانا ...

اعشق فيك .. الجنون

تشبه .. الطائر الحائر

محلقا .. تملؤه الظنون

نسي.. اين موطنه

وإلي اي ارض .. ينتمي

في كل الاوطان

...اسلم قدره

وظل يرفرف بعيدا

... وقلبي

هو .. الوطن الحنون

هو .. جزيرة الحريه

ونسيم الروح .. الحيرانه

... اراك في منامي

اري .. هذا العشق .. العطري

وشوقي الثائر .. يفتح زراعيه

ينادي .. بالحب الابدي

يضم .. الخوف الحائر

في صدر اللحن ... الدافي

... وعطر الشوق المشتاق

يختال في اللون الابيض

... وعشق الرغبه الوردي

يبحرني .. في البحر الازرق

... وتطوف كل الاحاسيس

كزائر الليل المسحور

في رداء .. من البلور

شفاف .. يرتدي الندي

ينادي .. الروح الظمأنه

يروي القلب المحروم

ونغمات الود .. تحلق مسافره

الي ارض الحب .. الخلايه

... تحمل معها

عطر الزمان

ورائحة الزهر الجذابه

وتنثر عبيرها .. بالكون

ليطوف .. بأرض الميعاد

فيها .. يكون التلاقي

بعد طيلة الغياب

فيها اراك حبيبي

اري البريق .. الذي عاد

والحقيقه .. بعد رحلة سراب

=======
منقول من ديوان اعشق فيك الجنون

عــيــد ســعــيــد

2008-12-07T12:36:00.005+02:00

كل سنه وانتم طيبين وبخير

ويارب كل حد عنده امنيه ربنا يحققهاله في الايام المفترجه دي

فـسـحه حـــلـــوه اوووووووووووووي

2008-12-05T10:33:00.013+02:00

روحنا دريم بارك وكان يوم تحفه بجد من اوله

كان نفسي اركبها بس مش لقتها مش عارفه هي هناك ولا لالالالا

الصاروخ وقفت قدامه انا وفوكس نتأمل اللي بيحصل للناس وخدنا قرار بسرعه اننا مش هنركبه ولا نيجي جمبه هو والديسكفري

قطر الموت

ههههههههههههههه

فوكس كان بيقولي احنا كنا متعلقين من قفانا بس بعد النزول بتكون مش مصدق انك لسه عايش

ههههههههههههه

النهر السائر كان قافل يومها بس دخلنا المغاره اللي بيعدي منها واتفرجنا برضه

ااااااااه الشلالال غرقنا ميه وبعدين قعدنا ننشف بأه بس والله لعبه حلوه اووووووووووووي

وفي العاب تانيه كتير ركبناها زي عربيات السباق والعربيات المتصدمه وقطر الشرق والطحونه

بجد كان يوم مالوش حل

مرسي بجد علي اليوم ده يافوكس :)

كــل ســنــه وانــت حـبـيـبـي

2008-11-30T13:44:00.007+02:00

زي النهارده كان يوم خطوبتنا

============

بجد مرسي اوي لكل اللي سألو عليه

مني ( احاسيس ) - حاسوباتيه

ومرسي لكل اللي زارو المدونه في البوست اللي فات ولاقوني قافله الكومنتات

شعور غريب

2008-11-16T22:06:00.003+02:00

شعور غريب عندما تشعر بالحزن والالم ولاتجد من تفشي له اسرارك وتبوح له بحزنك

فتكتم كل ماتشعر به بداخلك ...ه

شعور غريب عندما تبتسم لك الدنيا لكن سرعان ماتسدل حزنها عليك وتجعل كل دائره بيضاء في حياتك

سوداء مظلمه كظلام الليل الدامس ...ه

شعور غريب عندما تحاول ان تخرج مابداخلك ولا تستطيع !!ه

شعور غريب لما يضيق بك المكان ولا تستطيع مغادرته فتبقي في دائره ضيقه

ثابت في مكانك دون تحرك

شعور غريب عندما تعجز كلماتك البسيطه في مجارات حزنك الكبير

فهم لا يفهمون تلك الكلمات البسيطه وانت لا تستطيع شرح حزنك بكلماتهم الصعبه

شعور غريب عندما تشعر بالوحده